Analitik, fizik-kolloid va biologik kimyo

Har qanday sistema umumiy energiyasining o’zgarmas temperaturada foydali ishga aylana oladigan qismi (F) erkin energiya deyiladi.⁸
Termodinamikaning uchinchi qonuni. Bu qonunga ko’ra ideal kristallar xolida mavjud bo’ladigan toza moddalarning entro-piyasi absolyut nol temperaturada nolga teng, undan yuqori tempe-raturalarda albatta noldan katta. Bu degan so’z, absolyut nolda jismda molekulalarning joylashuvi batamom tartibli bo’ladi.

Termodinamikaning qishloq xo’jaligida qo’llanilishi.

Termodinamika qonunlarni tirik organizmga tadbiq etishda organizmni tevarak - atrofdagi muxit, assimilyatsiya-dissimilyatsiya faktorlari va shart - sharoitlari bilan birgalikda bir butun holda qarash kerak. Har qanday organizm hayot faoliyatida tashqi muxitdan moddalarni, energiyani yutib, so’ngra qayta ishlangan holda tashqi muhitga chiqaradi.

Tirik organizm hayot faoliyati uchun zarur energiyani kimyoviy energiyaning asosiy manbai bo’lgan oziq-ovqat maxsulotlaridan oladi. Bu moddalar organizmda parchalanganda energiya ajralib chiqadi va u organizmda issiqlik hosil qilishga, mexanik ish bajarishga, turli xil sintez reaktsiyalarga sarflanadi. Shu sababli tirik organizmning parchalanish maxsulotlarida kimyoviy energiya ancha kam bo’ladi, demak, termodinamikaning ikkinchi qonuni tirik organizmlarda ham amal qiladi.