Analitik, fizik-kolloid va biologik kimyo

12.4.Kolloid eritmalarni tozalash usullari.

Toza kolloid eritmalar olish uchun kolloid eritmalar tarkibida hosil bo’lgan elektrolit ( asos, kislota, tuz ) lar va boshqa aralashmalardan tozalaniladi. Kolloid eritmalarni tozalash uchun «dializ»,«elek-trodializ» va «ultrafiltratsiya» usullardan foydalaniladi.

Dializ usul deb, kolloid eritmalarini molekula va ion eritmalaridan suniy membrana xaltachasi orqali tozalashga aytiladi, unda ishlatiladigan asbobga dializator deyiladi.

Kollodiy va tsellofanlardan suniy membrana tayyorlanadi.

Elektrodializ usuli deb elektr toki yordamida dializ usulini tezlashtirishga aytiladi. Buning uchun kolloid eritmadan elektr toki o’tkazilganda eritmadagi manfiy ionlar anodga, musbat ionlar esa, katodga yig’ilib, oqayotgan suv bilan yuvilib ketadi.¹³