Амалиёт бўйича ҳимоя балли: Сана: 2019й

AVTORAQAM платформаси. AVTORAQAM - жисмоний ва юридик шахсларга автомототранспорт воситалари учун рўйхатдан ўтказиш давлат рақами белгиларини оширилган тўлов ставкаларида сотиш бўйича савдо платформаси.
Авторақамларни сотиш бўйича электрон аукцион савдолар механизми, биржанинг бошқа савдо платформалари каби очиқ-ойдинлик, ошкоралик, рақобат ва барча савдо иштирокчилари учун тенг шароит яратиш тамойилларига асосланган.
Авторақамларни савдоларга қўйилиши Ўзбекистон Республикаси ИИВ ЙҲХББ бўлинмаларининг масъул ходимлари томонидан амалга оширилади.
Жисмоний шахслар учун тўлов шахсий кабинетдан рўйхатдан ўтиб бўлингач, фаоллаштирилган пластик карточка орқали амалга оширилади. Юридик шахслар эса рўйхатдан ўтиш саҳифасида ҳавола килинган Офертада кўрсатилган ҳисоб рақамга пул ўтказиш йўли орқали тўловни амалга оширадилар. 
Давлат харидлари. 2018 йилдан ЎзРТХБ давлат харидлари бўйича xarid.uz махсус ахборот порталининг оператори этиб белгиланди. Ушбу портал орқали давлат харидларининг шаффофлиги, очиқ-ойдинлиги ва самарадорлиги таъминланади.Хусусан, портал орқали давлат харидлари соҳасидаги барча эълонларни кўриш мумкин. Бу ерда электрон харидлар электрон дўкон ва аукцион шаклида амалга оширилади.
Буюртмачилар ва етказиб берувчилар савдоларда фақатгина электрон рақамли имзо ёрдамида иштирок этадилар. Электрон харидлар нархлар сўрови ва тескари аукцион тарзида амалга оширилади. Тизимда шунингдек Ҳисоб-китоб клиринг палатаси орқали битимлар ижросини кафолатлаш механизми қўлланилади.
Акционерларнинг умумий йиғилишида 23.11.2018 йилда тасдиқланган ташқилий тузилмадан олинган изоҳли хат “ЎзРТХБ” АЖ ижро органи томонидан жорий ташкилий тузилма танқидий кўриб чиқилди. Структурага тақдим этилган бошқарув персоналининг сони қуйидагича оптималлаштирилди: Жами персонал 191 нафарни ташкил этади. Хусусан, маъмурий-бошқарув персонал – 90 киши, мутахассислар – 48 нафар, техник персонал – 21 нафар, кичик хизмат кўрсатувчи персонал – 32 нафар. 
"ЎзРТХБ" АЖ ички тузилмаси Ўзбекистон Республикаси "Акциядорлик жамиятлари тўғрисидаги" қонунга асосан тасдиқланган. Ташкилий тузилма 23.11.2018 йилдаги навбатдан ташқари акционерлик умумий йиғилиши қарори билан тасдиқланган.