Allayarov A. I. O’rmonov H. B. O‘zbekistondagi ziyoratgoh obidalar

Ushbu fikrlarga asoslanib, ziyoratgohga nomi berilgan Xo‘ja ibn Isoq ismli avliyo Xoja Yusuf Hamadoniyning safdoshi Xoja Isxoq hazratlari bo‘lishi mumkin degan taxminiy xulosaga kelindi.¹⁴²

Jizzax Davlat pedagogika instituti “tarix o’qitish metodikasi” kafedrasi katta o’qituvchisi Aqchayev Farrux Shavkatovichning “Jizzax vohasi muqaddas qadamjolari va ziyoratgohlari” (etnosotsiologik tadqiqot) deb nomlangan dissertatsiya materiallaridan foydalanildi.

Hazrati Zaynulobiddin ziyoratgohi. Forish tumanining eng chekka, Navoiy viloyati Nurota tumani bilan chegaradosh hududda Mojurum qishlog‘idagi ziyoratgoh. Mahalliy aholi o‘rtasida ziyoratgoh va unga nomi berilgan Hazrati Zaynulobiddin to‘g‘risida quyidagicha rivoyat bor. “Hazrati Zaynulobiddinni islom dinini targ‘ib qilib yurgan vaqtlarida otasi ko‘z o‘ngida dushmanlar o‘ldiradi va u kishining tanalari Mojurum qabristonida va boshlari Chustda”, u kishining karomatlari to‘g‘risidagi boshqa bir rivoyatda, “Bu avliyo sifat kishini tanalari faqat nomoz o‘qiyotgan vaqtlarida bo‘shashadi boshqa paytlarda belbog‘larini yechmasa u kishiga o‘q yoki qilich zarbi ham ta’sir qilmagan” deyiladi. Ziyoratgoh va unga nomi berilgan hazrati Zaynulobiddin to‘g‘risidagi ma’lumotlarni to‘plash mobaynida bir qancha axborotchilar bilan suhbatlashdik ammo, ular bu shaxs to‘g‘risida etarlicha aniq ma’lumotlarni berisha olmadi. Lekin ziyoratgoh to‘g‘risida, asli ushbu qishloqlik bo‘lgan Rustamjon Rahmatullozodaning “Ajdodlar merosiga ehtirom” deb nomlangan, 2006 yil “Fan” nashriyotida nashr etilgan risolalarida bir qancha aniq ma’lumotlar berilgan.