Xayotiy Hikoyam

---

Emina

Xayotiy Hikoyam

https://t.me/ansarmuhajir

---

Xayotiy hikoyam.

Johiliyat meni o’ldirdi lekin, Islom qayta xayotga qaytardi. Xayotiy

xikoyamni o’qib juda xayratlanishingiz aniq. Sizlarga foydasi tegadi

degan umiddaman.

Onam, mening yagonam. Ularni, Allah tamonidan yuborilgan bir

farishta deb bilaman. Ularsiz bir xayotni tasavvurimga

sig’dirolmayman. Onam mening kalitim. Oddiy bir kalit emas, Jannat

kalitim. Xar bir mo’mina ayol kabi, onam xam Allah’ning

buyruqlariga amal qilgan xolda yashaydilar. Farzandlarini xam,

mana shu buyruqlarga amal qilgan xolda yashashini xohlaydilar, bu

tabiy xol.

Katta ukam, ismi Fayzullah. U mening o’n yetti yillik do’stim,

yo’ldoshim, qalbimdan bir parcha. U bilan juda ko’p janjallashardik

lekin bir soatdan so’ng xuddi xech nima bo’lmagandek o’yin kulguga

davom etardik. Oramizda ikki yosh farq bor. O’n yetti yillik umri

davomida, bir xatosini xam ko’rmadim. Qalbining tozaligi, yuziga aks

etardi. Kechki payt ko’chada daydish, yoki boshqa yomon odatlari

yo’q edi. Kichik ukam, ismi Ali. Erkatoyim, uni juda ko’p urishsam

xam, qattiq yaxshi ko’raman. Lekin o’ziga bildirmayman. Ali

Istanbulda tug’ilgan, O’zbek emas. Biz oilaviy Istanbulda o’n besh

yildan beri yashaymiz.

Men, ismim Emina. Pasportimda yigirma bir yoshda bo’lsam xam,

aslida bir yoshdaman. Chunki men, Allah’ni tanigan kunim xayot

topdim.

Yil 2018.

Shu paytlar kimdir menga;

-Allah’ni sevasanmi? desa

-Albatta sevaman, Allah’ni kim sevmaydi? derdim.

---

Qur’andan bir sura eshitgach, qalbimda xech qanday bir xissiyot

sezmasdim. Ohirigacha eshitishga xam sabrim yetmasdi. Namozmi?

Faqatgina bir ikki oyda bir marotaba joynamozni yerga solardim,

lekin shu Namozimda xech qanday huzur topmasdim.

Vaqt o’tgan sari, xatolar va gunohlar ko’paya boshladi. Men esa,

nima qilayotganimni sezmayotgandim. Xuddi menga, xech narsa

farz qilinmaganday, nima sababdan yaratilganimni bilmagan xolda

yashayotgandim.

Harom sevgim xam bor edi. Lekin ko’zlarimga faqatgina sevgi

ko’rinardi. Harom emas.

Bir kuni Hazrati Aisha Rasulullah sallallahu alayhi va sallam’dan;

⁃

Meni sevasizmi ya Rasulullah? deb so’raganlarida..

⁃

Albatta sevaman ya Aisha! degandilar.

Lekin bu javob, Hazrati Aishaga yetmadi. Yana xam ko’prog’iga

qiziqtilar.

⁃

Meni qanday sevasiz ya Rasulullah? deb so’radilar.

⁃

Ko’r tugum kabi! degandilar Sarvari olam sallallahu alayhi va

sallam.

Ko’r tugum nima bilasizmi? Ko’r tugum, xech qachon yechilmaydi.

Sirga to’ladir ko’r tugum. Toki kesilmaguncha, uni xech kim

yecholmaydi. Ora orada yana so’rardilar Hazrati Aisha radiyallahu

anha;

⁃

Ko’r tugum qanday ahvolda ya Rasulullah?

Fahri koinot esa;

⁃

Ilk kungi kabi! derdilar doim.

Lekin u paytlar bunday sof sevgidan habarim bormidi? Yo’q albatta.

Kunlar, oylar va yillar o’tdi. Xayotimda qiyinchiliklar boshlandi.

Xuddi dunyo qarshimda turib, men bilan kurashayotganini sezardim.

---

Harom sevgimni xam yo’qotdim. Huzurga muhtoj bo’lib qoldim.

Lekin qayerdan topishim mumkin edi bu huzurni? Oilamdanmi?

Yo’q. Menga juda o’zgacha bir huzur kerak edi..

Mayyitdan bir farqim qolmadi. Onam, ukalarim Namoz va Qur’an ila

kunlarini fayz va barokatga to’ldirardilar. Lekin men g’aflat ichida

vaqtimni uvol qilishda davom etardim. Bir necha marotaba hijobga

kirishga xarakat qildim. Onam eng chiroyli kiyimlardan olib bersalar

xam o’zimda kuch topolmadim. Negadur nasib qilmayotgandi.

To’g’rirog’i men chin dildan xohlamayotgandim va xarakat

qilmayotgandim.

Vaqt o’tdi, Istanbulga bir ish yuzasidan yana qaytishga qaror qildik.

Fayzullah qoldi. Men, onam va Ali Istanbul tamon yo’l oldik. Endi

ozgina chalg’isam kerak degan umidda borgandim. Atigi o’n kunga.

Ishlarimiz bitdi. Toshkentga qaytish vaqti keldi. Ayrim sabablarga

ko’ra, men ketolmadim. Aslida Allah xohlamagan ekan. Xolalarim

bilan qoldim, onam va Ali Toshkentga qaytdilar.

Bir oz vaqt o’tdi.

Diniy kitoblar o’qishga boshladim, payg’ambarlar xayoti menga juda

yoqdi, ozgina ta’sirlandim. Bir kuni qalbimda qandaydir bir xissiyot

sezdim. Xuddi kimdur yoqamdan ushlab siltalaganday bo’ldi. Tinmay

yig’ladim, sababini bilmagan xolda. Tashqariga chiqib, yana

yig’ladim. Qalbim yonayotganini sezdim. Chidolmadim;

“Allah’im. Meni kechirgin. Kuchim qolmadi, menga yordam bergin.

Meni bu g’aflatdan qutqargin. Senga va’da beraman, mana shu

xafta hijob farzingga amal qilaman. Sen uchun o’zgaraman.” dedim.

Juda qisqa tavba bo’ldi bu.

“Allah’ga va’da berish? Bu nima degani? Nima qilib qo’ydi bu qiz?

Qo’lingdan kelmasachi? Agar eplolmasang, Uning yuziga qanday

qaraysan? Ahmoq qiz! Xato qilding! Ahmooq!”

---

Mana shunday vasvasalar bilan meni qaytarishga xarakat qildi. Men

mana shu va’dam bilan uning bir oyog’ini sindirdim. Juda qiynalgan

bo’lsa kerak. Mendan kutmagandi chunki.

Uch kun o’tdi, hijobga mos kiyim olib kelmagandim. Aslida u paytlar

ochiq-sochiq kiyinmasdim. Katta ukam Fayzullah bilan doim bir xil

kiyimlar olib, bir xil kiyinardik.

Kiyim va ro’mol olishim kerak. Qo’limdagi pul faqatgina ro’mol

olishga yetadi. Mayli dedim va tavakkul qilib tashqariga chiqdim.

Qo’limdagi pul shunchalar barokatlandiki, xar xil kiyimlar va ro’mol

oldim. Bu Allah’ning lutfi edi. Olgan kiyimlarimni oyatdagi hijobga

bir aloqasi bo’lmasa xam olaverdim. Chunki xali Nur surasining

oyatlarini o’qimagandim.

Uyga bordim, kiyimlarimni kiydim va ro’molni o’rab ko’rdim.

Yoqmadi, qayta o’radim. Kechgacha xarakat qildim. O’zimga

yarashadigan bir ko’rinishda o’rashni eplolmadim. Kuchim xam

qolmadi, charchadim. Bu orada Namozni xam ora-orada o’qishni

boshladim. Ertasi kuni, yana ro’mol o’rashda qiynalayotganimni

ko’rib, xolam o’rab qo’ydilar. Menga yoqdi. Endi esa eshikdan

chiqish kerak.

Hijobga kirishni juda oson deb o’ylaydilar. Adashadilar. Qarshingizda

ikki dushman, biri nafs va biri shayton turganda xech qaysi solih

amal oson emas.

Eshik oldiga borib toxtadim, boyagi ikki dushman yo’limni to’sdi, bu

tabiy xol. Chiqishimga yo’l qo’ymadi. Eshik oldida o’n besh daqiqa

turdim. Yana xolamdan yordam keldi. Bu ozgina qattiqroq zarba edi

aslida. Qanday chiqib ketganimni bilmay qoldim. Lift oldida xam o’n

besh daqiqa turgandan so’ng, bir amallab chiqdim. Dushman bu

yo’lda juda qiynaydi. Qo’lidan kelgan xar bir ishni qiladi. Chunki,

farzga amal qilgan bir insonning Allah nazarida qadrining yana xam

ko’proq balandlashishini biladi.

Pastga tushib, eshik oldida yana toxtadim. Bunchalik kuchsizligimni

bilmasdim. Eng ohiri, Rohman va Rohim bo’lgan Allah nomi ila

---

boshlab eshikdan chiqdim. Bu menga juda katta yordam va qalqon

bo’ldi. Darvozadan xam xuddi shunday xolda chiqdim.

Allah’ni guvoh qilib aytaman, ikki daqiqa avval yo’limni to’sayotgan

so’zlar va to’siqlar birdan g’oyib bo’ldi. Nafsim va shaytonning xuddi;

“Mendan qutilish oson emas!” deganini sezdim. Parvo qilmadim.

Xuddi atrofimdagi daraxtlar, gullar va qushlar meni tabriklab;

“Muborak bo’lsin..” deyayotganini sezardim.

