Alisher navoiy nomidagi samarqand davlat universiteti sonlar nazariyasi asoslaridan

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI

ALISHER NAVOIY NOMIDAGI
SAMARQAND DAVLAT UNIVERSITETI


SONLAR NAZARIYASI ASOSLARIDAN
MASALA VA MASHQLAR

«Algebra va sonlar nazariyasi» fanidan amaliy mashg’ulotlar
o’tkazish uchun uslubiy tavsiyalar

«5 130100 MATEMATIKA»

ta’lim yo‘nalishi bakalavr talabalari uchun

Uslubiy qo‘llanma

SamDU o‘quv-uslubiy kengashi tomonidan nashrga tavsiya etilgan.

Samarqand – 2014

Sonlar nazariyasi asoslaridan masala va mashqlar. «Algebra va sonlar nazariyasi» fanidan amaliy mashg’ulotlar o’tkazish uchun uslubiy tavsiyalar. Uslubiy qo‘llanma. – Samarqand: SamDU nashri,

Ushbu uslubiy qo‘llanma « Algebra va sonlar nazariyasi » fani bo‘yicha «5130100 – matematika» ta’lim yo‘nalishi bakalavr talabalari va «5A130100 – Matematik mantiq, Algebra va sonlar nazariyasi» mutaxassisligi magistrantlari uchun mo‘ljallangan bo‘lib, unda shu fanning namunaviy o‘quv dasturidan kelib chiqib, butun sonlar xalqasida bo’linish nazariyasi va taqqoslamar nazariyasining usullariga oid qisqacha nazariy ma’lumotlar, bu usullarning taqbiqiga oid namunaviy misollar yechimlari, mustaqil ish topshiriqlari va boshqa tarqatma materiallar keltirilgan. Uslubiy qo’llanma talabalarga shu fanni yanada chuqurroq o‘zlashtirishga yaqindan yordam beradi degan umiddamiz.


Tuzuvchilar: U.X. Narzullayev, A.S. Soleev

Mas‘ul muharrirlar: H.N. Nosirova, H.X.Ro’zimuradov


Taqrizchilar : fizika-matematika fanlari doktori,
professor I.A. Ikromov
fizika-matematika fanlari nomzodi,
dotsent M.Y.Yaxshiboyev

KIRISH
Ushbu uslubiy qo‘llanma «Algebra va sonlar nazariyasi» fani bo‘yicha 5460100 – matematika, 544020- mexanika, 5480100- amaliy matematika va informatika ta’lim yo‘nalishlari bakalavr talabalari va «5A460100 – Matematik mantiq, algebra va sonlar nazariyasi» mutaxassisligi magistrantlari uchun mo‘ljallangan bo‘lib, unda shu fanning namunaviy o‘quv dasturiga asosan butun sonlar xalqasida bo’linish nazariyasi va taqqoslamar nazariyasining usullariga oid qisqacha nazariy tasdiq va formulalar keltirilgan, bu usullarning taqbiqiga oid namunaviy misollarni yechish uchun ko’rsatmalar ishalb chiqilgan hamda mustaqil ish topshiriqlari va boshqa tarqatma materiallar keltirilgan.
Uslubiy qo’llanma ikki bobdan iborat.
I-bob butun sonlar xalqasida bo’linish nazariyasiga bag’ishlangan bo’lib, unda butun sonlarning bo’linishi, eng katta umumiy bo’luvchi va eng kichik umumiy bo’linuvchi, tub va murakkab sonlar, chekli uzluksiz kasrlar, sonli funksiyalar mavzulariga doir masala va misollar yechimlari bilan keltirilgan.
II-bob butun sonlar xalqasida taqqoslamalar nazariyasiga bag’ishlangan bo’lib, unda taqqoslama tushunchasi va uning xossalari, chegirmalar sinflari. Eyler va Ferma teoremalari, bir noma’lumli algebraik taqqoslamalar, birinchi darajali taqqoslamalar, birinchi darajali taqqoslamalar sistemalari mavzulariga doir masala va misollar yechimlari bilan keltirilgan.
Uslubiy qo’llanma talabalarga shu fanni yanada chuqurroq o‘zlashtirishga yaqindan yordam beradi degan umiddamiz.