Amea folklor institutu

d) A.Cavahov. «Gürcü xalq filologiyasından» – II şöbə, səh.141-160.
Məcmuədə verilmiş bu material bir neçə bölmədən ibarətdir. Müəllif 1-ci bölmədə 108 atalar sözünü orijinalda və rus dilinə tərcümədə verir. 2-ci bölmədə “Hökmdar və onun üç oğlu” nağılı, 3-cü bölmədə “Kəndli haqqında əfsanə”, 4-cü bölmədə isə “Amiran haqqında xalq dastanı” kimi nümunələrlə tanış olmaq mümkündür.
3) III buraxılış (1883) (11). a) B.Veniaminov. «Salahlı kəndi və orada yazılmış tatar nağılları»– II şöbə, səh.101-107.
Məqalədə müəllif oxuculara “Məlik Məmməd və Məlik Cümşüd”, “Şah Rüstəm”, “Şahzadə Qəmbər”, “Şah İsmayıl”, “Şərəf” kimi nağılların rus dilində mətnlərini təqdim edir.
b) M.Aleynikov. «Qaraçay nağılları» – II şöbə, səh.138-168.
Məqalənin müəllifi kənd müəllimidir. O, yaşadığı kənddə el arasında, dildə-ağızda gəzən “Aqimez və Xubin”, “Emigenler”, “Divlər, yaxud kim güclüdür?”, “Celmaus”, “Kim daha çox?”, “Aymuş”, “Karça” kimi nağılları oxucuların ixtiyarına vermişdir. Nağılların mətni rus dilindədir.
4) IV buraxılış (1884) (12) a) P.Eyvazov. «Qoylasar kəndi və aysorilər haqqında bəzi məlumatlar». I şöbə, səh.284-326.
Məqalədə müəllif bu kəndin etimologiyası ilə əlaqədar mövcud olmuş mülahizələrdən birini oxucuların nəzərinə çatdırır: Şah Abbas Yerevanı zəbt edənə qədər bu ərazidə heç bir kənd yox imiş. O əmr edir ki, burada kənd salınsın, yəni kəndin əsası qoyulsun (qoyla+sar) – başqoymaq, başlamaq. Müəllifin yazdığına görə 1826-1828-ci illər Rus-İran müharibəsi dövründə burada tatarlar-yəni azərbaycanlılar yaşayıb. Müharibədən sonra buraya yüz aysor ailəsi köçürülür. Onlar bir müddət Naxçıvanda, üç il Şuşada yaşadıqdan sonra 1840-cı illərdə Yerevan qəzasına köçürlər və orada məskunlaşırlar. Müəllif məqalənin sonunda Qoylasar kəndi haqqında geniş məlumatlar verir, onların atalar sözləri və məsəllərindən nümunələri oxuculara təqdim edir.
b) H.Debirov. «Dağıstan rəvayətləri və mövhumatları». – II şöbə, səh.25-33.
Məcmuədə verilmiş bu material bir neçə bölmədən ibarətdir. Müəllif məqalənin hər bir bölməsində xalqön yaratdığı rəvayət və xurafatlardan bəhs edir və onlardan nümunələr təqdim edir.