Amaliy mashg`ulot№1. Mavzu: Ishlab chiqarishda ish kuni xronometraji,mehnatning og`irligi va keskinligi(zo`riqish) ni baholashni o`rganish

Mukammal sanitariya tekshiruvi yakunlangandan so‘ng olingan ma’lumotlarga asoslanib,sog‘lomlashtirish chora-tadbirlarni ishlab chiqiladi, korxonadagi ba’zi muammoli masalalarni hal etish yo‘llari sanitar-gigienik nuqtai-nazardan echimi ko‘rsatiladi,korxonalarni sanitar-epidemiologik holatini yaxshilash bo‘yicha texnik,sanitar-texnik,tibbiy profilaktik choralar belgilanadi.
Korxona uchun sanitar pasport tuzishda yoki ularni yangilashda,aholining shikoyatlarini o‘rganishda va boshqa holatlarda mukammal sanitar tekshiruvi ma’lumotlaridan foydalaniladi.
Toliqish—organizmning alohida fiziologik holati bo'lib,uzoq vaqt yoki zo'r berib ishlash natijasida yuzaga keladi va ish qobiliyatining pasayishi bilan ifodalanadi.
U qator fiziologik diqqat funksiyasining yomonlashuvi,mushaklar chidamliligining pasayishi,ish bajarish bilan bog'liq jarayonlar muvozanatining buzilishi va biokimyoviy(qonda qand miqdorining kamayishi,sut kislota darajasi- ning oshishi va hokazo)ko'rsatkichlar bilan aniqlanadi.
Toliqish—qaytar hodisa. Tegishli hordiq chiqargandan so'ng toliqish yo'qoladi va organizmning ish qobiliyati asli holiga keladi.Toliqish natijasida paydo bo'ladigan subyektiv charchoq sezgisi dam olish zararligidan xabar beradi.Mehnat tartibiga rioya qilinmasa,toliqish holdan toyishga olib keladi.Holdan toyish patologik holat hisoblanadi.Og'ir yoki uzoq davom etadigan ishda uzoq vaqt davo- mida dam olinmaganda va ish qobiliyati tiklanmaganda shunday hodisa yuz beradi.
Toliqish va holdan toyishga qarshi kurashish bo'yicha tadbirlar ishlab chiqish mehnat gigiyenasining muhim vazifasi hisoblanadi.
Toliqishga qarshi kurashish va mehnat jarayonini to'g'ri tashkil qilish
Toliqishning rivojlanishida markaziy nerv sistemasining funksional holati yetakchi o'rin tutishi isbotlangan.1.puxta reja tuzib,ishlab chiqarish jarayonini puxta qilish.2.to'g'ri tashkil etish3.ish joyining saranjom-sarishta bo'lishi,4.sanoat estetikasi vositalari va boshqa ijobiy omillar ish qobiliyatining oshishiga olib keladi.Ishni to'g'ri tashkil qilinmasligi,aniq maqsad,reja bo'lmasligi,gigiyena sharoitlarining yomonligi ruhiyatga salbiy ta'sir qiladi,ish unumi pasayadi va odam tez toliqib qoladi.Odamning mehnat qobiliyati ko'p jihatdan o'z kasbini qay darajada o'zlashtirganiga,tajribasiga bog'liq.