Allayarov A. I. O’rmonov H. B. O‘zbekistondagi ziyoratgoh obidalar

Jizzax Davlat pedagogika instituti “tarix o’qitish metodikasi” kafedrasi katta o’qituvchisi Aqchayev Farrux Shavkatovichning “Jizzax vohasi muqaddas qadamjolari va ziyoratgohlari” (etnosotsiologik tadqiqot) deb nomlangan dissertatsiya materiallaridan foydalanildi.

Jondahor ota ziyoratgohi. Forish tumanining Garasha qishlog‘ida joylashgan Jondahor ota ziyoratgohi to‘g‘risidagi rivoyatda ham aynan tuya bilan bog‘liq ma’lumotlarni kuzatamiz. Rivoyatga ko‘ra payg‘ambarzodalardan bo‘lgan Muhammad Sharifni (Mavlono Grekushoh) ustozlari bir oq tuyaga mindirib fotiha berib jo‘natadilar. Tuyalari ushbu Jondahor ota manzilgohiga kelib to‘xtaydi va ul zot o‘sha joyga tushib suvsiz joyga asolarini urib chashmani chiqaradilar, so‘ngra ushbu joyda qo‘nim topadi (Og‘a Burgutli. Jizzax viloyati ziyoratgohlari. T.: Fan. 2008. B.9). Yurtimizdagi boshqa ziyoratgohlar, ular bilan bog‘liq afsona va rivoyatlarda ham tuya cho‘kkan joy muqaddas sanalishi to‘g‘risida ko‘plab ma’lumotlar keltirilgan.