Амалий машғулотнинг номи ва қисқача мазмуни Дарс соатлари хажми

12.2-жадвал
Темирбетон конструкцияларнинг йўл қўйиладиган чегаравий солқиликлари қиймати [8]

№	Конструкция элементлари	Рухсат этилган чегаравий солқилик
1	Краности тўсинлар, кранлар: А) оддий Б) электрлаштирилган	1/500 1/600
2	Текис шифтли ораёпма ва ораёпма элементлари, оралиқларда, м: L < 6 6 ≤ L ≤ 7.5 L < 10	1/200 3.0 см 1/250
3	Қовурғали шифтли ораёпма ва зина элементлари, оралиқларда, м: L < 5 5 ≤ L ≤ 10 L < 10	1/200 2.5 см 1/250
4	Ишлаб чиқариш вазифасидаги қишлоқ хўжалик биноларининг томёпма элементлари: L < 5 6 ≤ L ≤ 10 L < 10	1/150 4.0 см 1/250

Эслатма: L – тўсин ёки плитанинг оралиғи.

Конструкцияларда дефектларни аниқлаш

Қурилиш материаллари ва конструкцияларининг нуқсонини топиш масаласига: микро ва макродарзлар, ғоваклар, ножинс қўшилмалар ва бошқалар. Бундан ташқари дефектоскоплар ёрдамида темирбетон конструкцияларда бетонни очмасдан туриб арматуранинг жойланишини топиш мумкин, шу билан бирга бетон танасида жойлашган металл конструкциянинг кесимини аниқлаш учун ультратовушли дефектоскоп (импульсли ва бетўхтов нурланувчи) усуллари қўлланилмоқда. Бунда «акс-садо» ультратовушнинг қайтиши ва бутунлай ўтиш усуллари фарқланади.
Бу усулларнинг биргаликда қўлланиши нуқсонларнинг мавжудлиги ва жойлашишини етарли даражада аниқлик билан топиш имконини беради. Дарз очилиш кенглиги, чуқурлигини ультратовуш усули билан биргаликда қўллаб 4.7-жадвалда келтирилган асбоблар ёрдамида аниқланади.
Дарзларнинг вақт мобайнида ривожланиш динамикасини турли хилдаги нишонлар ёрдамида ўрнатилиши, ғишт термасидаги дарзларни кузатиш ишлари 4.3.3. пунктда баён этилган эди.
Метал нишонларни одатда тунукалардан тайёрлаб, деворга мих билан ёки елимлаб маҳкамланади ва бўёқ билан бўялади. Нишонларга тартиб рақами ва сана қўйилади. Маълумотларни махсус журналга қайд этилади. 7,5 метргача бўлган, етиш қийин бўлган жойлардаги қурилиш конструкцияларининг юза қатламини баҳолаш РВП-451 оптик прибор ёрдамида амалга оширилади.
Ораёпмаларда, деворларда ва бошқа конструкцияларда металл борлигини МИ-1 металл қидирувчи ёрдамида аниқлаш мумкин.