O’n besh kundan so’ng, Toshkentda yashaydigan xolam keldilar

Istanbulga va ular bilan birga Toshkentga qaytdim. Onam va

ukalarim bilan juda yaxshi vaqt o’tkazayotgandik.

Onam uchun dunyoda eng qadrli uch inson bor. Men va ukalarim.

Shu vaqtga qadar bizga qilgan yaxshiliklarini aytishni boshlasam

tugatolmayman. Xam ota, xam ona bo’lish oson ish emas,

dunyoning xar bir qiyinchiligiga qaramay, uch farzand katta qilish

xam oson emas. Vahima emas, dunyodagi barcha otalar, mening bir

onamchalik bo’lolmaydi.

Bir kuni onamga bir telefon keldi;

“Fayzullah avariya bo’ldi. Yetib keling.”

Farzandlarini jonidan ortiq ko’rgan inson uchun, eng og’ir sinov

emasmi bu? Bunga chidash mumkinmi?

Yo’lga tushdik. Ukamni ozgina jarohatlanib, xushidan ketgan deb

o’ylagandik. Borsak, men ukamni olgan jarohatlaridan sabab

tanimadim. Eng yomoni esa, doktorlar ukamning tepasida uni

tamosha qilishdan boshqa bir ish qilmayotgandilar. Aperatsiya

boshlandi. Men onamni, o’zlarini yo’qotib qo’yadilar, dod faryod

qiladilar deb o’ylagandim. Lekin kuch yig’ib, sabr qildilar. Buni

sababi nima bilasizmi?;

---

“Inna lillahi va inna ilayhi rajiun!” Allah’dan keldik, va yana Allah’ga

qaytguvchimiz. Nima bo’lsa xam, onam kuch yig’ib, Allah’dan kelgan

xar bir sinovga, rozi bo’lishlari shart edi. Ukam, Fayzullah. Allah’ning

fayzi. O’n yetti yilim. Ich ichimdan Robbimga yolvora boshladim;

“Unday qilma Robbim. Bunday sinama. Xar narsaga chidayman,

lekin bu og’ir. Iltimos Allah’im, iltimos.. Unday qilma. Ukamni xech

qanday aybi yo’q, bu azobga men loyiqman.”

Bir necha soatdan so’ng aperatsiya tugadi. Qarasam, ukamni

o’ralmagan bir joyi xam qolmagandi. Ukamni orqasidan

ketayotganda, buvim xushlaridan ketdilar. Kimni orqasidan

yugurishni bilmay qoldim. Buvimni bir xonaga olib kirdik, o’zlariga

kelishlari ancha qiyinlashdi, chunki ukamning ahvoli shu daraja

yomon edi.

Mashinada ukam va yana ikki kishi bo’lgan. Ular ishdan

qaytayotganda, mashina yo’lning narigi tamoniga ag’darilgan.

Shunda ukam, mashinadan yo’lga otilgan. Boshiga olgan zarbasidan

sabab, o’sha yerda komaga tushgan. Eng ajoyibi nima bilasizmi?

Ukamdan boshqa xech kim jarohatlanmagan. Ruldagi odam xam,

uning yonidagi odam xam, soppa sog’. Demak Allah, ukamni

xohlagan ekan. Reanimatsiya xonasi oldida birgina stulda o’tirib

farzandini kutayotgan bir ona. Xech narsadan xabari bo’lmagan Ali.

Qo’lidan xech nima kelmayotgan men. Shu vaqt oralig’ida ukam

uchun qilingan duolarni, hatmi Qur’anlarni bir ko’rsangiz. Son

sanog’i yo’q. Xattoki biz tanimaydigan insonlardan sanoqsiz duolar

kelayotgandi. Men xayratlandim. Allah, ukamni mana shunchalar

qattiq sevishini bilmasdim.

Beshinchi kun. Fayzullah ketma-ket aperatsiya bo’ldi. Shu besh kun

davomida o’ziga kelmadi. Faqatgina bir marotaba ko’zini juda

ozgina ochib, yana uyquga ketdi. Eng ohirgi aperatsiyada, boshidagi

suyagining yarimi olib tashlandi. Chunki u suyak sinib, ko’ziga zarar

berayotgandi. Sog’ joyi qolmagandi. O’n yetti yasharlik bir bola

uchun qanday og’ir dard. Bunday og’ir dardga zolimlar arzimaydimi?

Yo’q, yo’q. Allah faqatgina o’zi suygan bandalariga dard beradi.

---

O’sha kun uni yonida qolishni juda xohladim, lekin Ali uyda bir o’zi

qolgani uchun onam ketishimni xohladilar. Qalbimda qandaydir bir

ovoz “Ketma...” dedi takror, takror. Ketishni xohlamasam xam

majburan ketdim.

Oltinchi kun, bomdod vaqti. Fayzullahning yoniga borishga

tayyorlanayotgandik. Onamdan telefon keldi. Ho’ngrab yig’lagan

xolda;

“Yo’q, yo’q o’g’lim meni tashlab ketmaydi...” deganlarini eshitdim.

Shu payt xuddi boshimdan qaynoq suv to’kilgandek xis qildim.

“Tez yetib kel...” dedilar.

Ko’chaning boshiga qanday chiqib qolganimni bilmayman. Bir necha

daqiqa mashina kutdik Ali bilan. Ohiri bir yoshi katta amaki kelib

toxtadilar. Onamdan yana telefon keldi. Yana yig’layotgandilar.

Oddiy bir yig’lash emasdi bu. Ular yig’lagan sari ichim yanada kuyib

ketayotgandi.

Shu payt yig’i ovozlari bilan birga bir ikki so’z eshitdim;

“Tez yetib kel qizim, ukangni berib qo’ydik...”

Fayzullahim, mana shu zolim dunyodan abadiy bo’lgan ohirat

yurtiga ko’chdi. Robbim uni shunchalar suygan ekan, bu zolim

dunyoga tashlab qo’ymadi. Tortgan dardlari esa, kaforat edi. Inson

umri davomida qanday yashasa, o’limi xam shunday bo’ladi deydilar.

Yo’q. Unday emas. Agar yomonlarga, yomon o’lim nasib qilganida

edi, sahobai kirom quloqlari, qo’llari, burunlari kesilib, ko’zlari

o’yilgan xolda shahid bo’lmasdilarku.

Bu haqida nima degandilar Fahri koinot sallallahu alayhi va sallam?;

“Bir mo’minning boshiga kelgan xar bir dardni, xattoki oyog’iga

botgan tikonni xam, Allah uning gunohlarini mag’firat qilish uchun

vasila qilur.”

---

Bordim, yoniga kirdim. Tepasida doktorlar, yana yig’ilgan. Qo’lidagi

temirlarni yechib, uni qayergadir tayyorlayotgandilar. Bir tamonda

onam meni ko’rib;

- Jim qizim...

Doktorlar esa;

- Rozilik so’rang singlim... dedilar.

Nima? Rozilikmi? Men xali ukam o’lganiga xam ishonmagandimku,

qanday rozilik? Ukam o’ldi, ukam! Yoniga borib oppoq badaniga

tikilib qoldim. Muzlab qolgan yuzidan o’pib;

“Uyg’on ukam, iltimos uyg’on!” dedim.

Shu payt o’zimga o’zim gapirishni boshladim;

“Nega Allah ukamni oldi? Nega meni olmadi? Nega o’ldi ukam?

Shuncha qilingan duolar nega yordam bermadi?” Mana shunday

johillikga to’la so’zlar miyyamda aylana boshladi..

Janoza.

Ukam Ali, bel boylagan, boshida esa bir do’ppi. Uyimizda bir xonaga

joy qilingan. Kim uchun bu joy? Ukam uchunmi? Xali xam o’zimga

tushuntira olmadim. O’limni bunchalar tez kelishini bilmasdim. Vaqt

o’tgan sari, qandaydir odamlar va tog’orada ovqatlar kela boshladi.

Va boshimga og’riq berayotgan yig’i ovozlari. Istanbuldagi ikki xolam,

aslida ular meni opam. Ularni qo’lida katta bo’ldik. Shundan sabab

ularni xam bizga o’zgacha mexrlari bor. Ular xam bir ona. Ularning

juftlari, aslida akadan xam yaqinroq. Telefon qilib tinmay yig’ladilar.

Ular xam ishonolmayotgandilar. Shunchalar qattiq yaxshi ko’rardilar

Fayzullahni. O’sha kun Fayzullahning vafotini eshitib, yetib keldilar

Toshkentga. Ularni kelishi xam bir mo’jiza edi. Chunki Istanbuldagi

biz yashaydigan joydan, aeraportga yetib borish uch soatlik yo’l.

Xolalarim esa, bir necha daqiqada bilet olib aeraportga yarim yoki

---

bir soat ichida yetib borishgan ekan. Kechki payt Fayzullahni olib

kelishdi. U kelgandan so’ng, xolalarim xam keldilar.

Men juda xayratlanayotgandim. Chunki onam va xolalarim bir

marotaba xam faryod qilmadilar, o’zlarini yerga otib, qiynamadilar.

Bir tarafdan shu xayratim ila, ukamni yonida, muzlab qolgan oppoq

yuziga tikilib qolgandim.

Farzandining yonida tomchi-tomchi ko’z yosh ila Qur’an o’qiyotgan

bir ona. Mening onam. Kelgan xar bir insonga, “Jim. Jiming...”

deyayotgandilar. Chunki Allah’ga isyon bo’lishini va uyimizdan

baland ovozda faryodlar eshitilishini xohlamayotgandilar.

Takbirlar, salovatlar, tavhidlar bilan ukamni abadiyatga kuzatdik.

Men umrimda, bunday chiroyli janoza ko’rmagandim. Aytilayotgan

takbirlar qalbimga sanchilayotgandi.

