Андижон давлат тиббиёт институти факультатив, госпитал терапия, халқ табобати ва эндокринология кафедраси

АЛИМЕНТАР СЕМИРИШ. ТАРҚАЛИШИ, САБАБИ, ЭНДОКРИН, ЮРАК-ҚОН-ТОМИР ВА БОШҚА ТИЗИМЛАР ҲОЛАТИ.АЛИМЕНТАР СЕМИЗЛИКНИНГ ДАВОЛАШ УСУЛЛАРИ.


Семизлик ер юзида энг кенг тарқалган касалликлардан биридир. БДССТ (ВОЗ) маълумотига кура планетамиз ахолисининг 30% ортиқча вазнга эгадир.
Семизликнинг атеросклероз, гипертония, қандли диабет каби касалликларнинг патогенезидаги роли хозирги кунда исботланган. Семизлик билан хасталанганлар ҳар хил касалликлардан 1,5-3 баробар кўпроқ нобуд бўлишади. Бу холат семизликнинг ўз вақтида ташхислаш ва олдини олиш мухимлигини кўрсатади
Семизлик организмда моддалар алмашинувининг бузилиши натижасида тери ости ёғ қатламида ва тўқималарида ёғларнинг тўпланишидир. Семизлик мустақил касаллик сифатида (оддий ёки хақиқий – алиментар семизлик, қонституционал наслий семизлик) ёки бошқа касалликларнинг симптоми сифатида бўлиши мумкин. Семизлик билан кечадиган касалликлар кўпинча ички секреция безлари фаолиятининг бузилиши ёки марказий нерв системаси шикастланиши туфайли келиб чиқади. Семизлик кенг таркалган касаллик бўлиб аёлларда 50% ни, эркакларда 30% болаларда эса 10% ни ташқил этади. 70 ёшдан сўнг ўртача вазннинг пасайищи кузатилади.


ТАРИХИЙ ДАЛИЛЛАР.
Семизликни пархезли даволаш масалалари биринчи бўлиб 23 аср илгари Гипократнинг «Диетика» китобида ўз аксини топган. Семизлик ва уни даволаш Диоклекс (эрамизгача 1У асрда), Ибн Сино (1000 йил аввал), Гален, Фальт, Неорден ва бошқалар асарларида ёритилган.
ЭТИОЛОГИЯ.
В.Г. Баранов фикрича семизлик ривожланишида гипоталамуснинг иштаха бошқариш марказларидаги нотўлиқликлар сабаб бўлади.
Семизликга олиб келувчи омилларга: ортиқча овқат истъемол қилиш, айниқса углеводлар, ёғларга бой бўлган махсулотларни кўп қабул қилиш, алкоголь ичимликларига берилиш, жисмоний пассивлик; 40 ёшдан катталар, наслий мойиллик киради.
Симптоматик семизлик келиб чиқишида эндокрин хасталиклар (адипозогенитал дистрофия, Кушинг синдроми, гипотиреоз, гиперинсулинизм, гипогонадизм) ёки МНС даги патологик жараёнлар (бош мия жарохати,энцефолит, III- мия қозончаси тубининг ўсмалари) сабаб бўлади.