Амалиёт дастури 2-курс

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
ҚАРШИ МУҲАНДИСЛИК-ИҚТИСОДИЁТ ИНСТИТУТИ
ИҚТИСОДИЁТ ФАКУЛЬТЕТИ
МОЛИЯ КАФЕДРАСИ


5230600 - “Молия ва молиявий технологиялар ” таълим йўналиши 4-курс талабалари учун
МАЛАКА АМАЛИЁТИ ДАСТУРИ
ВА УСЛУБИЙ КЎРСАТМА


ҚАРШИ – 2022 йил
КИРИШ

Иқтисодиётни эркинлаштириш, ишлаб чиқаришни модернизациялаш ва диверсификациялаш, инновациялар юқори бўлган тармоқларни ривожлантириш ёъналишида олиб борилаётган оқилона ва изчил иқтисодий сиёсат орқали кўплаб натижалар ва катта муваффақиятлар қўлга киритилмоқда. Айниқса, мамлакатимизнинг таълим тизимида амалга оширилаётган ислоҳотлар алоҳида аҳамият касб этади. Дарҳақиқат, бугунги кунда мамлакатимиз таълим тизимини такомиллаштириш орқали ҳар томонлама етук, баркамол, мустақил фикрлашга қодир, иродали, фидоий ва ташаббускор кадрларни тайёрлашга катта эътибор берилмоқда-ки, бу борада кадрлар тайёрлаш ва таълимнинг ишлаб чиқариш билан узлуксиз тизимини ислоҳ қилиш бўйича яратилган кўплаб қонуний асослари билан изоҳлаш мумкин.

Ушбу дастур Ўзбекистон Республикаси «Таълим тўғрисида»ги Қонуни, Ўзбекистон Республикасини ижтимоий-иқтисодий ривожлантиришнинг Ҳаракатлар Стратегияси, Ўзбекистон Республикаси Президентининг “Олий таълим тизимини янада ривожлантириш чора-тадбирлари тўғрисида”ги ПҚ-2909-сонли Қарори ҳамда “Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида”ги ПҚ-3775-сонли Қарори талабларидан келиб чиққан ҳолда «Ўзбекистон Республикаси олий таълим муассасалари талабаларининг малака амалиёти ҳақида Низом»нинг 2.12 бандига мувофиқ 5230600 - “Молия” таълим йўналиши малака талаблари ҳамда Давлат таълим стандарти асосида тузилди.
Ҳозирги кунда республика таълим тизимини мустаҳкамлаш, уни замон талаблари билан уйғунлаштиришга катта аҳамият берилмоқда. Бунда мутахассис кадрларни тайёрлаш, таълим ва билим бериш тизими ислоҳатлар талаблари билан чамбарчас боғланган бўлиши муҳим аҳамият касб этади. Фанлар бўйича билимлар мажмуасини ўзлаштириш, назарий ва амалий машғулотлар узвийлигида малака ҳамда кўникмаларни мукаммал шакллантиришда малака амалиётининг ўрни беқиёс.