Андижон давлат тиббиёт институти факультатив, госпитал терапия, халқ табобати ва эндокринология кафедраси

Даволаш принциплари: регидратация, гиперосмолярликни ва уни чақирувчи омилни йуқотиш.
Биринчи 2 соат ичида:

1. 
   Натрий хлорид 0,45% эритмасини 2 л миқдорда 2 соат ичида қуйиш.
   
2. 
   Калий хлорид 7,5-15 мл 10% эритмасини қуйилаётган натрий хлор эритмасини 1 литрига кушиб бериш (агар қондаги калий миқдори 3,5 ммоль/л дан кам бўлса ва сақланган диурезда).
   
3. 
   20 бр. инсулин м/о, кейин ҳар соатда 5-8 бр. инсулин м/о ёки вена ичига юборилади.
   

Кейинги терапия.
1. 0,45% эритмасини 1л/соатига беришни давом эттириш вена ва осмоляр
босим нормаллашувича.

1. 
   Калий етишмаслигида 10% калий хлор эритмаси 18 мл/соатига қондаги калий миқдорига караб берилади.
   
2. 
   5-8 бр /соатига инсулин бериб турилади.
   

ГИПОГЛИКЕМИК КОМА.
Бу мия тўқимаси орқали глюкоза утилизациясининг кескин пасайишига нисбатан организмнинг жавоб реакциясидир.
ЭТИОЛОГИЯСИ.
Қандли диабет билан ҳасталанган беморларда гипогликемик комани келтириб чиқарувчи сабабларга инсулин ёки сульфаниламид препаратларининг ортиқча миқдорларда қабул қилиниши, қанд тушурувчи дориларнинг салицилатлар, этионамид ва алкоголь билан биргаликда қабул қилиниши, овқат билан углеводларнинг етарли миқдорларда қабул қилинмаслиги киради. Қандли диабет билан ҳасталанганларда буйраклар, жигар, юрак етишмовчилигининг қўшилиши ва интенсив мушак юкламаси инсулин ёки сульфаниламид дорилар таъсирининг кучайишига ва гипогликемик команинг келиб чиқишига сабаб бўлади.
КЛИНИК КЎРИНИШИ.
Гипогликемик кома бирданига ривожланиши ёки кўпнича вегетатив ўзгаришлардан сўнг (тахикардия, терлаш, ранг оқариши, қалтираш), очлик хисси ва неврологик бузилишлар (ҳаракатларнинг қўзғолиши, дезориентация ва б. қ) дан сўнг ривожланади. Кома бошида ҳаракатли кўзғолиш, клоник ва тоник талвасалар, гаранглик ва ундан сўнг сопор ҳолатининг ривожланиши кузатилади. Қон босими кўтарилишга мойил бўлади. Ортиқча профуз терлаш, тахикардия, кўз олмалари таранглиги ортиши кузатилади. Қондаги қанд миқдори 2,5-3 ммоль/л гача пасаяди, кетоацидоз бўлмайди. Гипогликемик кома, мия қон айланишининг бузилиши, инсульт, гемиплегия билан оғирлашиши мумкин. Кома узоқ давом этса летал оқибатга олиб келиши мумкин.
ДАВОЛАШ.
20-40% глюкоза эритмасини зудлик билан юбориш. 1 мг глюкагон м/о ёки 1-2 мл адреналин т/о юборилиши керак.