Alisher navoiy nomidagi toshkent davlat universiteti huzuridagi pedagog kadrlarni qayta tayyorlash va ularning malakasini

Insert usuli. Insert usuli tushunishni kuzatish vositasidir. Insert- bu o‘quv jarayonida o‘z anglashini faol kuzatish uchun o‘quvchilarga imkoniyat beradigan kuchli vositadir, chunki shunday hollar borki, odam matnni oxirigacha o‘qib, u yerda nima yozilganligini eslab qololmasligi mumkin. Bu esa odam nima o‘qiyotganini tushunmay, o‘qish jarayonida faol bo‘lishga qatnashmaydigan va o‘z anglashini kuzatmaydigan hollarning misolidir. Insert- bu matn bilan ishlaganda faollikni qo‘llab- quvvatlash uchun kuchli vositadir.
O‘quvchi matn bilan ishlayotganda bir qator belgilarni qo‘yib boradi, ular esa quyidagi ma’nolarni bildiradi:
V - bilganlarini tasdiqlaydi
+ - yangi axborot
- - bilganlariga zid keladi
? - meni o‘ylantirib qo‘ydi.
Har bir belgi romandagi parchalar bilan asoslanib borilaveradi. Umuman olganda, Oybek romanlarini o‘rganishda qo‘llaniladigan usullar o‘quvchini ma'naviy yetukligini ta'minlashga, estetik didini yuksaltirishga xizmat qiladi.

2.2. Interfaol usullar orqali Oybek ijodini tadqiq etish
"Interfaol" so‘zi ("inter") ingliz tilidan olingan bo‘lib, «inter» - o‘zaro, "akt" - faol harakat, faollik, ta'sirchanlik) o‘zaro harakat, birgalikdagi faoliyat ma'nolarini anglatadi. O‘zaro, birgalikdagi faoliyat jarayonida tarbiyachi- tarbiyalanuvchi, tarbiyalanuvchi-tarbiyalanuvchi orasida ta'lim maqsadlariga erishish yo‘lida tashkil etiluvchi hamkorlikni anglatadi. Tarbiyachi va tarbiyachilar, shuningdek, tarbiyalanuvchilar o‘rtasidagi o‘zaro hamkorlikni yuzaga kelishini ta'minlovchi ta'limiy faoliyat interfaol ta'lim deb yuritiladi. Interfaol metod-ta'lim jarayonida tarbiyalanuvchilar hamda tarbiyachi o‘rtasidagi faollikni oshirish orqali tarbiyalanuvchilarning bilimlarni o‘zlashtirishini faollashtirish, shaxsiy sifatlarini rivojlantirishga xizmat qiladi. Interfaol metod- ta'lim oluvchilarni faollashtiruvchi va mustaqil fikrlashga undovchi, ta'lim jarayonining markazida ta'lim oluvchi bo‘lgan metodlardir. Interfaol metodlarni qo‘llash mashg‘ulot samaradorligini oshirishga yordam beradi.