Амалий машғулот №2

Иммунитети. Қорин тифи ва паратифлардан соғайганларда узоқ давом этадиган турғун иммунитет ҳосил бўлади. Қайта касалланиш ва рецидивлар жуда кам учрайди.
Лаборатория ташҳиси. Лаборатория ташҳиси касалликнинг патогенезига асосланиб тузилган. Шунинг учун касалликнинг даврига қараб турли усуллар қўлланилади.
Гемокультурани ажратиб олиш.

Касалликнинг биринчи ҳафтасида бактеремия кузатилади, шу сабабли беморни қони текширилади. Бунинг учун бемордан 8–10 мл қон олиб, уни сафро қўшилган ёки Рапопорт муҳитига экилади ва 37оС ҳароратли термостатга қўйилади, 3–5–7 кундан сўнг ундан олиб дифференциал муҳитлар: Плоскирев, Эндо ёки висмут-сульфит агарларга экилади. Қолган колониялардан соф культура ажратиб олиниб, унинг морфологик, тинкториал, ферментатив хусусиятлари аниқланади.

Бундан ташқари, поливалент сальмонеллёз зардоб, яъни таркибида А, В, С, Д, Е антигенларига қарши махсус агглютининлари бўлган зардоблар билан буюм ойначасида агглютинация реакциялари қўйилади ва микроб тури аниқланади.
Серологик усул. Касалликнинг иккинчи ҳафтасига келиб, беморнинг қонида микробга қарши кўп миқдорда махсус агглютининлар тўпланади, буни Видаль асослаб берган, шунинг учун Видаль реакцияси дейилади. Уни қўйиш учун қорин тифи ва паратиф А, В диагностикумларидан фойдаланилади. Видаль реакцияси бемор реконвалесцент ва вакцина билан эмланганларда ижобий бўлиши мумкин. Шунинг учун бу реакцияни қўйишда О- ва Н-антигенлардан фойдаланилади. Эмланган ва соғайган кишилар зардобида Н-агглютинин узоқ сақланади. Касаллик авж олган беморларда О-агглютининлар кўп миқдорда топилади.
Бундан ташқари, касал бўлиб соғайганлар ва вакцина билан эмланганларнинг зардобини 1:100 нисбатда суюлтирилганда ҳам агглютинация ҳосил бўлса, бу кўрсаткич д и а г н о с т и к т и т р деб аталади.
Қорин тифи ва паратиф билан оғриган беморлар зардобида бир гуруҳ бошқа бактерияларнинг антигенларига қарши агглютининлар ҳам бўлиши мумкин. Шунинг учун 5–6 кундан сўнг бемордан қайта қон олиб, Видаль реакцияси қўйилади. Бунда агглютининларнинг титри ошиб боради, бу эса ҳақиқатдан ҳам инфекция борлигини тасдиқлайди. Эритроцитар О-, Н- ва Vi-диагностикумлар билан Беb ГАР ни қўйиш жуда яхши натижа беради.