Ukamni eng katta orzusi shahidlik martabasiga erishish edi. U doim

eshitib yuradigan shahidlar uchun atalgan bir nashed bor edi;

Ona bugun ramallahda bir go’dakni o’ldirdilar.

Qonli belagiga belab, onasiga topshirdilar.

Meni xam sizga bersalar qizil qonlar ichida.

Aslo xafa bo’lmang, yig’lamang, gul qizil bo’lur ona.

Men sizning gulingiz emasmanmi?

Gul qizil bo’lur ona.

Bir kuni mana shu nashedni eshitayotganda;

- Ona, bir kun meni xam sizga shu xolda olib kelishsa. Nima qilasiz?

dedi.

Buni eshitib onam;

- Allah asrasin. Unday dema o’g’lim... degandilar.

Yil 2019.

---

Xolalarim xam ketishdi. Onam, men va Ali. Uyimiz jim jit. Ukamni

yo’qligiga xali xam ko’nikolmadim. Kun sari dunyoga bo’lgan

nafratim yana xam ko’proq oshib, o’limni kutayotgandim. Endi xech

nima oldingidek bo’lmaydi. Xayotga qaytolmayman derdim. Ukamni

bunchalar yaxshi ko’rishimni bilmasdim. U ketgan kundan boshlab,

uni eng chiroyli ko’rinishda tushlarimda ko’ra boshladim, doim

xursand xolda kelardi meni ko’rgani.

Bir necha oy o’tdi. Yanvar oyidamiz.

Menda yana o’sha ahvol. Qalbimda qandaydir bir siqilish, tinmay

kelayotgan yig’i va yana o’sha siltalash. Bu safargi siltalash

shunchalar kuchli bo’ldiki, o’zimni qo’yishga joy topolmadim. Xatti-

xarakatlarim xam o’zgardi. Ichimda nima bo’layotganini xech kimga

tushuntirib berolmadim. Ora-orada o’qiyotgan Namozimni esladim.

Joynamozni yerga solib, ikki rak’at Namoz o’qidim. Ana endi

boshlandi. Ko’z yoshmi bu? Yoki daryomi? Yig’laydigan bir ish

bo’lmadiku? O’sha vaqtga qadar bunchalik uzun duo qilganimni

eslolmayman. Allah bilan chin dildan suhbat qurish juda o’zgacha

bir tuyg’u ekan. Endi esa, xursandligimdan yosh to’ka boshladim.

Mana shu to’kilayotgan xar bir yosh, qalbimdagi olovni

o’chirayotgandi. Men endi topdim xaqiqiy sevgimni, baxtimni va

huzurimni. Endi esa, sevgimdan sabab yonayotgandi qalbim.

Avvalroq topmaganimning sababini tushundim. Chunki men

samimiy tavba qilmagandim. Allah’ga taslim bo’lmagandim. Takror,

takror tavba qildim. Menga bir yo’l ko’rsatishini istadim. Namozni

tugatib, onamning yonlariga kirdim;

- Istanbulga ketsam maylimi ona?” dedim. Aslida onam bir o’zimni

uzoq joyga yubormaganlar bir marotaba xam. Lekin menimcha,

ahvolimni ko’rib rozi bo’ldilar. O’zimni chalg’itishim shart edi.

Avariyaga sabab bo’lgan odamga qarshi nafratim kun sari oshib,

sabrim tugayotgandi. Shundan sabab men, bu shaxardan tezroq

qochishim kerak edi. Ertasi kuni bilet oldim va 25-Yanvar kuni

Istanbulga bir o’zim ketdim. Yana xolamnikiga bordim. Ularga

aytmagandim kelishimni. Ko’rib juda xursand bo’ldilar.

Vaqt o’tdi.

---

Kundan kunga yana xam ko’proq kitob o’qishni boshladim.

Namozlarimni xam. Bu orada Qur’an o’qishni xam bir o’zim uyda

o’rgandim. Xar kuni Sultonim ila suhbatlashib, ancha yengil

tortardim. Bir kuni xayotimdagi eng buyuk mo’jizani yashadim. Bu

Allah’dan kelgan eng buyuk lutuf edi. Kechki payt osmonga qaragan

xolda, salovat keltira boshladim. Shundan so’ng uyquga ketdim.

Yo’q, yo’q. Uyquga emas, mo’jiza tamon ketdim..

Qandaydir eshikdan, bir masjidga kirdim. Yonimda xolam, lekin ular

boshqa tamonga ketib qoldilar. Men esa to’g’riga qarab yuraverdim.

Atrofda insonlar xam bor edi lekin xuddi ular menga yo’l ochib

berayotgandi va xuddi kimdur menga yo’l ko’rsatayotgandi. Yurdim,

yurdim va yana yurdim. Bir eshik tagida toxtadim. Tilladan, baland

va juda chiroyli bir eshik.

Eshik oldida bir marmar ustun. Shu ustun ustida esa nur yuzli bir

inson menga qaragan xolda uhlayotgandi. Ko’rib tanimadim. Lekin;

- Assalatu vassalamu alayka ya Rasulullah... dedim.

Va yonlariga o’tirib oldim.

Ka’baning Robbiga qasamki, umrim davomida bunday go’zallikni

uchratmagandim. Uzun kiprikli, surmali ko’zlari, xuddi chizib

qo’yilgandek chiroyli qoshlari. Yaltirab, yelkalariga tushib turgan

sochlari, peshonalarining o’rtasidagi va yuzlaridagi nur.

Bu qanday go’zallik? Bu qanday nur?

Uhlayotgan bo’lsalar xam, menga qaragan xolda kulib turgandilar.

Kulayotganlarida, xar bir tishlarining orasidan nur taralib turardi.

Uzun soqollari va ularning orasida faqatgina bir necha muborak

qillari oqargandi. Kiyimlari va boshlaridagi salla shunchalar chiroyli,

oppoq, toza va nur ustiga nur.

Bir oz termulib yonlarida o’tirdim. So’ngra, o’rnimdan turib yana

masjid eshigi tamon ketdim. Masjid eshigi oldida xolam meni kutib

turgandilar.

---

- Men Rasulullahni ko’rdim... dedim. Lekin ishontirolmadim.

Ortimga o’girilib qarasam, Sarvari olamning yonlariga xech kim

yaqinlashmayotgandi. Masjiddagilarga xam aytdim lekin xech kim

parvo qilmadi. Chunki xech kim ularni ko’rmayotgandi. Faqatgina

men ko’rgandim. Yo’lda kimni uchratib aytib bergan bo’lsam xam

xech kim menga ishonmadi.

Uyg’ondim, avval xech nimani tushunmadim;

- Afsus tush ekan... dedim. Kayfiyatim xam tushib ketdi. Lekin

baribir shu haqida ma’lumot qidira boshladim. Ko’rinishlari xayotda

qanday edi? Ularni tushda ko’rish mumkinmi? Shu payt bir

hadislarini uchratib qoldim;

“Kimki meni tushida ko’rsa, darxaqiqat meni ko’rgan. Chunki

shayton mening suratimda ko’rina olmaydi.”

Allahu Akbar...

Robbim! Bu qanday lutuf? Bu qanday baxt? Men bunga loyiqmanmi?

Shuncha gunoh, shuncha xato. Men chindan xam payg’ambarimni

ko’rdim. Subhanallah. Yana bir hadisda buyurgandilar Fahri koinot

sallallahu alayhi va sallam;

“Sodiq tushni to’g’ri so’zli kimsalar ko’rur, va bu kimsalarning tushi

Allah azza va jalladan bir mujdadir.”

Qachonki bir umidsizlikga tushib qolsam mana shunday hadislarni,

umidga to’la oyatlarni o’qib, umidim qayta tiklanadi.

O’sha paytlar, “Men bunga loyiqmanmi?” derdim. Vaqt o’tib bir

narsani tushundim. Men nimaga loyiqman va nimaga loyiq

emasman, buni faqatgina Robbim biladi. Faqatgina taqvo egasi

bandalariga emas, gunoh botqog’ida cho’kib ketgan bandalariga

xam lutfi ila mo’jizalar berar ekan. Bunga bir necha marotaba guvoh

bo’ldim.

---

Mana shu kundan so’ng, ruhan o’zgara boshladim. Bu ne’mat.

Sultonimdan kelgan eng katta ne’mat. Gunoh botqog’ining eng

chuquridan qutqarib oldi meni. Unga bo’lgan sevgim kun sari oshib,

qalbim mana shu sevgi ila yonayotgandi.

Lekin, ko’rinishimda, men xohlaganday bir o’zgarish bo’lmayotgandi.

Pardozni tashlashga kuch topolmadim, juda shoshilayotgandim.

Instagramchi? Suratlarimchi? Ularni gapirmasam xam bo’laveradi.

Allah’ning sevgisiga va ne’matlariga loyiq bo’lishni xohlayotgandim.

Bilmasdim, taqvo aslida men o’ylagandek emas ekan.

Tugadimi? Yo’q albatta.

Bir kuni;

Bir yaqinim menga kitob tavsiya qildi. Aslida kitob o’qish uncha

yoqmaydi menga. Lekin bu kitobga juda qiziqdim.

“Agar payg’ambaringni tanishni xohlasang, shu kitobni olib o’qi,

boshqa bir kitob o’qimasang xam bo’ladi.” dedi.

Boshqa bir ish yuzasidan, to’g’rirog’i jiyanimga kitob olish uchun bir

do’konga kirdik. Bir qaradimki, bir chetda o’sha kitob. Atigi bir dona

qolgan. Men aslida yonimda ko’p pul olib yurmayman. Chunki kerak

bo’lmaydi. Kitobni narxi qirq lira. Yonimdagi pulni sanadim, u xam

qirq lira. Bu bir ishora.

Allah’im, Sen meni yaxshi ko’rasan a?

Kitobni oldim;

Allah’ning elchisi Hazrati Muhammad sallallahu alayhi va

sallam’ning xayoti.

