ҲАЛҚаро иқтисодиётда бутунжаҳон савдо ташкилотининг ўрни ва аҳамияти

БСТ тизимининг устунликлари, унда йирик савдогар давлатларнинг аъзо бўлганликлари эмас, балки унинг эркин товар алманишуви жараёнида мамлакатлар учун турли хил иқтисодий манфаатдорликни таъминлаши билан изоҳланади. Бу тизим аъзо мамлакатлар сиёсий, иқтисодий ва ижтимоий аҳволга, шунингдек фуқаролар фаровонлигига ҳам ижобий таъсир кўрасатади. БСТ савдо ташкилоти тизими мамлакатлар сиёсий, иқтисодий ва ижтимоий аҳволда, шунингдек алоҳида фуқаролар ва умуман жаҳон ҳамжамияти доирасида ўз устунликларини намоён этади.

БСТ га аьзоликнинг устунликлари яна шу билан изоҳланадики, бунда истеъмолчилар учун товар ва хизматларга бўлган танлов имкониятлари кенгаяди. Чунки, тайёр хорижий маҳсулотлардан ташқари, импорт қилинадиган хом ашёлар, бутловчи қисмлар ва жиҳозлар баҳоларининг арзонлашиши ҳисобига ишлаб чиқариладиган маҳаллий товар ва хизматлар турлари ҳам кўпайиб боради. Импорт рақобати таъсирида маҳаллий ишлаб чиқариш максимал даражада ривожланади ва ички баҳоларнинг пасайишига билвосита таъсир кўрсатади. Бундан ташқари, ишлаб чиқариладиган маҳсулотлар сифатида ҳам ижобий ўзгаришлар кузатилади. Товарлар алмашинуви жараёнининг фаоллашуви эса инновациянинг ривожланишига сабаб бўлади.

ЎЗБЕКИСТОН РЕСПУБЛИКАСИ ҲАЛҚАРО ХАМКОРЛИК МУНОСАБАТЛАРИНИ ЎРНАТИШДА БУТУНЖАҲОН САВДО ТАШКИЛОТИГА АЪЗО БЎЛИШНИНГ ДОЛЗАРБЛИГИ

Ўзбекистоннинг БСТга аъзо бўлиб кириши мамлакат ҳукумати ва олиб борилаётган иқтисодий сиёсатга жаҳон ҳамжамияти ва салоҳиятли инвесторлар ишончини янада оширади ва савдонинг ривожланиши, инвестициялар оқимининг кўпайиши, шунингдек, тезкор иқтисодий ўсишни таъминлаш имконини беради. Иқтисодиётни имконият даражасида қайта қуриш, тармоқларнинг қўшилган қиймати яратиши билан боғлиқ юксак тараққиёт даражасини таъминлаш, БСТга аъзо мамлакатлар бозорларига кириб боришнинг муҳим кафолати бўлиб ҳисобланади.

Ўзбекистон Республикаси Бутунжаҳон савдо ташкилотига қўшилиши қуйидаги афзалликлар билан бевосита боғлиқдир:

Чет эл бозорларига чиқиш имкониятига эга бўлиш
Бутунжаҳон савдо ташкилотига аъзо мамлакатлар ўз зиммаларига олган мажбуриятлардан чекиниш имкониятлари чегараланганлиги сабабли аъзо мамлакатлар орасида нисбатан барқарор ташқи савдо муҳити қарор топади. Бу мамлакатнинг ташқи савдо сиёсати истиқболларини ишлаб чиқиш учун қулай бўлиб унинг барқарорлигини оширади.
Бутунжаҳон савдо ташкилоти қоидалар, субсидиялар, демпинг каби ташқи савдонинг нопок воситаларини тақиқлаб улардан ҳимояланиш мақсадида тегишли чоралар кўриш имкониятини беради
Чет эл инвесторларига Ўзбекистон Республикасининг Бутунжаҳон савдо ташкилотига аъзолиги уларнинг Ўзбекистон Республикасида ишлаб чиқарилган ўз маҳсулотларини тўсиқларсиз жаҳон бозорига олиб чиқиш ва ўз фаолиятлари учун жаҳон бозоридан тўсиқсиз маҳсулот, асбоб-ускуна ва технологияларни олиб кириш имкониятини яратади
Чет эл бозорларига тўсиқсиз чиқиш имконияти Ўзбекистон Республикаси товар ва хизматларининг экспорти ҳажмини оширади ва ўз ўрнида истеъмолчиларнинг жаҳон бозоридаги арзон товарларга бўлган эхтиёжини самаралирок кондириш имкониятини беради.
Низоларни ҳал этишнинг самарали йўлига кириш. Яъни бирор бир мамлакат томонидан Бутунжаҳон савдо ташкилоти қоидалари бузилиши оқибатида зарар кўрган ҳолда Ўзбекистон Республикаси бу ташкилотнинг низоларини ҳал этиш оралиғида низоларни адолатли ва самарали ҳал этиш имкониятига эга бўлади
Кўп томонлама савдо тизимига таъсир ўтказиш имкониятига эга бўлиш. Бу имконият Ўзбекистон Республикасининг Бутунжаҳон савдо ташкилоти доирасида ўтказилган кўптарафлама савдо музокараларида иштирок этиб ўз манфаатларини ифода этиш имкониятидан келиб чиқади.