Analitik, fizik-kolloid va biologik kimyo

Sulfat kislotaning ta’siri. Sulfat kislota va uning eruvchan tuzlari Ca²⁺, Sr²⁺, Ba²⁺, Pb²⁺, [Hg₂]²⁺ va Ag⁺ bilan oq cho’kma CaSO₄, SrSO₄, BaSO₄, PbSO₄, Ag₂SO₄, Hg₂SO₄ larni hosil qiladi. Bu sulfatlarni cho’kishi to’liq emas, chunki CaSO₄, PbSO₄, Ag₂SO₄ va Hg₂SO₄ ma’lum miqdorda qisman suvga eriydi. YUqoridagi hamma sulfatlar kontsentrlangan sulfat kislotada eriydi:

BaSO₄ + H₂SO₄ → Ba(HSO₄)₂

Lekin, suv bilan suyultirilganda, yana tegishli sulfat cho’kmaga tushadi.

PbSO₄ HNO₃ da

PbSO₄ + 2HNO₃ → Pb²⁺ + 2NO^-₃ + 2H⁺ + SO₄^2-

Ishqor eritmalarida:

PbSO₄ + 4KOH → PbO₂^2- + 4K⁺ + SO₄^2- + 2H₂O

Va ammoniy atsetat eritmasida:

PbSO₄ + 2CH₃COONH₄ + 2NH₃ + H₂O → PbO(CH₃COO)₂ + (NH₄)SO₄

Ag₂SO₄ ga ammiakli suv ta’sir etirganda rangsiz [Ag(NH₃)₂]⁺ kompleks ioni hosil bo’ladi. Hg₂SO₄ ga ammiakli suv ta’sir ettirilganda simobning ajralib chikishi sababli qora rangli cho’kma (HgNH₂)₂SO₄ + Hg ajralib chiqadi.
Kaliy va natriy gidroksidining ta’siri. Kaliy va natriy gidroksidi magniy, temir (II va III), alyuminiy, xrom (III), marganets (II), nikel, kobalt, rux, surma (III va V), mis, kadmiy, vismut, simob ( I va II), kumush, qurg’oshin bilan oqga bo’yalgan. Kam eruvchan gidroksidlarni Mg(OH)₂, Zn(OH)₂, Fe(OH)₂, AI(OH)₃, Cd(OH)₂, Bi(OH)₃, Hg(OH)₂, Sn(OH)₂, Sn(OH)₄, Sb(OH)₃, Sb(OH)₅, Pb(OH)₂, Hg₂(OH)₂, AgOH, Mn(OH)₂ hosil qiladi.

Vaqt o’tishi bilan Fe(OH)₂, Mn(OH)₂ oksidlanib qo’ng’irlashadi. Hg₂(OH)₂ va AgOH esa qorayib tegishli Fe(OH)₃, MnO(OH)₂ va HgO, Ag₂O hosil qiladi. Cr(OH)₃ – yashil, Ni(OH)₂- och yashil, Co(OH)CI-ko’k-binafsha, Co(OH)₂ -binafsha, Cu(OH)₂ –yashil- ko’k rangdagi cho’kma.

Ortiqcha NaOH va KOH eritmasiga alyuminiy, xrom, rux, mis, qalay(II va IV), qo’rg’oshin gidroksidlari erib AIO₂^-, CrO₂^-, ZnO₂^2-, CuO₂^2-, SnO₂^2-, SnO₃^2-, PbO₂^2- ionlarini hosil qiladi.

CrO₂^- qizdirilganda Cr(OH)₃ cho’kma hosil bo’ladi. AIO₂^- ammoniy tuzlari ta’sir ettirilganda AI(OH)₃ cho’kma tushadi. Rux, kadmiy, nikel, kobalt, mis, kumush, simob(II) gidroksidlariga ammiakli suv ta’sir ettirilganda [Zn(NH₃)₄]²⁺, [Cd(NH₃)₄]²⁺, [Ni(NH₃)₆]²⁺, [Co(NH₃)₆]²⁺, [Cu(NH₃)₄]²⁺, [Ag(NH₃)₂], [Hg(NH₃)₂]²⁺, ammiakli komplekslar hosil bo’ladi. Marganes, magniy va temir(II) gidroksidlari ammoniy tuzlarda eriydi:

Mn(OH)₂ + 2NH₄⁺ → 2H₂O + 2NH₃ + Mn²⁺

Hamma gidroksidlar mineral kislotalarda eriydi.