Nomli bir kitob. Bu kitob ikki jilt ekan. 860 sahifa. Uyga borib

o’qishni boshladim. Kitobni birinchi sahifalarida Hazrati Aisha va

Hazrati Ali radiyallahu anhum rivoyat qilgan hadis. Shu hadisda

Sarvari olam sallallahu alayhi sallam’ning tashqi ko’rinishlari aytib

berilgan ekan. O’qidim, o’qidim va yana o’qidim. Ular, men

---

payg’ambarimni tushimda qanday ko’rgan bo’lsam, xuddi shunday

ta’riflab bergandilar.

Bu kitob xam men uchun bir mo’jiza. Payg’ambarimni yanada

yaqinroqdan tanishimga sababchi bo’ldi. Kitobni o’qib, xuddi saodat

asrida yurgandek bo’ldim. To’g’rirog’i kitobni ichiga kirib qoldim.

Zamzam, fil voqeasi, Abrahaning o’limi. Hazrati Abdullah’ning

o’rniga qurbon qilingan yuz tuya, Payg’ambarim dunyoga kelishlari,

Hazrati Amina, Hazrati Xadicha, Hazrati Aisha, Hazrati Asma, Hazrati

Abubakr siddiq, Hazrati Ali, Hazrati Umar, Hazrati Hamza.

Uhud va Badirni o’qib xuddi sahobalarga qo’shilib men xam jang

qilayotgandim. Badirda Jabroil alayhissalom uch ming farishta bilan

birga kelib kofirlar bilan jang qilganichi? SubhanAllah. Osmonga

“Allah’ning arsloni Hamza..” deya yozilganichi? Sa’d bin Muaz.

Ansarning eng fazilatlisi, uning janozasiga kelgan yetmush ming

farishta va vafotidan sabab Rohmanning Arshi titragani. Ey buyuk

Robbim, mo’jiza bular! Saodat asrida nimaki bo’lgan bo’lsa xar biri

yozilgan. Xayajonim kun sari orta boshladi.

Shu orada onam va Ali xam Istanbulga qaytdilar. Biz uchun yangi

xayot boshlandi. Men kitobimni o’qishda davom etdim. Ora-orada

yana bir necha marotaba gul Nabiy sallallahu alayhi va sallam

tushlarimni nurga to’ldirdilar. Birida, Masjid al Nabaviyda aylanib

yurgandim. Qabri Sharif yonida, bir marmar ustun ustiga meni

yotqizib qo’yishgandi. Masjid al Nabaviyda o’lgandim. Sarvari

olamning qabrlariga qaragan xolda yotardim. Ularning qabrlari bilan

oramizda uch, to’rt qadamchalik masofa bor edi.

Shu payt yonimga kimdur kelib, yelkamga qo’lini qo’ydi. Yana

Rasulim. Allahumma solli a’la Sayyidina Muhammad.

Masjidda aylanib yurgan mening ruhim ekan. Marmar ustidagi esa

janozam. Sarvari olam menga qarab tabassum qildilar. Bu safar

birinchi kundagi kabi ko’rolmadim. Faqatgina nur.

Ba’zi kunlar esa sahobai kiromni ko’ra boshladim. Abu Bakr siddiq.

Yuzlarini ko’ra olmagan bo’lsam xam, juda xayratlandim. Chiroy,

---

asolat, jasurlik xar biri bor. Kiyimlari, bellaridagi qilich. To’g’risi,

ta’rifga ojizman.

Rasulimni xam qayta ko’rdim. Bellarida bir qilich, ot ustida

shunchalar tezlik bilan ketayotgandilarki, yer yuzi titrayotgandi.

Ustilarida bir kiyim, uzun va oppoq. Shamolda uchishini bir

ko’rsangiz.

Tushlarimda xar kuni ot ko’ra boshladim. Bilasizmi, ot Muroddir.

Xayrli bir ish va yuksak martabaning xabardoridir. Yana bir mo’jiza

sari olib borayotgandi bu tushlar meni. Lekin bu mo’jiza dunyo

xayotidagi nasibam edi.

Alif Lam Mim.

Mana shunday tushunilmas xoldaman.

Hijratim sengadir Ey Yor.

Men senga Muhajirman, Sen menga Ansar.

Mana shu so’zlarda aytganim kabi, men yorimga hijrat qilishim

kerak edi. Muhajirlar Yasribga ya’ni Madinaga hijrat qilganlari kabi.

Kitobni o’qigach menda, Makka va Madinaga bo’lgan sog’inch

boshlandi. Kundan kunga Robbimga yolvora boshladim;

“Allah’im, meni xam chaqirgin. Yuragim to’la og’riq. Qalbimni bu

azobdan xalos etgin Robbim.”

Qanchalar yolvorganimni tasavvur xam qilolmaysiz. Ko’z yoshlarim

qo’llarimga to’lib, yig’layverganimdan nafasim orada toxtab qolardi.

Lekin baribir, duolarimning qabuliga ishondim.

Yil 2020.

Va yana Yanvar oyi.

Men yana yolvorishda davom etardim. Albatta bir xabar kelishini

bilardim. Sabrdan bir uy insho etdim va shu uyda yashadim. Bir

yaqinimizning maslahati bilan, Inzar nomli turizm firmasiga bordik

onam va men. Ajva va zamzam bilan kutib oldilar. Ajva? Umrimda

---

birinchi marotaba yedim. Zamzam? Umrimda birinchi marotaba

ichdim. Dasturxon ustida yana bir zamzam bor edi. Ko’zimni shu

zamzamga tikdim. Turizm firmasidagi rahbar, Allah ulardan rozi

bo’lsin isimlari Seyyid. O’sha zamzamni menga uzatdilar. Uni xam

ichdim alhamdulillah. Madinadan kelgan edi, ichmay qo’yarmidim?

Seyyid aka bizga Makkani va Madinani ta’riflab berdilar. Xuddi

kitobimdan o’qib berayotganday tuyildi. Nimaki o’qigan bo’lsam,

barchasini aytib berdilar. Ko’zlarimga yosh kela boshladi.

Sabrsizlanib ketayotgandim. Makka haqida gap ketayotganda;

- Makkaga borgach ehtiyot bo’lishingiz kerak, chunki u yerda xali

xam Abu Jahillar bor. Maxramsiz tashqariga chiqish xavfli.

Ularning xar bir tavsiyalarini diqqat bilan eshitib, qabul qildim. Va

ketish kunini tanladik. Bu oy. Bu oymi? Bu oy...

Birinchi istiqomadimiz Jeddah so’ngra Makka. Xayajondan qo’l

oyoqlarim titray boshladi. Xursandligimdan Seyyid akaga raxmat

aytib quchoqlab olgim keldi. Shunchalar xursand edim. Qalbimdagi

shukrim Rohmanning Arshiga qadar eshitilib, go’yoki farishtalar xam

men bilan birga xursandchilik qilayotgandilar.

Bu Yanvar oyi juda ko’p mojarolarga to’la bo’ldi. Yana shu oydamiz.

Seyyid aka, yonimizda bir erkak mahram bo’lmay turib

ketolmasligimizni aytgandilar. Biz esa mahram qidirishga tushdik va

Toshkentdagi xolamning juftlari bilan birga borishga qaror qildik. Bir

necha kundan so’ng Seyyid akadan xabar keldi. Hujjatlarda ozgina

muammo bo’layotgan ekan. Kun sari qandaydir bir muammolar

chiqib kelayotgandi. Eng ohiri onam;

- Ketmaymiz, nasibamizda yo’q. Men charchadim.

Lekin men umidimni uzmadim. Yana ozgina sabr qilishimizni qayta-

qayta iltimos qildim. Onamni ko’ndirish juda qiyin bo’ldi. Men

sezayotgandim, Robbim meni ozgina qiynayotgandi. Unga yanada

ko’proq yolvorishimni istab, sabrimni juda qattiq sinadi. Va bu orada

Undan aslo umid uzulmasligi kerakligini xam o’rgatdi menga.

---

Yanvar oyining o’ninchi kuni.

Seyyid akadan qayta xabar keldi. Aslida men ularga tinmay yozib,

jonlariga tegdim. Onamni sabrlari esa tugab bo’lgandi. Seyyid aka

esa telefonda;

- Tayyorlaning. O’n to’rtinchi Yanvar kuni safar bor.

O’n to’rtinchi Yanvarmi? Atigi uch kun qoldi. Uch kun. Biz darxol

tayyorgarchiliklarga boshladik. O’sha kuni, yana Seyyid akadan

telefon keldi. Ular xar telefon qilganda qo’rquvdan yuragim

urishining ovozini eshitayotgandim;

- Samalyotda joy qolmadi.

Shu uch jumlani eshitib nafasim toxtab qoldi. Shu payt esa;

- Xazil, tezroq tayyorlaning. Safar ertaga.

Ertagami? Robbim, yuragim. Endi qarang. Bu xam bir mo’jiza

emasmi? Uch kun qanday o’tadi deya sabrsiz xolda o’tirgan paytim,

Robbim meni kuttirmadi va uch kun bo’lmasidan chaqirdi. O’n

to’rtinchi Yanvar kuni uchishi kerak bo’lgan samalyotda joy qolmadi

va biz o’n ikkinchi Yanvar kuni ketadigan bo’ldik.

Yanvar oyining o’n ikkinchi kuni. Xamma narsa tayyor. Aeraportga

bordik, ihromga kirdik. Seyyid aka bizni kuzatib yubordilar. Vaaa...

Jeddah shaxriga yetib keldik. U yerdagi aeraportni bir ko’rsangiz.

Pasport kontrolda faqatgina ayollar ishlar ekan, ularning barchasi

niqobda. Ko’rib juda xavasim keldi.

