Alternativ – muqobil, muqobil o‘quv materiali

Alternativ – muqobil, muqobil o‘quv materiali.
Altruizm – insonning boshqa kishilarga o‘z manfaatini ko‘zlamagan holda yordam ko‘rsatishga qaratilgan xarakter xususiyati.
Alohida ta’lim olish ehtiyojlari bo‘lgan bolalar — nogironligi bo‘lganidan yoki bo‘lmasligidan qat’i nazar, oila, pedagoglar, mutaxassislar, jamiyat va davlatning alohida e’tiboriga muhtoj bo‘lgan individual ehtiyojlarga ega bolalar;
Al’bom – rasm chiziladigan qalin qog‘ozli daftar, o‘quv quroli.
Amaliy mashg‘ulotlar – maxsus jihozlangan xona yoki alohida ajratilgan tajriba maydonida tashkil etilib, tahsil oluvchilarda ular tomonidan o‘zlashtirilgan nazariy bilimlarni amaliyotda qo‘llay olish ko‘nikma va malakalarini hosil qilishga yo‘naltirilgan ta’lim shakli
Analiz metodi – 1) pedagogik tadqiqot metodi bo‘lib, unda tekshirish ob’yekti fikran tarkibiy elementlarga ajratib tadqiq qilinadi; 2) o‘quv vaziyatini har tomonlama tahlil qilish, chuqur tekshirish, o‘rganish.
Analitik metod – tahlil qilishga yo‘naltirilgan ta’lim metodi
Aniqlashtirish metodi – umumiy nazariyadan ayrim qo‘llashlarga o‘tish yoki mavhumlikdan aniq ko‘p xillikka o‘tish; aniqlashtirish natijalarini belgili rasmiylashtirish (misol, masala, chizma, model, algoritm, hisobot, insho v h.k.) lar majmui.
Aniqlik – pedagogik tushuncha va hodisalarning to‘g‘ri, ob’yektiv ifodasi.
Anketa – pedagogik tadqiqot metodi bo‘lib, tegishli ma’lumot olish, to‘plash uchun belgilangan so‘roq varaqasi.
Ijodiy izlanish metodi – pedagog boshchiligida qo‘yilgan muammo va masalalarni yechish yo‘llarini faol izlashni tashkil etishga xizmat qiladigan metodlar.
Ijodiy o‘zlashtirish darajasi – o‘quvchilarning bilim va ko‘nikmalarini turli holatlarda tadbiq eta olish, masala echishning turli yo‘llarini izlash imkonini beradigan o‘quv materiallarini o‘zlashtirish darajasi.
Ijodkor – mustaqil yaratuvchilik xususiyatiga ega bo‘lgan o‘quvchi yoki talaba. Ijodkorlik – yangi moddiy va ma’naviy qadriyatlarni yaratish bilan natijalanadigan faoliyat turi.