Alisher navoiy nomidagi o‘zbek tili va adabiyot universiteti o`zbek tili va adabiyotini o‘qitish fakulteti

Madina Norchaeva
so‘z jilosi va qadrini yaxshi tuShunadi, 
hayotiy tuyg‘ularini nafis ifodalarga ko‘chira oladi. Havaskor shoira Madina 
qoralamalari mahalliy gazetalarda bosilgan. 
“Muharrir”
nashriyotida 
“Dil ifori”
nomli she’rlar kitobi chop etilgan
7
. Umidli qalamkash Vatan va uning madhini 
7
Норчаева М. Дил ифори. Шеърлар. – Т.: Муҳаррир, 2013.

---

11 
kuylaydi. Olis bobolar shoni va zakosidan nur olib kelajak sari intilishu yurtga 
tirgak bo‘lishni oliy tilak deb biladi. Uning aksar ta’riflari yuksak pafosga 
yo‘g‘rilgan. Ayni paytda, shoira vatanni jo‘n bir yantog‘i bo‘lib sevadi, uning 
qoshida teran burchdorlik tuyadi, ko‘zmunchoqdek ardoqlaydi. Madinaning ayrim 
bitiklarida azaliy ishq va hijron motivlari ifori anqib turadi. 
“Siz mening 
ko‘nglimni yaralab so‘ngra, / She’rlarimda qolgan buyuk armonim”
singari intizor 
ko‘ngilning samimiy izhorlari ortida esa, umidbaxsh hislarga limmo-lim ulkan qalb 
egasi o‘z bokira tuyg‘ulari-la mo‘ralab turadi. Ko‘ngil tilagiga ergashib daydi 
shamollar bilan sirlashish, qaldirg‘ochga roz aytish asnosidagi titroq qalb sohibasi 
“qalam” 
ni taqdir va qismat, deb bilishiga shubha yo‘q. Zotan, u olam hodisalarini 
ojiz bir kapalak misol bokira tuyg‘ular bilan kuzatarkan, necha ming yillar 
muazzam Sharq she’riyati ardog‘ida bo‘lgan
“bulbul”
obrazi ham Shoiraga 
“yolg‘on”
tuyg‘ular ifodachisi bo‘lib tuyuladi. Zotan, Madinaning lirik qahramoni 
“lahza”
lar qimmatini go‘zallikka bo‘lgan munosabat samimiylik darajasiga ko‘ra 
belgilaydi.
U 
“tasvir”
va 
“holat”
larni musavvirona aks ettiradi. Xazonrezgi odatiy va 
doimiy hodisa, biroq uning 
“kiprikdagi yoshday”
to‘kilishi, yurakdagi kechinmalar 
rangidan ham darak beradi. Shoiraning 
“Xazonda mador bor, menda jon yo‘qdir”,
tarzidagi e’tiroflari tuyg‘uning darajasi, dardlariga malham istayotgan ko‘ngil 
istagidan ogoh etadi. Madina inson ko‘nglidan buyukroq bir xilqat, uning 
intilishlaridan ulug‘roq qadriyat yo‘qligini yaxshi his qiladi. Uning lirik qahramoni 
dunyo sinoatlari: inson va insoniyatga bo‘lgan adoqsiz mehr quchog‘ida chiniqib, 
pokiza tonglar sog‘inchida ulg‘ayib boradi. M. Norchaeva shunchaki yozmaydi, 
sabrlari armonga do‘ngan lahzalarda misralar uning “kiprigidan tomadi”.
Siz baxtimsiz, siz qanotimsiz, 
Alloh bergan bir najotimsiz. 
Siz sabrimsiz, siz sabotimsiz, 
Kiprigimdan tomgan misralar. 
 

---

12 
Shoira bitiklaridagi xazinlik odam va olam, moddiylik hamda abadiyat 
haqidagi mushohadalardan tug‘ilgan kayfiyat-holatlar ifodasi. Aslida, shoira orzu 
ummoni teranliklaridan o‘zlik izlagan sohir qalbi kelajakka nekbin umid ko‘zi 
bilan boqib, samoviy yuksakliklar sari talpinadi. 
“Bas, yetar, yulduzlar endi 
to‘kilmang, / O‘zim yoningizga ko‘chib kelaman”
tarzidagi iqrorlar shoira ushbu 
ertaklar olamidan reallikka ko‘chishi, hayotiylikdan xayoliy kengliklarga 
talpinishidan ogoh etadi.
Tilagim! Uning yobon kengliklaridan nur emgan pokiza qalbiga zinhor g‘ubor 
qo‘nmasin. Yuragida mudom she’riyat atalmish iliq ma’volar taftiga bo‘lgan 
nekbin sog‘inch barq urib turaversin.
Ko‘rinadiki, qalbiga olamni joylashga talpinayotgan bu yosh qalamkashlar 
poetik nigohidan umidli tug‘yon va nafosat uchqunlari sachraydi.
 
O‘zbekistonda xizmat ko‘rsatgan madaniyat xodimi, taniqli shoira Qutlibeka 
Rahimboeva