Jeddah shaxridan, Makka shaxriga yetib bordik va mexmonxonaga

joylashdik. Soat ancha kech bo’lib qolgandi. Bir necha soatdan so’ng

bomdod namozini o’qidik va Ka’baga borish uchun tayyorlandik.

Ah... Ka’bam...

Qanday go’zal yarashgan ko’ylaging senga.

Sog’inchim qalbimni tirnaydi Ka’bam.

---

Sen tamon borsam, seni tavof etsam.

Hajar ul Asvadni o’pib, xidiga to’ysam.

Ko’zlarim seni qidirar Ka’bam.

Sog’inchim qalbimni tirnaydi Ka’bam.

Biz qolayotgan mexmonxonaga bir necha daqiqalik masofada edi

Masjid al Haram. Yo’lda, ovozimni chiqarmay jimgina yig’lab ketdim.

Yo’q, yo’q. Bu yig’i emas daryo. Vaa... Yetib keldik. Oyoq qo’lim

qaltiragan xolda mashinadan tushdim. Xayajondan o’lib qolmasam

bo’ldi deya duo qilayotgandim.

Tilimdan to’kilayotgan Labbayklar qalbimga sanchilayotgandi.

Takbirlar, tavhidlar va hamdlar ila yurib borayotgandim qalbim

tamon.

Bilasizmi, Ka’bani ilk marotaba ko’rilganda qilingan xar bir duo

maqbuldir. Dunyo xayoti yoki ohirat xayoti uchun nimaki so’rasangiz,

Allah albatta qabul qiladi. Orada xech qanday parda bo’lmay turib,

xar bir iltijoga lutuf etadi.

Asta sekin yura boshladim. Qanot chiqarib, uchib borgim keldi.

Chunki yurishga kuchim qolmagandi. Oyoq qo’llarim yana xam

ko’proq qaltirayotgandi. Safa va Marva yo’lidaman. O’ng

tamonimdagi zinadan ikkinchi qavatga chiqdim.

- Zamzam ich Emina... dedi rahbar.

Icholmadim, tezroq Ka’baning chiroyi ila qalbimni huzurga

to’ldirishni xohlayotgandim. Qo’llarim bilan ko’zlarimni yumib oldim,

ko’z yoshlarimni ko’rishlarini xohlamayotgandim. Vaa... Keldim. Ko’z

yoshlarim jonimga tega boshladi chunki ulardan sabab nafas olishim

qiyinlashayotgandi.

Ko’zlarimni ochdim. Ka’ba qarshimda.

Allahu Akbar.

Umri davomida bir marotaba xam meva yemagan bir insonga uning

ta’mini qanchalar ta’riflasangiz xam, yeb ko’rmaguncha bilolmaydi.

---

Xozir, mening xam sizlarga Ka’bani ta’riflab berishim yetarli

bo’lmaydi.

Ka’ba.

Xaybatli, nurli, asolatli va muazzam. Juda o’zgacha bir chiroy bilan

qarshimda edi. Quyosh xuddi Ka’baning ustida turib nur

sochayotganchalik nurli edi Ka’ba. Qora rang qanchalar yarashgandi

unga. Ustida tilla iplardan yozilgan oyatlar, asmolar, duolar. Allah’im.

Ochdim qo’llarimni, qaltirashini ko’rsangiz. Nima deyishim kerak edi?

Duolarimni yodlagandimku. Barchasini unutib qo’ygandim.

Dunyodagi eng buyuk hamdlarni, shukurlarni taqdim etdim

Robbimga.

Kechir... Mana shu so’zni nechi marotaba takrorlaganimni

bilmayman. Juda ko’p duolarim bor edi. Lekin eslolmadim. Chunki

o’sha duolarimdan xam yanada go’zalroq duolar nasib etdi Robbim.

Yana bir necha so’zlar aytdim Unga, ular Robbim ila oramda bir sir.

Dunyo xayoti uchun xech narsa so’ramadim, chunki Ka’bani ko’rgan

zahotim vallahi dunyoni unutdim. Ohiratga bo’lgan sog’inchim o’sha

payt shiddat bilan boshlandi. Birinchi qavatga tushdik. Ka’ba tamon

borayotgandim. Tavof niyatini qildim va tavofga qo’shildim.

Ko’zimni Ka’badan uzolmayotgandim. Shunchalar xaybatli va baland

ediki, xayratim yanada oshdi. Men avval rasimlarda ko’rgan Ka’ba

emasdi bu. Xaybatini bir ko’rsangiz. Juda baland. Unga yanada

ko’proq yaqinlashishni istadim lekin, atrofida insonlar shunchalar

ko’p ediki, yetib borolmadim. Maqomi Ibrohim, hijri Ismoil

alayhimussalom. Ularni ko’rmadim xam, chunki ko’zimni Ka’badan

uzolmayotgandim. Juda yaqin edi menga. Lekin qo’llarimni

uzatolmadim.

Tavof tugadi. Sa’y vaqti keldi. Xuddi men Ka’bani butunlay tark

etayotgandek bo’ldim. Tavof Namozini o’qib, zamzam ichdim. Yana

ikkinchi qavatga chiqdim. Safa va Marva. Sa’y boshlandi. Xuddi

qayergadir shoshib ketayotgandim. Yonimda onam va Ali. Atrofimda,

insonlar keltirayotgan takbir va tavhid sadolari. Tavakkul, taslimiyat

va xar bir yo’limda zamzam.. Qalbim shunchalar xursand ediki,

jo’shib bayram qilayotgandi. Uning xar bir zarrasida gullar

---

ochayotganini sezardim. Xidlari ruhimni o’rab olayotgandi. Sa’y xam

tugadi va ihromdan chiqdim.

Shunday qilib, birinchi umramiz tugadi. Mexmonxonaga qaytib, bir

oz dam olgandan so’ng tahorat yangilab, Masjid al Haramga yana

qaytdik. Ka’ba xovlisiga kirgach, yana u tamon bordim. Uning atrofi

odamlar bilan to’la edi.

- Qanday qilib yetib boraman unga? dedim va tinmay;

“La havla va la quvvata illa billahil aliyyil aziym..” deya boshladim.

Shu payt odamlar menga yo’l ochib berayotgandi.

Va... Ka’bam meni bag’riga bosdi. Uning asolati oldida shunchalar

ojiz edimki, uyalgan xolda unga qo’llarimmi uzatdim. U juda muzdek

sovuq va undan mushkambar xidlari kelayotgandi. O’pdim, tinmay

o’pdim. Xaybatini ta’riflashga til ojiz. Xidiga to’yolmadim.

Men Ka’baning xaybatini, asolatini va go’zalligini ko’rgach

shunchalar xayratlanib, uning qarshisida ojiziyatga ko’milgan

bo’lsam, Ka’baning sohibi bo’lgan, Robbimning huzuriga chiqgach

qanday ahvolda bo’laman? Ka’baga shunchalar muazzam go’zallik

bergan Allah, O’zi qanchalar go’zaldir? SubhanAllah.

Ertasi kuni, yana bir mo’jiza.

Ka’baning eshigi tagiga borishga niyat qildim. Yetib borish

shunchalar qiyin ediki, qo’llarimni xuddi Robbimga uzatib,

yetolmayotgandim. Orqaga qaytdimmi? Yo’q albatta. Yarim soat

o’tdi, bir soat o’tdi va yetib bordim. Juda qiyin edi, chunki atrof

odamlar bilan to’la. Va men endi eshik tagida edim. Ta’rifiga

ojizman, meni ma’zur ko’ring. Robbimning, uyining eshigi edi bu.

Qanday ta’riflashim mumkin?

- Jim, bu safar qalbim gapirsin... dedim tilimga. Ortimda, gunohlarim,

Namozsiz va hijobsiz o’tgan kunlarim. Qaramadim ularga, chunki

nafratlanayotgandim;

---

- Siz meni o’zingizga asir qilsangiz xam, Robbim meni qabul qildi...

dedim.

Bir necha kundan so’ng o’zimda qandaydir bir og’irlik seza

boshladim. Bu nimasi endi? Badanimdagi mana shu og’irlikni xech

kimga tushuntirib berolmadim. Kimdur oyog’imdan sudragan xolda

Ka’badan uzoqlashtirayotgandi meni. Kim edi bu? Shaytonmi? Yoki

Nafsim?

Kim bo’lsa xam menga juda og’ir azob bera boshladi. Ibodatga kuch

topolmay qoldim. Tinmay yig’layotgandim. Odamlar kuniga ellik

marotaba tavof qilayotgandilar Ka’bani. Menchi? Chidashga kuchim

qolmadi;

- Robbim unday qilmagin. Menga yordam bergin, bu yuk og’ir.

Kuchim yo’q. Bu yer Sening uyingku. Yana o’sha eski g’aflatimga

qaytyabmanmi? Rahm qilgin Allah’im. Rahm qilgin.

Yana bir necha kun o’tib, Ka’ba xovlisida bir o’zim o’tirayotgandim.

Ka’ba va men. Boshqa xech kimni va xech narsani ko’rmayotgandim.

Bir qiz yonimga kelib, meni o’zimga keltirdi;

- Yig’lama... dedi qo’llarimdan ushlab. Va ko’z yoshlarimni artdi.

Tabassum qildim. Turk ekan, juda chiroyli. Taxminan, men bilan

teng yoshda edi. Tanishmadik. Menga tabassum qilib, Ka’ba tamon

ketdi. Aslida ovozim xam chiqmayotgandi, faqatgina yosh

to’kilayotgandi ko’zlarimdan. Shu payt shunday kuchli bir tavba

qildimki, bu tavbamni ko’rgan ikki dushmanim ortga qaramay

mendan qocha boshladilar.

Qutildimmi ulardan? Yo’q. Ulardan dunyo xayotida qutilib bo’lmaydi.

Lekin, endi ular qarshisida yanada ko’proq kuchga to’la Emina bor

edi. Endi ularga taslim bo’lmaslik uchun Robbimga, baytining

huzurida va’da berdim.

