Amaliy ish №1 mavzu: ma’lumotlar bazasining axborot mantiqiy modelini qurish ishdan maqsad

Amaliy ish №1

MAVZU: MA’LUMOTLAR BAZASINING AXBOROT MANTIQIY MODELINI QURISH

Ishdan maqsad: Ma’lumotlar bazasining axborot mantiqiy modelini qurish, o’quv ma’lumotlar bazasi uchun mohiyat-aloqa diagrammasini qurishni o’rganish.

Qo’yilgan masala: Topshiriq variantida berilgan soha uchun ma’lumotlar bazasining axborot mantiqiy modelini qurish.

Ish tartibi:

• 
  Amaliy va laboratoriya ishi nazariy ma’lumotlarini o’rganish;
  
• 
  Berilgan topshiriqning axborot mantiqiy modelini qurish;
  
• 
  Natijalarni tekshirish;
  
• 
  Hisobotni tayyorlash va topshirish.
  

Ma’lumotlar bazasini yaratish jarayonida o’rganilayotgan predmet sohaga tegishli ma’lumotlarni yig’ish va ob’ektlar o’rtasidagi o’zaro bog’liqliklarni aniqlash ma’lumotlar bazasini loyihalashning muhim omili hisoblanadi.

«Mohiyat-aloqa» modeli (ER - Entity-Relationship model) ma’lumotlar bazasini loyihalashning konseptual darajasidagi chizmalarini tavsiflash uchun ishlatiladi. Biz an’anaviy belgilash (tasvirlash) usullari bilan bir qatorda, loyihalash vositasi UML (Unified Model Language - yagonalashgan modellash tili) tilining belgilaridan ham foydalanamiz. Chunki loyihalash vositalarining tarkibiga «mohiyat-aloqa» modeli ham kiritilgan.

«Mohiyat-aloqa» modeli elementlari

«Mohiyat-aloqa» modelining asosiy elementlari — mohiyatlar, atributlar, identifikatorlar va aloqalardan iborat.