Андижон давлат тиббиёт институти факультатив, госпитал терапия, халқ табобати ва эндокринология кафедраси

ЛАБОРАТОР ТАШХИС
ЭКГда – SТ интервали қисқаради, Т яссиланади ёки инверсияси кузатилади, (II-III отведение).
Қонда кальций кескин кўпаяди. Фосфор, магний ва калий камаяди. Буйраклар етишмовчилиги қўшилса фосфор миқдори қонда кўпаяди. Қонда Са нинг нормал миқдори 2,25-2,75 ммоль/л ташкил этади. ГПТда 3-4 ммоль/л кризда эса 5 ммоль/л дан ортади.
Гиперпаратиреозда кальциурия кучаяди (200-400 мг/сут).
Қонда ПТГ 5-8 нг/мл ва ундан ортиш мумкин.
ДАВОЛАШ.
Консерватив даволаш қондаги Са миқдорини камайтиришга қаратилган.

1. 
   Кальций экскрециясини кучайтириш учун сутка давомида натрий хлорнинг изотоник эритмаси 3-4 литр қуйилади.
   
2. 
   Буйраклар етишмовчилиги ва сувсизланиш бўлмаса фуросемид (лазикс)80-100мг ҳар 2-3 соатда натрий ва калий хлор эритмаси ва 5% глюкоза эритмалари билан берилади (кальцийни чиқариш учун). Тиазидли сийдик хайдовчиларни қўллаш мумкин эмас, чунки улар кальцийни ушлаб қолади ва гиперкальциемияни кучайтиради. Гипокалиемияни олди олиб турилиши керак.
   
3. 
   Кальций антогонисти – магний сульфат 25%-10 мл м/о юборилади.
   
4. 
   Кальцийни боғлаш учун, буйраклар етишмовчилиги бўлмаса, томир ичига 2.5% натрий цитрат юборилади. (250 мл томчилаб), ёки натрий-калийфосфат буфери
   

NаН2Р0₄ – 81 ммоль (II, 583г)
КН2РО₄ – 19 ммоль (2,622г)
5% глюкоза эритмасининг 1000 мл билан бирга 8-12 соат давомида юборилади.Бунинг таркибида 100 ммоль (3,18г) атомар фосфор бор. Керак бўлган тақдирда бу эритма 24 соатдан сўнг қайта қуйилиши мумкин.

5. 
   Суякларда кальций фиксациясини кучайтириш мақсадида кальцитрин 10-15 ТБ. т/и томчилаб, ёки 5ТБ м/о ҳар 8 соатда берилади (қондаги Са миқдори назорати остида).
   
6. 
   Глюкокортикоидлардан гидрокортизон 100-150 мг суткасига берилади. Гидрокортизон организмнинг метаболик стрессга реакциясини ва ичакдан кальций сўрилишни камайтиради.
   

ПТГнинг антогонисти митрамицин, тана вазнининг ҳар кг га 25 мкг дан т/и юборилади. Митрамицин бошқа препаратлар эффектсизлигида , жигар ва буйраклар етишмовчилиги бўлмаса берилади.