Xato qilgan bir qul, avvallari xatosini tushunib yetmaydi. So’ngra,

Allah azza va jalla unga jazo yuboradi. O’sha xatoni qayta

---

takrorlamasligi uchun. Bu faqatgina Allah tamonidan sevilgan qullar

uchun bir ne’matdir.

Eng qizig’i, Allah meni sevadimi? Buni ko’p marotaba o’yladim. Va

javob topdim;

Agar sevmasa, O’zidan uzoq va dunyoga yaqin qilardiku. Men esa

kun sari dunyodan yana xam ko’proq nafratlanayotgandim. Avvalgi

xayotim ko’zimga juda jirkanch ko’rinardi.

- Mayli, muhimi tavba qildim. Eslashning bir foydasi yo’qku.. derdim;

Bir insonga, tavba qilganidan so’ng o’tmishidagi gunohlarini

eslatmang. Tavba qilgan bo’lsa, Allah albatta kechiradi. Agar Allah

uni kechirgan bo’lsa, gap tamom. Sizning eslatmangiz shunchaki

o’zingizga zarar bo’lib qoladi.

Allah va qulining orasiga kirish eng katta xatodir. “Avval kim eding?”

deyish xam. Muhimi avval kim bo’lgani emas, xozirda kimligi xam

emas. Muhimi qabrga kim bo’lgan xolda kirishidir.

Ka’badagi Namozlarim.

Buni ta’riflashning mumkunoti yo’q. Azon ovozi, shunchalar go’zalki,

go’yoki Hazrati Bilolning ovozlaridan eshitayotgandim. Bu ta’rifsiz

tuyg’u. Mayin esayotgan shamol yuzlarimni, ro’molimni va

ko’ylagimni silab, atrofimni o’rab olayotgandi. Shu shamolga

qo’shilayotgan, Ka’ba imomining;

“Allahu Akbar...” sadosi. Ka’ba xovlisida va tashqarisida nechi

mingta odam bor bilmayman. Lekin, imomning birgina takbiri ila xar

biri xuddi Allah’ning askarlari kabi bir tekisda terilib qiyomda

turardilar. Va yana “Allahu Akbar...” sadosi ila rukuga, sajdaga

borardilar. Imom qayta takbir keltirmaguncha sajdadan bosh

ko’tarmasdilar. Ular orasida men xam borman. Xattoki farishtalar

xam bor, ba’zilari inson qiyofasida, ba’zilari Ka’ba atrofida

uchayotgan qush qiyofasida va ba’zilari esa ko’rinmayotgandi.

Farishtalar bilan birga Namoz va Ababil qushlarini bir ko’rsangiz,

tinmay Ka’bani tavof qilayotgandilar.

---

Men bundan avval ko’p marotaba masjidlarda jamoat ila Namoz

o’qigandim lekin, bunchalar ko’p jamoatni ko’rmagandim. Va u

masjidlar, Masjid al Haram emasdi.

Seyyid aka bilan birga yana bir marotaba umra qildik. Sa’y

qilayotganda javshan o’qiyotgandik. Baland ovozimiz bilan tinmay

Allah’ning go’zal isimlarini takrorlab, masjiddagilarning e’tiborini

tortayotgandik. Tabassumlarini bir ko’rsangiz.

Seyyid aka bizga, bo’lgan bir voqeani aytib berdilar;

Usmoniylar davrida, taom tayyorlashi uchun bir askarga go’sht olib

kelishini buyurdilar. Askar go’sht olgani bordi va oldi.

Qaytayotganda, ko’zi Ka’baga tushdi. Qarasa, Ka’baning atrofi tanho;

Shu Ka’bani bir tavof qilay.. deb tavofga boshladi. Tavof tugagandan

so’ng Namozini o’qib, yo’lida davom etdi. Borib, go’shtni oshpazga

berdi. Oshpaz esa, go’shtni bir qozonga qo’yib, tagini yoqdi. Bir

qancha vaqt o’tdi, qarasa go’sht pishmayabdi. Yana kutdi. Qarasa

yana o’sha axvol. Kutdi, kutdi yana kutdi. Go’shtda xech qanday

o’zgarish yo’q edi. Eng ohiri boshliqqa xabar berdi.. Boshliq boyagi

askarni chaqirtirib go’shtni olgandan so’ng nima qilganini so’radi.

Askar esa;

⁃

Go’shtni olib qaytayotganimda Ka’ba tanho edi. Bir tavof qilib

keyin ketaqolay dedim. Go’shtni quchoqlab, tavof qilib, Namozimni

o’qib qaytdim. Boshqa xech narsa qilmadim.

Boshliq xayratlandi va ko’z yoshlari bilan;

⁃

Qarang! Allah azza va jalla, Ka’bani tavof qilgan jonsiz bir

go’shtni xam olovda yoqmadi.

Shunday ekan, uni tavof qilgan bir insonni Jahannam olovida

yoqadimi?

Sezdim, etlaringiz jimirlab ketdi a?

Arofat. Jabal ar Rohmah. Rohmat tog’i.

---

Hazrati Odam va Hazrati Havva alayhimussalom Jannatdan

chiqarilgach, bir muddat birbirlaridan uzoq qolib va nihoyat mana

shu yerda uchrashgandilar. Hazrati Odam alayhissalom mana shu

yerda tavba qilgandilar Va mana shu yerda qabul bo’lgandi tavbalari.

Tog’dagi toshlarga ko’zim tushdi. Xar biri juda katta va Hazrati

Odamning zamonlaridan buyon o’sha yerda edi.

Bir necha kundan so’ng, yana bir mo’jiza. Men, Allah’dan kelgan xar

bir ne’matni mo’jiza deb bilaman.

Vaqtida, menga bir Hiro kerak va Abubakr siddiq radiyallahu anhu

kabi sodiq bir do’st degandim. Hiromni topdim, do’stim esa Allah.

Endi, do’stim bilan birga Hiro tamon yo’l oldik. Kechki payt, soat

sakkiz yarim. Xayajonim yanada ortdi. Yuqoriga chiqgach, xuddi

Payg’ambarimni ko’rib qoladigandek xayajon ila ketayotgandim.

Yetib keldik. Sodiq do’stim, onam, Ali va men.

Qarshimda Jabal an Nur. Nur tog’i. Xaybatini ko’rib, xayratim

yanada oshdi. Xammayoq qorong’u. Toshdan zinalar qilingan.

Tog’ning balandligi 642 m. Hiro esa, mana shu tog’ning eng tepasida

joylashgan bir g’or. Basmala bilan boshlab, asta sekin chiqa

boshladim. Zinalar xam oddiy zina emas, xar biri ancha baland.

Yo’lning yarimiga kelgach, o’tirib ozgina tafakkur qildim. Makka

qarshimda, bir narsani o’ylay boshladim. Men atigi yigirma yosh

bo’la turib, chiqishda shuncha qiynalayotgan bo’lsam,

Payg’ambarim sallallahu alayhi va sallam va Hazrati Xadicha

radiyallahu anha qanday chiqishgan? Va ular zamonida zina xam

bo’lmagan.

Yetib keldim. Hiro. Makkalik mushriklardan qochib, doim shu g’orga

kelardilar Sarvari olam sallallahu alayhi va sallam. Xattoki bir necha

oylab qolardilar. Xadicha radiyallahu anha esa, ularga doim yegulik

olib kelardilar.

Yil melodiy 610. Koinotning Fahri qirq yoshdalar. Nur, sukut ichida.

Mayin shamol. Birinchi vahiy kelishiga ozgina qolgandi. Kim olib

kelayotgandi u vahiyni? Albatta, Jibriyl. Ruhul Qudus. Ruhul Amiyn.

---

Ruhul Haq. Namusu Akbar. Allah’ning vahiy elchisi Jabroil

alayhissalom. Juda sevinchli edi Jibriyl. Koinotning Fahri, Allah’ning

Habibi, so’ngi Payg’ambar Muhammad Mustafo sallallahu alayhi va

sallam ila uchrashgani kelayotgandi.

Va... Go’zal bir inson qiyofasida keldi..;

- O’qi!

Nur Nabiyni qo’rquv va xayrat o’rab oldi. Qalblari titrayotgandi;

- Men o’qishni bilmayman... dedilar.

Ummiy edilar Fahri koinot sallallahu alayhi va sallam. O’qish va

yozishni bilmasdilar. “Onadan yangi tug’ilgandek...” deganidir

Ummiy.

Hazrati Jibriyl esa ularni qattiq quchoqladi va siqib qo’yib

yuborgandan so’ng takroran;

- O’qi! dedi.

Fahri koinot sallallahu alayhi va sallam takror;

- Men o’qishni bilmayman... dedilar.

Jibriyl ularni takror quchoqladi va siqib qo’yib yubordi;

- O’qi!

Bu safar Fahri koinot sallallahu alayhi va sallam;

- Men o’qishni bilmayman, ayt nima o’qishim kerak? dedilar.

Shundan so’ng sharafli farishta Jibriyl, Alaq surasining oyatlarini

ohiriga qadar o’qidi;

---

- Yaratgan Robbing nomi bilan o’qi! U insonni alaqdan yaratdi. O’qi!

Va Robbing eng karamlidir. U, insonga qalam bilan yozishni

o’rgatgandir.

Mana shu oyatlarni Fahri koinot sallallahu alayhi va sallam xam

takrorladilar. Hayajon va qo’rquv orta boshladi. Endi, nozil bo’lgan

mana shu oyatlar, Allah Rasulining tillariga va qalblariga joylashib

olgandi. Hazrati Jibriyl esa vazifasini bajargandi va shu payt birdan

g’oyib bo’ldi.

