Alohida muhofaza etiladigan tabiiy hududlar to‘G‘risida

38-modda. Korxonalar, tashkilotlar, sexlar, qurilmalarning faoliyatini to‘xtatib turish, cheklab qo‘yish, o‘zgartirish va tugatish

Alohida muhofaza etiladigan tabiiy hududlarning holatiga zararli ta’sir o‘tkazayotgan korxonalar, tashkilotlar, sexlar, qurilmalarning faoliyati zararli ta’sir ko‘rsatayotgan manbalar, shu jumladan alohida muhofaza etiladigan tabiiy hududlar hamda ularning muhofaza qo‘riqlanma tegralari tashqarisidagi manbalar bartaraf etilgunga qadar to‘xtatib turiladi yoki cheklab qo‘yiladi.

Alohida muhofaza etiladigan tabiiy hududlarga yetkazilayotgan zararni bartaraf etishning imkoni bo‘lmasa, korxona, tashkilot, sex va qurilmalarning faoliyati to‘xtatiladi hamda ularning faoliyat yo‘nalishi o‘zgartirilganidan va alohida muhofaza etiladigan tabiiy hududlarga zararli ta’siri albatta bartaraf qilinganidan keyingina faoliyatlari amaldagi qonunlarga muvofiq qayta tiklanishi mumkin.

IX BO‘LIM. ALOHIDA MUHOFAZA ETILADIGAN TABIIY HUDUDLARNI MUHOFAZA QILISh VA ULARDAN FOYDALANIShGA DOIR XALQARO ShARTNOMALAR VA BITIMLAR

39-modda. Xalqaro shartnomalar va bitimlar

Basharti O‘zbekiston Respublikasining xalqaro shartnomasida alohida muhofaza etiladigan tabiiy hududlarni muhofaza qilish hamda ulardan foydalanish bobida o‘zga qoidalar belgilangan bo‘lsa, u holda xalqaro shartnoma qoidalari amal qiladi.

O‘zbekiston Respublikasining Prezidenti I. KARIMOV

Tashkent sh.,

1993-yil 7-may,

871-XII-son