Allegoriya (majoz) ramzning bir ko’rinishi bo’lib, voqea-hodisa yoki narsa buyumning mavhum tushunchasi o’rnida aniq tasvirni ifodalovchi ramziy so’zni qo’llash usuli

Tajohul ul orifona – bilib o`zini bilmaslikka olish .

Ey pari paykar sanam, sen nasli odamdinmisan,

Ey malak, ey hur, ey ruhi mujassamdinmisan. (Atoyi)

29.Anafora (takror)- banddagi misra gaplarning boshidagi so`z yoki so`z birikmasining boshqa misralar boshidan ham aynan takrorlanib kelishi anaforadir .

Endi odam quldek sotilmas,

Endi odam o`tga otilmas.

Endi unga qafas bo`lmas jon ,

Endi dunyo bo`lmaydi zindon

30.Epifora – bunda she`r misralari oxiridagi tovush, so`z, iboralar takrorlanib keladi:

Kulgan boshqalardir, yig`lagan menman,

O`ynagan boshqalar ingragan menman.

31.Harf san`ati ( Kitobat ) – arab alifbosidagi harflardan foydalanish san`atidir.

Nigoro, bori g`am birla faqiri notavon aylab,

“Alif”dek qomatimni “dom-alif” yanglig` duto qilding (Huvaydo)

32.Laff va Nashr – bu san`at she`r baytida avval bir necha narsa yoki tushuncha nomini ketma-ket bayon qilishni nazarda tutadi. Laff arabcha “yig`ish”, nashr arabcha “yoyish” demakdir “Laffu nashr ondin ibratturkim, bir nechani zikr qilurlar , andin so`ng ul bir nechaga aloqador bir necha nimani bu nimalarning har biri ul bir nechaning qaysi birig`a taalluqlug` erkonin aniq bilmay zikr qilurlar”

33.Mav`iza – bu san`at nasihat berish, va`zga o`xshash fikrni bayon qilishni nazarda tutadi:

Kimki bir eksa, o`zi ming topar,

Barcha mayibni saxovat yopar.

34.Mukarrar- Bunda muayyan so`z muayyan o`rinda takrorlanib keladi. “Mukarrar” arabcha so`z bo`lib, “takrorlangan” , “qayta-qayta” kabi ma`nolarni anglatadi.

M: Yuzing muz`hafi shahri o`lg`ay necha,

Kitobu, kitobu, kitobu, kitob (K. Xorazmiy)

35.Mulamma` (talme`) – turli tillarda she`r yozish san`ati.

M:Qochib ketdi machchoyilar baksari,

Borib shulki yurtiga ta`kidlari:

“Saroyeki , o` boshadash , zinhor,

Daronjo marav memuri , ey tabor”.

36.Portret- adabiy asarda kishining tashqi qiyofasi , siymosi, kiyim-kechagi, o`zini tutishi va hk. Portret fransuscha “tasvir” deyiladi.M : “Jodu ko`zi kishiga qattiq qaraganda qoralikdan boshqacha yana bir turlik nur sochar edi. Kipriklari ostida nafis bir surma doirasi bor edi. Qoshi tutash kabi ko`rinsa ham , ko`ndalang yotgan ikki qilich orasini nafis bir quyilib ko`tarilish ajratib turar edi”. “Mehrobdan chayon” Ra`no portreti

37.Peyzaj- badiiy asarda aks ettirgan joy va tabiat tasviridir. Peyzaj fransuscha “mamlakat, joy” ma`nolrini bildiradi.

M: “Cho`l burgutini izlab Oltiariqdan”

https://t.me/onatilivaadabiyotdantestlar