Hironing toshlariga qo’lim tekganda, qandaydir ajoyib xayajon

sezdim. Chunki bu toshlar o’zgarmagandi, Payg’ambarimning

qo’llari tekgan toshlar. Hiro esa, juda tor bo’lishiga qaramay

o’zgacha huzur berayotgandi. Atigi ikki kishi sig’adiganchalik kichik.

Biz Hiroga chiqganimizda, faqatgina ikki, uch kishi o’tirgandi.

Qaytishimizda esa, odamlar kelishini bir ko’rsangiz. Aslida u yer

doim odamlar bilan to’la bo’lib, Hiroga kirish uchun avval navbatga

turish kerak ekan. Biz chiqganimizda esa, yuqorida aytib

o’tganimdek ikki, uch kishi bor edi va xech qanday navbat xam

kutmadik. Bu xam bizga Allah’dan bir lutuf edi.

Yana Ka’bada bir kunim. Seyyid aka bir idishda to’la ajva olib keldilar

bizga. Juda barokatli ekan qolganini Haramdagilarga tarqata

boshladim. Bir joyda turdim. Odamlar o’zlari kelib olayotgandilar.

Xayratlandim. Ajva shunchalar barokatli ediki, tugamayotgandi. Shu

payt bir Sheyh;

- Ya Haji! dedi.

O’girilib salom berdim. Ajvadan bir dona oldi va cho’ntagidan bir

qog’oz chiqarib berdi. Ochib qaradim va faqatgina menga bergani

meni xayratga soldi. Qog’oz ichiga, uch ayol surati chizilgan. Go’yoki

ulardan ikkisi hijobda. Lekin eng ohiridagi ayol. Ko’zlari xam

ko’rinmayotgandi. Qog’ozda, Allah buyurgan hijob aslida qanday

ekanligi yozilgandi. Va shu surat bilan ko’rsatilgandi. Bu menga bir

ishora emasmi? Robbim hijobimdan rozi emas. Tushundim Allah’im,

Sen nima desang shu.

---

Ka’ba qarshisida o’tirgandim, bir payt baland bo’yli, xaybatli, oppoq

kiyimda, uzun soqolli bir inson oldimdan o’tdi. Taxminan ellik

yoshlarda bo’lsa kerak. Lekin qaddi tikka va bo’yi juda baland.

Yuzida juda o’zgacha tabassum. Ko’zimni undan uzolmadim. Qo’lida

bir xassa, atrofidagilar bilan quchoqlashib salomlashayotgandi.

Ko’zimni undan uzolmaganimni sababi, u inson shunchalar

go’zaldiki, vaxima qilmay aytaman, undan nur taralib turardi. Yuzlari

xam oppoq va nurli edi. Buni aytishimdan sabab, Allah ba’zi

insonlarga shunday bir chiroy beradiki, ularni ko’rgach xuddi men

kabi xayratlanib qolasiz. Buning sababi, Allah’ga bo’lgan chin sevgi

va taqvo. Shu ikkisi insonning qalbini xam, tashqi ko’rinishini xam

shunchalar o’zgartirib yuboradiki, unga qaragach Allah’ni eslaysiz.

Ka’ba bilan xayrlashish vaqti keldi.

Bu orada menda bir o’zgarish bo’ldi. Bir tamondan xayajon, bir

tamondan esa sevinch. Seyyid aka mendan niqob taqishimni iltimos

qildilar, Umra safarimiz tugagunga qadar.

Taqdim va menga juda yoqdi. Aslida Istanbuldaligimda xam taqib

ko’rgandim. O’sha payt xam juda yoqgandi. Va shu niqobimni olib

kelgandim Makkaga. Vaqtinchalik taqdi deb o’yladilar Seyyid aka.

Lekin vaqtinchalik emas, butunlay taqgandim. Niqobim bilan birga

Ka’ba tamon yo’l oldim. Makkada ohirgi kunimiz. O’n birinchi kun.

Shu o’n bir kun ichida, Hajarul Asvadga yaqinlashish uchun qilgan

xarakatlarimni tasavvur xam qilolmaysiz. Odamlar unga yetib borish

uchun birbirlarini urib, itarib yuborayotgandilar. Seyyid aka

aytgandilar;

- Hajarul Asvad oldiga boraman deb jonidan ayrilganlar xam bor.

Unga yetish mana shunchalar qiyin edi. U shunchaki bir tosh lekin,

Jannatdan keltirilgan tosh. Kim olib kelgan uni? Albatta, Ruhul

Qudus Hazrati Jibriyl. Vaqtida uni kim o’pgan? Albatta, Fahri koinot

sallallahu alayhi va sallam. So’ngra? Sahobalar. So’ngra? Avliyolar.

---

O’n bir kun ichida bir marotaba xam yetib borolmagandim unga. Bir

marotaba xam tegolmagandim, bir marotaba xam o’polmagandim.

Alini qanchalar yig’laganini bir ko’rsangiz;

- Allah’im iltimos bir marotaba qo’limni teqqizay, bir marotaba

o’pay. Atigi bir marotaba... deya rossa yig’ladi.

Eng ohirgi kun, bomdod vaqti. Yonimda onam va Ali. Bomdod

Namozidan so’ng, barcha erkaklarni Ka’ba oldidan uzoqlashtirib,

ayollarni chaqirdilar. Namoz vaqtida ayollar yaqinlashishi mumkin

emas. Ular Namozni tepada o’qirdilar, erkaklar esa Ka’ba atrofida.

Xullas, Ka’ba oldida navbatda turibmiz. Bir yarim soatdan so’ng...

Atigi uch soniya. Uch soniya ichida unga tegdim va o’pdim. Alining

xayajonini ko’rsangiz. Hajarul Asvadga bo’yi yetmay qoldi. O’sha

yerdagi bir askar Alini ko’tardi va Ali xam nihoyat uni o’pdi. Bu xam

bir mo’jiza. Bu baxtni, ohirgi kun nasib qilgandi Allah bizga. Xar bir

go’zallikning o’z vaqti bor;

Gul o’z vaqtida ochgani kabi. Quyosh va Oy o’z vaqtida chiqgani kabi.

Daraxtlar o’z vaqtida meva bergani kabi.

So’ngi tavof, so’ngi Namoz. Ko’zimda yosh. Qalbimda og’riq. Buni

ta’riflashning iloji yo’q.

Habibim tamon.

Ertasi kuni Madinaga yetib bordik. Ko’zlarim yashil qubbaga tushdi.

Yana o’sha xayajon, yana o’sha titroq va yana o’sha yig’i. Xattoki

yana xam ko’proq. Va ko’z yoshlarim niqobim tagidan

suzilayotgandi. Qalbimda tinmay salotlar va salomlar.

Mexmonxonaga borib, tahorat yangilab, Masjid tamon yurib

borayotgandim. Atrofni tozaligiga va xavoga juda xayron qoldim. Bu

tozalikni, sukutni, xuzurni va xavoni Makkada uchratmagandim.

Ka’bada emas, Makkada! Ka’baning go’zalligi juda o’zgacha.

Makkada Abu Jahil, Abu Lahab kabi Ummatning firavunlari yotardi.

Shuning uchun u yerning ko’chalarida bunday xuzur yo’q edi.

Madinadachi? O’n ming sahoba shu yerda. Fahri koinot sallallahu

---

alayhi va sallam xam shu yerdalar. Shundan sabab Madina juda

o’zgacha bir xuzurga, tozalikga va sukutga ega edi.

Xech qanday shovqin yo’q. Faqatgina qush va shamol ovozi.

Habibini bezovta qilmasliklari uchun, Allah butun Madina aholisiga

sukutni buyurgandi go’yo. Vaa... Keldim. Yashil qubbaning

tagidaman.

Assalamu alayka ayyuhannabiyyu va rohmatullahi va barokatuhu.

Ya RasulAllah! Ya HabibAllah! Ya NabiyyAllah! Ya SafiyyAllah! Ya

Nura Arshillah! Ya Zayyanahullah! Ya Imamal Muttaqiyn! Ya Sayyidal

Mursalin! Ya Shafial Muznibin!

Ya Rasula Robbil alamin!

Kunlardan Juma. Madina va Masjid al Nabaviy juda go’zal. Men

baxtliman. Boshqa qanday ta’riflashim mumkin? Eng go’zali esa,

Fahri koinot ila oramda juda ozgina masofa bor. Tezroq ichkariga

kirib, vaqt tohtab qolishini istayotgandim. Afsuski, ayollar faqat

kechki payt kirishi mumkin ekan. Ungacha men nima qildim? Vaqt

o’tmayotgandi. Masjid ichida bir u tamonga, bir bu tamonga

yurayotgandim. Juma namozi, Juma hutbasi. Xayolimda faqat bir

narsa. Tezroq Jannat bog’iga, Payg’ambarimning yonlariga kirishim

kerak va shuni o’ylab imomning hutbasini xam eshitmayotgandim.

Bir u yerga bordim, bir bu yerga bordim vaqt tezroq o’taqolmadi.

Masjid katta bo’lishiga qaramay men xech qayerga

sig’olmayotgandim. Tashqaridan qaragach, qalban nima

yashayotganim xech xam sezilmayotgandi. Masjid al Haramda va

Masjid al Nabaviyda yashagan xissiyotlarimga faqatgina Allah va

qalbim guvoh. Va shu xissiyotlarimni so’zlar bilan ta’riflab

berolmayabman sizlarga.

Bu aytib berganlarimni o’qigach qanchalar xayajonlandingiz a?

Xattoki ko’z yoshlar bilan o’qib, qalbingizda sog’inch paydo bo’ldi.

Lekin menchi? Meni sog’inchim siznikidan xam ko’proq. Chunki u

yerlarga bormagan inson bir borsam deydi, bir borgan esa ming

borsam deydi.

---

Afsuslarim ko’p. Qani edi, shu bir ikki soatlik uyquga xam

ketmasdan, shu bir ikki soatlik vaqtimni xam Allah’ga, Ka’baga va

Payg’ambarimga sarflasam edi. Sog’inchim qanchalar azob

berayotganini bir bilsangiz.

