Амалиёт дастури 2-курс

VI. Амалиёт ҳисоботи ва уни ҳимоя қилиш тартиби
Амалиётнинг якунловчи ва ҳал қилувчи босқичи амалиёт юзасидан ҳисоботни ҳимоя қилишдан иборатдир. Ҳисобот кафедрадан тайинланган раҳбар ўқитувчи (ёки кафедра мудирининг руҳсатига кўра бошқа профессор-ўқитувчи) томонидан текширилади ва тақриз ёзилади. Тақризда ҳисоботнинг ижобий ва салбий жиҳатлари кўрсатилади. Тақриз охирида ҳисоботни ҳимояга қўйиш ёки қўйилмаслик тўғрисида маълумот берилади. Агар тақриз «Ҳимояга қўйилмайди» деб баҳоланган бўлса, ҳисобот талаба томонидан тақризда кўрсатилган камчиликлар асосида қайта ишланади, тўлдирилади ва қайта тақризга берилади. Ижобий хулосага эга талаба кафедрада тузилган комиссия ҳузурида амалиёт юзасидан ҳисоботни ҳимоя қилиш ҳуқуқига эга бўлади.
Ҳимояда талаба, комиссиянинг талабига кўра, амалиётнинг мақсади, бажарилган ишларнинг мазмуни, олиб борилган таҳлилларнинг хулосалари ҳақида ҳисобот беради ва комиссиянинг саволларига жавоб беради.
Амалиёт юзасидан ҳисобот қуйидагиларни ўз ичига олади ва берилган кетма-кетликда илова этилади:

1. 
   Амалиёт базасидан амалиёт раҳбарининг имзоси ва молия бўлими муҳри билан тасдиқланган тавсифнома;
   
2. 
   Амалиёт дастури;
   
3. 
   Амалиёт раҳбарининг имзоси ва молия бўлими муҳри билан тасдиқланган амалиёт кундалиги;
   
4. 
   Амалиёт ўташнинг календар-мавзули режаси;
   
5. 
   Амалиёт дастури мавзулари бўйича ҳисобот хужжатлари ва таҳлилий материаллар.
   

Ҳисобот жараёнида бажарилган барча ишларни мазмуни ва охирги натижалари таҳлил этилади. Ҳисобот электрон шаклида тайёрланиб, унинг ҳажми 20-30 бет бўлиши керак.