Al-xorazmiy nomidagi urganch davlat universiteti matkarimova shoxnoza

Pazandachilik asoslarini o’qitishda o’quvchilar ega bo’ladigan bilim, ko’nikma va malakalar.
Umum ta’lim maktablarida Texnologiya ta’limi fani o’qitilganda biz doimo o’quvchilar mavzu yuzasidan bilimlar, ko’nikmalar va malakalarga ega bo’lishlari kerak degan so’zlarni ko’plab ishlatamiz . Biz avvalo bilim, ko’nikma va malaka tushunchalarini bir-biridan ajrata olishimiz lozim.
Bilim- borliqni bilish jarayonining amaliyotda tasdiqlangan natijasi. Ob’yektiv reallikning inson ongida aks ettirilishi (tasavvur, tushuncha, mulohaza, nazariyalar). U kundalik, ilmiy, empirik, nazariy bilimlarga ajratadi.
Kundalik bilim sog'lom fikrga va kundalik amaliy faoliyat shakllariga asoslanadi.
Insonning atrof-muhitga moslashuvi, uning xatti- harakatlari va oldindan ko'ra bilishi uchun asos bo‘lib xizmat qiladi.
Ko‘nikma- ongli faoliyat (harakat)ni tez, tejamli, to'g'ri, kam jismoniy va asabiy kuch sarflagan holda bajarish. Shaxsning bilimlari asosida tarkib topadi. Dastlabki shakllanish bosqichlarida bunday harakatlar jiddiy diqqat bilan bajariladi, keyingi bosqichlarda diqqat bilan nazorat qilish kamayib boradi va natijada avtomatlashgan harakatga aylanadi.
Malaka- shaxsning ma'lum bir kasb yaroqlilik, tayyorlik darajasi shu kasbda
ishlay olishi uchun zarur bilim va ko‘nikmalar yig‘indisi.
Texnologiya ta’limi darslarida o’quvchilarga dars jarayonida yangi mavzu yuzasidan nazariy bilimlar beriladi va o’quvchilarga ta’lim sifatini oshirish maqsadida amaliy mashg’ulotlarni tashkil qilish barobarida o’quvchilarda ko’nikmalar paydo bo’ladi. Ana endi o’quvchilar egallangan bilim va ko’nikmalar asosida amaliy mashg’ulotni o’zlari mustaqil bajarishlari moboynida malakalarga ega bo’ladilar. Umum ta’lim maktablarida Pazandachilik asoslari bo’limini o’qitishda o’quvchilarga quyidagi ko’nikmalarga ega bo’lishlari davlat ta’lim standartida belgilab qo’yilgan. Bunga ko’ra sanoat miqyosida ko`p seriyali ishlab chiqarish uchun tavsiya etish mumkin bo`lgan mahsulot tayyorlay olish va unda qo`llanilgan mahsulotni asoslay olish.