Aktyorlik mahorati

Tavsiya etilayotgan adabiyotlar

1. 
   Stanislavskiy K.S. Aktyorning о‘z ustida ishlashi. –T.: Badiiy adabiyot, 1965.
   
2. 
   Stanislavskiy K.S. San’atdagi hayotim. –T.: Badiiy adabiyot, 1965.
   
3. 
   Maxmudov. J. Aktyorlik mahorati. О‘zDSI, 2006.
   
4. 
   Mahmudov. J. Sahna kompozitsiyasining alifbosi. –T.: О‘zDSI, 2006.
   
5. 
   Yusupova. M.«Uprajneniya po aktyorskomu treningu».–T.: О‘zDSI, 2005
   

4. 1. YAKKA MASHG‘ULOTLAR UCHUN KО‘RSATMALAR

2-kurs o‘quv yilligidan boshlab talabalari bilan yakka tartibda ish olib boriladi. Buning uchun har bir talaba bilan Aktyorlik maxorati boshlang‘ich qadamlari sifatida mashqlar ustida ishlanadi. Bо‘lajak aktyor-talaba teatr maktabi sanalgan etyudlar ustida ijodiy izlanishlar olib borar ekan, bu jarayonda olingan etyudni talqin qila olishida, uning dunyo qarashi, ma’naviy qiyofasi, madaniyatlilik darajasi, xayotiy tajribasi, mustaqil fikrlash salohiyati, tasavvur kо‘lamining kengligi, hamda tashkilotchilik qobiliyati muhim о‘rin egallaydi.

Yakka tartibda mashq va etyudlar ustida olib boriladigan ijodiy izlanishlar asosida rejissyorning aniq fikri bо‘lishi kerak.
Aktyor etyud g‘oyasini ochib berishga intiladi. Etyudning о‘ziga hos badiiy jihatlarini kо‘rsata bilishi, partnyorlari topib kelgan etyud uslubini
topa bilishi kabi jihatlarida bо‘lg‘uvsi rejissyorning о‘zigagina hos bо‘lgan
hususiyatlarini belgilaydi.
Mashqlar ustida dastlabki ish boshlanishi bilanoq rejissyor tasavvurida bо‘lg‘uvsi etyud namoyon bо‘la boshlaydi.
Aktyor kо‘tarib chiqmoqchi bо‘lgan g‘oya yordamida, yangi badiiy etyud shakllanib boradi. Etyudning badiiy jixatini yaratishda asar voqealarining uzviyligi uni harakatlantiruvchi kuchlarning mantiqiy izchilligi muhim о‘rin egallaydi. Boshlang‘ich voqea, kulminatsion voqea, yakuniy voqealar etyudni kо‘tarib turuvchi ustuni hisoblanadi.
Etyud ishlashdan oldin bо‘ladigan tayyorgarlik ishlariga alohida e’tibor qaratish lozim. Etyud tо‘g‘risida yozma va tasviriy san’atga murojaat etish orqali yetarli ma’lumot tо‘plash kerak. Bulardan tashqari Etyud voqealari kechadigan davr, ijtimoiy va siyosiy muhit, kiynish, yurish–turish madaniyati va hokazolarni о‘rganish, shuningdek, adabiyotshunoslar, teatrshunoslar bilan uchrashish, asar ishtirokchilarining hayotiy ikir-chikirlari tо‘g‘risida ma’lumot tо‘plashi lozimdir.