Analitik kimyo

Shisha byukslar – ya’ni shlifli qapqoqga ega bo’lgan stakanchalar havoda o’zgaradigan (gigroskopik yoki uchuvchan) moddalarni saqlash va tortish uchun hizmat qiladi. Balandligi 25 mm va diametri 46 mm bo’lgan yoki balandligi 50 mm, diametri 35 mm bo’lgan byukslar foydalanish uchun qulay hisoblanadi. (4-rasm)


4- rasm. Byukslar
Yuvgichlar – cho’kmalarni miqdoran filtrga o’tkazishda, cho’kmalarni yuvishda qo’llaniladi. Yuvgichning kolbasi hajmi 250 – 500 ml bo’lishi mumkin.

Chinni kosachalar – eritmalarni bug’latish va qolgan quruq qoldiqni quritish uchun ishlatiladi. Ko’pincha diametri 6-9 sm bo’lgan chinni kosachalardan foydalaniladi.

Chinni tigellarda – asosan cho’kmalar qizdiriladi. Tigellar gaz alangasida, mufel pechlarida qizdiriladi. Tigellarni pechdan eksikatorga tigel qisqichlari yordamida olib qo’yiladi.

Eksikator - shisha idish bo’lib, shlifli qapqoqqa ega bo’ladi. Qapqoqning tegib turadigan qismlariga vazelin surkaladi. Eksikatorning o’rtasida tigellar joylashtiriladigan teshiklari bo’lgan tokchasi bo’lib, eksikatorning pastki qismini namni tortuvchi modda odatda qizdirib suvsizlantirilgan kalsiy xlorid bilan to’ldiriladi. Eksikatorda qizdirilgan byuks yoki tigellar sovutiladi, gigraskopik moddalar saqlanadi, ba’zi bir moddalar sekin quritiladi. Eksikator qapqog’ini ochish uchun eksikator chap qo’l bilan ushlanib, qapqog’ini o’ng qo’l bilan gorizantal holda bir tamonga suriladi, shundan so’ng qapqoq oson olinadi. Eksikatorni bir joydan boshqa joyga o’tkazishda uning qapqog’i bosh barmoq bilan zich siqilgan holda ko’tariladi (5-rasmda).