Amaliy mashg’ulot №4 mavzu: xavfsizlik texnikasi bo‘yicha yo‘riqnomalar va ularni hujjatlashtirish tartiblari

AMALIY MASHG’ULOT №4
MAVZU: XAVFSIZLIK TEXNIKASI BO‘YICHA YO‘RIQNOMALAR VA ULARNI HUJJATLASHTIRISH TARTIBLARI

1. 
   Mavzu: Xavfsizlik texnikasi bo‘yicha yo‘riqnomalar va ularni hujjatlashtirish tartiblari
   
2. 
   Mashg‘ulotning maqsadi: Xavfsizlik texnikasi bo‘yicha o‘tkaziladigan yo‘riqnomalarning maqsadi, vazifasi, turlarining o‘tkazilish vaqti va tartibini o‘rganish hamda ularni hujjatlashtirish bo‘yicha amaliy ko‘nikmalar hosil qilish.
   
3. 
   Mashg‘ulot rejasi:
   

Xavfsizlik texnikasi bo‘yicha yo‘riqnomalarning maqsadi va vazifazi.
Xavfsizlik bo‘yicha yo‘riqnomalarning turlari, mazmuni va hujjatlashtirish tartibi.


Topshiriq. Xavfsizlik texnikasi bo‘yicha yo‘riqnomalarning turi, tarkibi va mazmuni bilan tanishing. Ularni hujjatlashtirish bo‘yicha yuritilishi lozim bo‘lgan jurnal (1 va 2-jadvallar)ni to‘ldiring.
Tayanch so‘z va iboralar: xavfsizlik, mehnat muhofazasi, xavfsizlik texnikasi, ishlab chiqarish sanitariyasi, qonun, qoida, talab, yo‘riqnomalar: kirish, ish joyidagi, reja bo‘yicha, rejadan tashqari, kurs o‘qishlari, bilim, tekshirish, hujjatlashtirish, jurnal.


Mashg‘ulotning mazmuni
3.1. Xavfsizlik texnikasi bo‘yicha yo‘riqnomalarning maqsadi va vazifasi
Ishlab chiqarishda faoliyat yuritayotgan har bir ishchi-xodim o‘ziga birikitilgan ishni xavfsiz bajarish qoidalarini puxta bilishi zarur. Buning uchun esa ularni mehnat muhafazasi va xavfsizlik texnikasi qoidalari bo‘yicha malakali o‘qitish talab etiladi.
Ishlab chiqarishdagi barcha ishchilarga ishlab chiqarish ishlarining xarakteri va xavfsizlilik darajasidan qat’i nazar, ular mehnat muhofazasi bo‘yicha o‘qitilib, xavfsizlik texnikasi bo‘yicha bilimlari tekshirilib ko‘rilgandan keyingina ishga ruxsat beriladi. Ishchilarni mehnat xavfsizligi bo‘yicha o‘qitish ularga yo‘riqnomalar o‘tish orqali amalga oshiriladi.
Xavfsizlik texnikasi bo‘yicha yo‘riqnomalar o‘tishning asosiy maqsadi – ishlab chiqarishda baxtsiz hodisalar sodir bo‘lishining oldini olishdan iborat, uning vazifasi esa ishchi-xodimlarni ishni bajarishning xavfsiz usullari bo‘yicha bilimlarini oshirishga qaratilgandir.