Analitik, fizikaviy va kolloid kimyo

O‘z–o‘zidan sodir bo‘ladigan jarayon – sistema o‘z-o‘ziga qo‘yib qo‘yilganda hech qanday ta’sirsiz sodir bo‘ladigan jarayon.
Termodinamik qaytar jarayon – boshlang‘ich holatdan (1) oxirgi holatga (2) o‘tishda barcha oraliq holatlar muvozanatda bo‘ladi.
Termodinamik qaytmas jarayon – boshlang‘ich holatdan (1) oxirgi holatga (2) o‘tishda loaqal birgina oraliq holat muvozanatda bo‘lmaydi.
Entropiya – holat funksiyasi bo‘lib, uning o‘zgarishi (∆S) qaytar izotermik jarayonda sistemaga berilgan issiqlikni (Q) jarayon sodir bo‘layotgandagi absolyut haroratga bo‘linganiga teng (∆S= ). Entropiya – sistemaning berilgan holatdagi ehtimolligining yoki tartibsizligining mezoni.
Yo‘nalishi qaytar reaksiya – berilgan sharoitda o‘z-o‘zidan ham to‘g‘ri ham teskari yo‘nalishda sodir bo‘ladigan reaksiya.
Sistemadagi moddaning kimyoviy potensiali – berilgan sharoitda moddaning mol qiymatiga to‘g‘ri keladigan Gibbs energiyasi.
Eritma – ikki yoki ko‘p moddadan iborat o‘zgaruvchan tarkibli – muvozanat holatdagi gomogen sistema.
Eritma komponentlari – eritmani tashkil etuvchi moddalar.
Elektrolitlar eritmasi – sharoitga qarab ionlarga dissotsiyalanuvchi tuzlar, kislotalar va asoslar eritmasi.
Noelektrolitlar eritmasi – suvda qariyib dissotsatsiyaga uchramaydigan moddadar eritmasi.
Amfolitlar eritmasi – ham kislotali ham asosli dissotsiyalanadigan moddalar eritmasi.
Polielektrolitlar eritmasi – tarkibida ionlanishga qobiliyatli ko‘p miqdorda funksional guruhlar saqlovchi yuqori molekulyar birikmalar eritmasi.
Erish issiqligi – 1mol moddani erishi natijasida ajralgan yoki yutilgan issiqlik.
Gomogen reaksiya – reaksiyaga kirishuvchi moddalar bitta fazada bo‘lgan reaksiya.
Geterogen reaksiya – reaksiyaga kirishuvchi moddalar turli fazada bo‘lgan reaksiya.
Oddiy reaksiya – reaksiya mahsuloti reagentlar molekulalari (zarrachalari) bevosita ta’sirlanishi natijasida hosil bo‘ladigan reaksiya.