Allegoriya (majoz) ramzning bir ko’rinishi bo’lib, voqea-hodisa yoki narsa buyumning mavhum tushunchasi o’rnida aniq tasvirni ifodalovchi ramziy so’zni qo’llash usuli

6.Anafora ( grekcha anaphora – yuqoriga chiqarish so`zidan) – stilistik figuralardan biri bo`lib, misralarning boshida yoki prozaik badiiy asardagi gaplarning oldida bir xil jaranglagan tovush, ohangdosh so`z yoki iboralarning takrorlanib kelishi.

1.Bir xil jaranglovchi tovushlarning takrorlanib kelishi:

Ko`m-ko`k

Ko`m- ko`k

Ko`m-ko`k…

Ko`klam quyoshidan

Ko`kargan qirlar

Po`lat yag`rinlar

Ko`targan yerlar

ko`m-ko`k.

2.Bir xil so`zlarning ohangdosh bo`lib takrorlanishi:

Qaysi bir ozorin aytay jonima ag`yorning,

Qaysi bir og`ritganin ko`nglimni dey dildorning.

3.Sintaktik jihatdan bir necha gapning bir xilda bog`lanib elishi

Menikidir kelajak, chaman,

Menikidir maktab, ijod, fan.

Menikidir sog` aql, badan.

7.Tazod arabcha so`z bo`lib, qarshilantirish usulining klassik adabiyotda qo`llangan bir ko`rinishi. Tazodda qarama-qarshi qo`yilgan ikki tomon ayni zamonda uzviy ravishda bir-biriga bog`lanib keladi. Qarshilantirilayotgan narsa, belgi-xususiyat va holatni yorqin va ta’sirchan ifodalashga xizmat qiladi:

Sendek menga bir yori jafokor topilmas,

Mendek senga bir zori vafodor topilmas. (Bobur)

8.Mubolag`a - narsa yoki hodisaga xos xususiyatni oshirib, mahovatli qilib tasvirlash. Mubolog`a obrazni bo`rttirish va shu yo`l bilan asarning ta’sir kuchini oshirishga xizmat qiladi.

Oh, ursa olamni buzar tovushi,

To`qson molning terisidan kovushi. ( Alpomishdan)