Амалиёт дастури 2-курс

10-мавзу. Бюджет ташкилотларининг маблағларидан оқилона фойдаланишлари устидан молия бўлимларининг молиявий назоратни ташкил этиш амалиёти

Ушбу мавзу бўйича талаба ўз ҳисоботида молиядан назорат қуроли сифатида фойдаланишнинг объектив шарт-шароитлари ва имкониятларини, молиянинг назорат функцияси ва молиявий назоратни, молиявий назоратнинг элементларини, молиявий назоратнинг турлари, шакллари ва усулларини, молиявий назоратни амалга оширувчи органлар, бозор шароитида улар фаолиятини мувофиқлаштириш, аудиторлик назоратининг молиявий назоратнинг янги шакли сифатидаги ролини, жорий бюджет ижросини назорат қилишда Ғазначилик органларининг аҳамиятини ёритиши лозим.

Ушбу мавзу бўйича амалиёт ҳисоботига қуйидаги хужжатлар илова қилинади:
1. Маҳаллий бюджет ижроси бўйича ҳисоботлар ва уларнинг таҳлили;
2. Бюджет ташкилотларини текшириш режалари ва уларнинг амалга оширилиши натижалари юзасидан далолатномалар;
3. Назорат-тафтиш органларининг маҳаллий молия бўлимлари фаолиятини назорат-тафтиш қилиш юзасидан далолатномалари;
4. Ғазначилик органлари назорат фаолиятини акс эттирувчи бошқа хужжатлар.


IV. Амалиётчи талабанинг мажбуриятлари

Амалиёт ўташда талаба қуйидаги талабларга риоя қилиши лозим:

1. 
   Молия органи томонидан тайинланган амалиёт раҳбари билан биргаликда амалиёт ўтиш режаси кўрсатилган календар-мавзули режа тузади. Режада ўтиладиган мавзу ва амалиёт объектлари аниқ кўрсатилиши керак.
   
2. 
   Молия органи ички иш тартибига бўйсунади, бажараётган иши учун молия органи ходими каби ишнинг натижасига жавоб беради.
   
3. 
   Амалиёт базасидаги иш жойларида мустақил иш бажаради, амалиёт юзасидан ҳисобот учун талаб этилган маълумотларни тўплайди, уларни мустақил равишда таҳлил қилади, тегишли ҳисоб-китоб натижалари асосида хулосалар ва таклифлар киритади.
   
4. 
   Кафедра томонидан ишлаб чиқилган ва белгиланган тартибда тасдиқланган шакл асосида амалиёт кундалигини юритади.
   
5. 
   Ўқув жараёни графигига мос равишда кафедра томонидан белгиланган муддатларда амалиёт ўташ якуни бўйича ёзма ҳисобот топширади. Унда молия органи томонидан тайинланган раҳбарнинг ёзма хулосаси бўлиши шарт.
   
6. 
   Ҳисобот кафедрага топширилгандан сўнг кафедрадан тайинланган раҳбар томонидан ҳисобот тақризида кўрсатилган камчиликларни белгиланган муддатларда бартараф этади.
   
7. 
   Ҳисоботни ҳимоя қилишга тайёргарлик кўради ва кафедра белгилаган график асосида уни ҳимоя қилади.