Aldanganlar guruhi

Chunki bizning qalbimiz ishqdan iborat.

Kelma > .

Bilaman, meni umuman sevmaysan. Ammo shunga qaramay, men seni juda qattiq sevaman. Qolaversa, chin ishq degani faqat ikki tomonlama sevgi degani emas-ku?! Muhimi, bir tomonlama bo'lsa ham, ikki tomonga ham yetadigan darajada seva bilmoqdir. Tan ol, buni senga isbotlagan birgina mening qalbim edi. Ammo sening his-tuyg'ularing shu qadar so'qir ekanki, bu haqiqatni hech qachon ko'rolmadi. Agar meni, hatto qishning o'rtasida ham eshikdan tashqariga chiqarib qo'ysang ham, bilki, bu qalbim senga hamisha qo'rg'on edi. Ayrim insonlar sevgan insonini faqat qalbiga so'zi o'tmagani uchun sevadi. Voz kecha olmagani, unutishni istamagani uchun sevadi. Ammo mendagi tuyg'u unday emas edi. Men seni noiloj qolganimdan sevmadim. Yoki qalbimga so'z uqtira olmaganim uchun ham sevmadim. Aksincha, sendan voz kechishim uchun oldimda minglab sabablar tursa ham, hech biriga e'tibor bermadim. "Qalbga so'z uqtirib bo'lmaydi", deyishadi-ku? Ammo men uqtirdim. Qalbimga seni yanada kuchliroq sevishi uchun buyruq berdim. Seni allaqachon unutishim kerak bo'lsa ham, seni unutishim uchun qo'lingdan kelganini qilgan bo'lsang ham, sendan, mendan va birgina men tomondan yaratilgan bizdan, bir on bo'lsa ham voz kechmadim. Biroq buning evaziga sevilmadim va meni sevmaganing uchun

sendan g'azablanib, sitam yetkazmadim. Joni omon bo'lsa bas, dedim. Sevilmasam, sevilmabman-da. Zotan bunga ko'nikdik, men uning o'rniga ham sevaman...