Амалий машғулотлар учун масалалар тўплами

KeYS-STADI: «Ta`sir usullari»

«A & V» firmasi bir yildan beri vizitkalarni, reklama prospektlarini va xar xil jurnallarni bosmadan chiqarish bozorida faoliyat olib boradi. Firmaning strategik rivojlanish masalasiga, raqobatchilik bozorida o`zining ulushini, chiqarilayotgan maxsulot sifatini yaxshilash va xilini ko`paytirish yo`li bilan oshirish qo`yilgan. Bu masalani real bajarish uchun yangi qurilma olish talab qilinadi. Ammo firmaning etarli mablag`i yo`q edi. Shu yangi qurilmalar sotadigan «SAR» kompaniyasi lizing shartlari bilan aytilgan qurmalarni etkazishga rozi edi. Faqat, buning uchun «A&V» firmasi biron-bir katta moliyaviy baquvvat firma bilan bosma ishlariga katta pulga shartnoma tuzishi kerak edi.
«A&V» firmasining boshliqlari «WINWEST» firmasi bilan aloqa tuzishga qaror qilishadi. Bunda, ular o`zlarining shaxsiy aloqa vositalari orqali, «do`st» firmaga rangli lazer printerida chiqarilgan xat va vaqtincha kiraga olingan komp`yuter-tipografiya qurilmalari vositasida xar-xil reklama maxsulotlarini tayyorlab, kommertsiya taklifi bilan chiqadilar.
Muloqotlar uchun salobatli ko`rinishi bo`lgan direktorning ishlab chiqarish bo`yicha o`rinbosari yuboriladigan bo`ldi. U o`zining eng yaxshi kostyumini kiydi, o`rtog`ining «SITIZeN» markali soatini va sof teridan tayyorlangan diplomatini oldi. Boshqa o`rtog`ining «MeRSeDeS» avtomashinasida «WINWEST» kompaniyasining ofisiga olib borishni iltimos qildi. Roppa-rosa belgilangan paytda u muloqot uchun «WINWEST» kompaniyasiga kirib keldi. Muloqot paytida o`z firmasining kelajak rejalari, yangi texnika qurilmalari olinayotganligi xaqida gapirdi (o`zinig texnika bo`yicha saviyasining balandligini ko`rsatdi). Umuman, qanaqa texnik modellarning afzal-noafzaligi xaqida xam so`z yurgizdi…
SAVOLLAR:
1. «A&V» firmasining va shaxsan direktor o`rinbosarining kelajagi qanday?
2. Firma qanday ta`sir etish vositalaridan foydalandi?