Alimova shahnoza maqsudovna xorazm (qipchoq) shevasining leksik-grammatik xususiyatlari

 
d) mahalliy o‘yinlar nomlarini bildiruvchi so‘zlar. 
Odamlar o‘tmish 
davrida o‘z kayfiyati, xohish-irodasiga qarab o‘zlaricha turli harakatlar qilganlar. 
Bu harakatlar ularning quvnoqligi yoki xafaligini ifodalagan. O‘sha davrlarda ko‘p 
narsalar raqamlarga bog‘langan va ba’zi raqamlarni ilohiylashtirganlar. Masalan: 
besh kunlik dunyo, besh kunim-xush kunim, ishim besh kabi iboralar ham paydo 
bo‘lgan. Ba’zi bir raqamlar marosim nomi sifatida qo‘llansa, ba’zi birlari bolalar 
o‘yinlari nomlarini bildirgan: beshtash—beshta toshni tepaga otib, tushirmasdan 
ilib olish o‘yini; üchdan puch-o‘yin shartlarini uch marta takrorlaganda ham 
maqsadga erishilmasa yutgani bekor qilingan. 
Bolalar o‘yinlarini bildiruvchi etnografizmlar ham o‘zbek shevalari 
leksikasida salmoqli miqdorni tashkil qiladi. Ular ham avloddan-avlodga o‘tib 
bizgacha yetib kelgan: 
yiqaq oyin
—yerga olti xona chizib, qutini tepib, bir oyoqda 
sakrab o‘ynash; 
besh tayaq / chullik
—uzun tayoq bilan ikki tomoni yo‘nilgan 
cho‘plarni sakratib o‘ynash; 
yashirinmachoq
—yashirinish o‘yini, 
kesak qoydi—
bolalarni orqasiga qaratib qo‘yib, kesak yashirish; 
tupra—
ro‘molni ip qilib, 
davrada kim gapirsa shuni jazolash o‘yini; 
xala-xala, toy-toy; qis-qisaloq
—
itarishib, kimnidir davradan chiqarish o‘yini va shunga o‘xshash ko‘pgina o‘yin 
nomlarini ifodalovchi etnografizmlar juft so‘z shaklida shakllangan bo‘lib, 
bolalarda qarindosh-urug‘chilik va mehr-muhabbat tuyg‘ularini shakllantiradi.
Yigit-qizlar o‘rtasidagi milliy o‘yinlar ham qadimdan mavjud bo‘lib, 
ko‘pincha bayram va sayllarida ijro qilinishi bilan xarakterlanadi hamda shu 
xalqning ma’lum ma’noda o‘ziga xos urf-odatlarini ifoda qiladi. Bunday o‘yinlar 
sirasiga 
alma atish
—yigit o‘z yaxshi ko‘rgan qiziga olma otib o‘ynashi;
pishgan 
rangli yumurta // tuxum atish
; gul atish, qand bilan urish, 
romal apqachish, yuzuk 
yashirish
va hakazo. Shulardan hozirgi paytda yuzuk yashirish, oramol yashirish // 
alip qachish, qand bilan urish kabi etnografizmlar faqat nikoh to‘ylarida saqlanib 

---

57 
qolgan. Bu urf-odatlarning unutilib ketganlarini faqat keksa avlod vakillarigina 
eslaydi xolos. Bu o‘yinlar hozirgacha Navro‘z bayramlarida o‘ynalib kelinadi.
Zamonlar o‘tishi bilan turli xil ijtimoiy-siyosiy ta’sirlar natijasida bu xil
urf-odatlarga salbiy qaralishi bilan asta-sekin kishilik hayotidan tushib qolgan. 
An’anaviy turli xil bayramlar va sayllar ham asta-sekin esdan chiqishi 
yoki qoldirilishi yuqoridagi milliy an’anaviy o‘yinlarning yo‘qolishiga sabab 
bo‘ldi.
Bu hodisa so‘nggi 80 yil davomida rus madaniyatining ta’siri natijasida 
yoki yangi tuzum ta’siri deyish mumkin.
Xorazm milliy sport o‘yinlari O‘zbekistonning boshqa hududalarida
istiqomat qiladigan o‘zbeklarning milliy sport o‘yinlaridan katta farq qiladi. 
Ularning o‘ziga xosligi, rang-barangligi o‘zbek shevalari leksikasida alohida 
ajralib turadi. Ularni ham o‘z navbatida zamonaviyligiga qarab, ikkiga bo‘lish 
mumkin: 
a)
qadimdan o‘ynalib kelinayotgan o‘yinlar; 
b)
yangi paydo bo‘lgan o‘yinlar. 
Qadimdan o‘ynalib kelinayotgan milliy sport o‘yinlari xarakteri va 
xususiyatlari o‘z davriga xosligi bilan ajralib turadi. Masalan: 
pachi:z
- to‘rtta 
odam yettita chig‘anoq toshni otib o‘ynashadi, shundan ikkisining qora tomoni 
tushsa, pachiz hisoblanadi. 
I:za berish
—o‘yinda yutqazgan odamlarga jazo berish; 
Tompay yashirish
—biror kishi mol suyagini (to‘pig‘ini) biror shart bilan 
oladi, baxs boylashgan kishi so‘raganda ko‘rsatmasa yutqazadi. 
Janak—
tovuqning to‘sh suyagini ikki kishi tortib uzadi va har kim o‘ziga 
tegishli qismini olib qo‘yadi. Do‘stidan bir narsa olganda “yadimda bar” demasa 
yutqazgan hisoblanadi.
Yolliq alish
—biror joyga yoki shaharga ilk bor kelgan odamdan ziyofat yoki 
pul undirish;
Boka oyin
—jo‘xori poyasini bir-biriga urib boka-boka deb o‘ynaladi. 
Umuman bu o‘yin nomlari unutilib eskirgan qatlamga kiradi. Bu o‘yinlar uzoq 
chekka qishloqlarda kamdan-kam hollrda uchraydi, xolos. 

---

58 
O‘tgan asrning 20-yillarida boshlab O‘rta Osiyoga ruslarning kirib kelishi 
xalqimizning urf-odati va madaniyatiga kuchli ta’sir qiladi. Buning natijasida 
yuqoridagi milliy sport o‘yinlaridan tashqari yangi sport o‘yinlarini ifodalovchi 
nomlar-etnografik birliklar paydo bo‘ldi. 
Jumladan, 
karta, nardi, seka, kuluch, domina, shashka
kabilar xalq 
shevalarga singib ketdi. Shularning natijasida 
oymaq oyin
kabi nomlar ham paydo 
bo‘ldi.
Keyinchalik yosh bolalar leksikasida 
tugma oyin, ti:n atarish, pikka chirtish
kabi birliklar paydo bo‘ldi.