Andijon davlat universitet jismony madaniyat nazariyasi va metodikasi kafedrasi kurash turlari va uni o

Pedagogik mahorat - bu o`quv jarayonining barcha shakllarini eng qulay va samarali holatda tashkil etish, ularni shaxs kamoloti maqsadlari tomon yo`naltirish, talabalarda (o`quvchilarda) dunyoqarash, qobiliyatni shakllantirish, ularda jamiyat uchun zarur bo`lgan faoliyatga moyillik uyg`otishdir.

Qobiliyat – shaxsning muayyan faoliyat turini yuqori darajada bajarishga bo`lgan layoqat darajasini ifodalaydigan, turmush jarayonida hosil qilingan individual xususiyatlar yig`indisi hisoblanadi.

Pedagogii faoliyat — bu o`qituvchining o`quvchilarga ta’lim va tarbiya berish vazifalarini hal qilishga qaratilgan hamda pedagogik ta’sir o`tkazish vositalari bilan amalga oshiriladigan professional aktivligidir. O`qituvchi bu mazkur faoliyatning bir necha turlarini bajaradi: o`qitadi, tarbiyalaydi, yo`l - yo`riqlar ko`rsatadi, tashkil qiladi, targ`ibot yurgizadi, mustaqil bilim olish bilan shug`ullanadi. Bularning hammasi bevosita yoki bilvosita o`qitish va tarbiyalash vazifalarini hal qilishga yo`naltirilgan.

Pedagogik nazokat psixologik bilimlarni hamda ilgaridan to`planib kelgan hayotiy va shaxsiy tajribalarni amalda tadbiq qilishdir. Pedagogik nazokat bu qandaydir tug`ma xususiyat emas, balki kishida asta-sekin shakllanib boradi: u ba’zilarda tezroq, kengroq va yaxlitroq shakllansa, boshqa birovlarda esa sekinrok, kamroq va qismanroq shakllanadi. Bu kishining o`z qalbida ixtiyoriy yoki ixtiyorsiz ravishda sodir bo`layotgan ichki voqealarni qanday xis qilishini kuzata bilishiga bog`liqdir.