Амалий машғулот. Мавзу: Калит узунлигини аниқлаш усуллари

Казиски тести

Калитнинг узунлиги 10 дан ошса, мослик индекси формуласи билан биргаликда Казиски усулидан фойдаланиш яхши самара беради. Казиски усулининг асосий моҳияти қуйидагидан иборат: Очиқ матнда бир хил символлар кетма-кетлигининг биргаликда келиш ҳолатлари мавжуд. Криптограмманинг акслантириши шундай бўлиши мумкинки, кетма-кет бир хил келган символлар гуруҳи калитнинг бир хил қисми билан шифрланиши мумкин. Натижада криптограммада бир хил келган символлар гуруҳи пайдо бўлади. Криптотаҳлилчи уларнинг орсидаги масофаларни ҳисоблаб, уни туб кўпайтувчиларга ажратиб чиқади. Бу кўпайтувчилардан бири шифрнинг даврига тенг бўлади. Агар криптограммада бир нечта мос келувчи символлар жуфтликлари мавжуд бўлса, у ҳолда ҳар бир жуфтликлар орасидаги масофа ҳисобланиб, улар туб кўпайтувчиларга ажратилади. Кўпайтувчилардан қайси бири кўпроқ учраса ўша сон калитнинг узунлигини ифодалаши мумкин. Казиски усулини қўллашда диаграммалардан фойдаланиш нотўғри хулоса бериши мумкин. Триграммалардан фойдаланиш Казиски усулида тавсия қилинади, ундан ортиқ жуфтликларнинг келиш эҳтимоллиги жуда кичик. Лекин бу усулнинг ҳам ўзига яраша камчиликлари мавжуд, яъни кетма-кет келган бир хил символлар гуруҳининг мавжуд бўлмаслигидир.

Назорат саволлари

1. 
   Вижинер шифрлаш алгоритмини асосий жиҳатлари нимада?
   
2. 
   Мослик индексидан нима мақсадда фойдаланилади ва уни қандай аниқлаш мумкин?
   
3. 
   Шифрнинг даври дейилганда нима тушунилади?
   
4. 
   Калит узунлигини қандай аниқлаш мумкин?
   
5. 
   Казиски тестининг моҳияти нимада?
   

Фойдаланилган адабиётлар

1. 
   Акбаров Д.Е. Ахборот хавфсизлигини таъминлашнинг криптографик усуллари ва уларнинг қўлланилиши. –Т., Ўзбекистон маркаси. 2009. -432 б.
   
2. 
   Жданов О.Н., Куденкова И.А. Криптоанализ классических шифров.
   

–Красноярск, 2008. – 107 с.

3. 
   Пилиди В.С. В.С. Криптография. Вводные главы. Электронное учебное пособие. –Ростов-на-Дону, 2009. –110 с.