Allah’ga bo’lgan sevgi juda o’zgacha. Agar U qalbingizga kirsa,

Undan o’zgasiga joy qolmaydi. Qolganlarni esa faqatgina Uning

rizosi uchun sevasiz. Lekin bir qalbda ikki sevgi bo’lmaydi. Axir Uning

rashki bor. Uni sevib qolganingizni qayerdan bilasiz aytaymi?

“Allah..” Mana shu isimni eshitgach qalbingiz titraydi va qalbingizga

qo’shilib butun badaningiz sizga bo’y sunmay qoladi. Uning

oyatlarini eshitgach, ko’z yoshlaringizga hukim berolmaysiz. Tohta

desangiz xam tohtamaydilar. Qalbimga bir o’q kabi sanchilgan

so’zlarni aytaymi?;

“Ey Jannat ahli, sizga salomim bo’lsin.

Qani? Qani Meni ko’rmay turib Menga iymon keltirgan qullarim

qayerda? Qani? Meni ko’rmay turib Menga muhabbat ila

bog’langan qullarim qayerda?”

Mana shu so’zlar qachonki xayolimga kelsa, ko’z yoshlarim bo’y

sunmay qoladi menga. Mana shu so’zlar qachonki xayolimga kelsa,

Robbim Jannatda mana shu so’zlarni aytayotganda, shu Jannat ahli

orasida men xam bo’lamanmi deyman. Va umidimni uzmay,

so’rayveraman.

Qizlardan salot va salom yig’gandim. Mana shu salot va salomlarni

yetkazishim kerak. Albatta, ular keltirgach Allah yetkaza oladi,

masofaga qaramay. Lekin men ularning salomlarini yanada

yaqinroqdan yetkazishni xohladim.

Kechki payt, masjid ichidamiz. Ayollarni ko’pligini ko’rsangiz.

Chaqiruvni kutyabdilar. Ular orasida men xam borman. Men xam

o’sha chaqiruvni kutayotgandim. Vaa.. O’sha chaqiruv keldi.

Payg’ambarim tamon yugurib ketayotgandim. Yana niqobim tagidan

---

suzilayotgandi yoshlarim. Xayajondan qalbim toxtab qolishidan

qo’rqayotgandim. Masjid juda katta. Vaaa... Jannat bog’iga keldim;

“Uyim va minbarim orasi, Jannat bog’laridan bir bog’dir va

minbarim Jannat bog’larining ustidadir.”

Jannat bog’i. Yashil gilam. Allah’im!!! Qarshimda esa Rasulimning

minbarlari. Eng go’zali esa, chap tamonimda, qalbimga yaqin

xoldalar Rasulim. Allahumma solli a’la Sayyidina Muhammadiv va

ala ali Sayyidina Muhammad.

Ishoning, nutqim tutildi. Go’yoki vaqt toxtab qoldi men uchun.

Ovozim chiqmay qoldi. Faqatgina qalbim gapirayotgandi. Hamdlar,

shukurlar, salotlar va salomlar. Omonat qilib olgan salot va

salomlarimni xam yetkazdim. Barcha din birodarlarim uchun duo

qildim. Ayollar shunchalar ko’pki, Namoz o’qishga joy yo’q. Bu yerda

Namoz o’qish. Eng katta orzularimdan biri. Chunki bu yerda,

Payg’ambarimning yonlarida Namoz o’qish, Jannatda o’qish kabidir.

Chunki u yer Jannat bog’laridan bir bog’dir. Sahobalarning xam

peshonalari tekgan edi bu yerga. Allah’im...

Yo’lim ochildi, Namozga boshladim. Ko’zlarim negadur olov kabi

yonayotgandi. Bu ko’z yoshlar jonimga tega boshladi. Bunga

ishonasizmi yo’qmi, men eshitdim;

- Xush kelibsan qizim..

Allah’im.. Bu qanday baxt? Bu qanday lutuf? Loyiqmanmi bunga?

Ortimda shuncha gunoh bo’la turib, qanday keldim bu yerga? Men

nima qildim Allah’im? Bu baxtga loyiq bo’lish uchun nima qildim?

Xech qanday yaxshilik qilmadimku. Xech qanday bir solih amalim

yo’qku. Qanchalar mexribonsan Allah’im. Sen uchun xech qanday

fidokorlik qilmagan menga, eng buyuk ne’matlarni berding. Ojizman

Allah’im. Mana shunchalar ojizman qarshingda.

Endi mendan baxtli inson yo’q edi bu dunyoda. Go’yoki qanot

chiqarib uchayotgandim osmonda;

---

“Emina! Gunohlardan uzoqlash.

Dunyo ila orangga, Rohmanning Arshichalik masofa qo’y. Haddingni

bil. Ojiziyatingni bil. Robbingning mana shu ne’matlarini aslo

unutma. Jannat tamon intil. Robbing tamon intil. Habibing tamon

intil. Aslo aldanma. Nafsingga yengilma. Al Vadud bo’lgan Robbing

uchun kurash. Ehtiyorlaringni tark et. Al Hamid bo’lgan Robbingni

ulug’la. Va sabr qil. Xar bir zarrangni yaratgan Robbing xurmati sabr

qil. Robbing Al Qayyum’dir. Robbing As Somad’dir. Robbing Al

Qadir’dir. Rohman va Rohiym’dir. Seni aslo tashlab qo’ymaydi. Sen,

mana shu zolim dunyoning foniy ekanligini va shu zolim dunyoda

shunchaki bir inson ekanligingni aslo unutma.

Seyyid aka bilan birga yo’lga chiqdik.

Qarshimda Jabal Uhud. Uning Fahri koinotga bo’lgan muhabbati

juda o’zgacha edi;

Bir kuni Habibullah sallallahu alayhi va sallam, Hazrati Abubakr

Siddiq radiyallahu anhu, Hazrati Umar radiyallahu anhu va Usmon

radiyallahu anhu bilan birga Uhudga bordilar. Uhud ularning

tashriflariga suyunib, tebrana boshladi. Shunda Fahri koinot;

“Tinchlan ey Uhud! Ustingda bir Payg’ambar, bir Siddiq va ikki

shahid bor..” dedilar.

Mushriklar bilan qilingan ikkinchi jihod, Uhud tog’ining etagida

jarayon etgandi. Mujohidlar jang qilayotganda, Uhud ularning

orqalarida, ularni ximoya qilayotgandi. Mushriklarning zarbalaridan

sabab Fahri koinotning muborak tishlari shahid bo’ldi. Lablari va

yuzlari xam yaralandi. Sarvari olam sallallahu alayhi va sallam

Uhuddagi bir toshning ustiga chiqishga harakat qildilar, lekin

kuchlari qolmagandi. Shu payt Hazrati Tolha radiyallahu anhu egildi.

Uning yelkasiga bosib toshning ustiga chiqdilar Fahri koinot va;

“Tolhaga Jannat vojib bo’ldi..” dedilar.

“Allah yo’lida qatl qilinganlarga o’liklar demang...” oyati xam Uhud

shahidlari uchun nozil bo’lgandi.

---

Ali Imron 169-170

Va bir hadislarida Fahri koinot sallallahu alayhi va sallam;

“Allah’im! Quling va Rasuling ularning shahidliklariga guvohlik

beradi. Ular xam, qiyomat kuniga qadar kim o’zlarini ziyorat qilib,

ularga salom bersa unga muqobala qiladilar..”

Hazrati Hamza radiyallahu anhu va Musab bin Umayr radiyallahu

anhu’ning qabrlariga ko’zim tushdi. Yanada xayajonlandim. Juda

o’zgacha bir baxt bu. Ko’z oldimga Hazrati Hamzaning va Hazrati

Musabning qanday og’ir ahvolda shahid bo’lganliklari kelayotgandi.

Xar biri yozilgandi o’sha kitobimda va xar birini xayrat bilan

o’qigandim.

Quba masjidiga bordik. Islom tarixining ilk masjidi. Qurilishida Fahri

koinot sallallahu alayhi va sallam xam mexnat qilgandilar. Bu

masjidning fazilati haqida Sarvari olam sallallahu alayhi va sallam;

“Xar kim uyida chiroyli poklanib, tahorat olib, Quba masjidiga kelib

ikki rak’at Namoz o’qisa, unga bir Umra savobi berilur..”

buyurgandilar.

Rivoyatlarga ko’ra bu Namoz shanba kuni o’qilgan Namozdir. Seyyid

aka so’radilar;

⁃

Bugun nima kun?

⁃

Shanba..

⁃

Allahu Akbar.

U yerdan chiqib, Qiblatayn masjidiga bordik, ikki qiblali masjid. Bir

kuni shu masjidda Sarvari olam sallallahu alayhi va sallam, sahobalar

bilan birga Namoz o’qiyotganlarida, go’zal yuzlarini Ka’ba tamon

burdilar. Chunki shu payt Baqara surasi 144-oyat nozil bo’lgandi;

---

“Yuzingni tez-tez samoga burilayotganini albatta Biz ko’ryabmiz.

Seni, o’zing rozi bo’lgan qiblaga qaraturmiz. Endi, yuzingni Masjid al

Haram tamon bur. Qayerda bo’lsangiz xam, yuzingizni u tamon

buringiz.”

Atigi ikki kun qoldik Madinada. Menimcha, bir oy qolsam xam

to’yolmasdim. Ikki kun ichida to’yolmaganim tabiy xol. Men

tushimdagi eshikni ko’rolmadim. Chunki ayollarning joyi alohida edi.

Eshik esa, erkaklar tamonida. Shundan sabab xam tinmay

yig’layverdim. Qayta, qayta Allah’dan so’rayotgandim, o’sha eshikni

menga ko’rsatishini. Sababini bilmayman, juda ko’rgim keldi.

Madinada ohirgi kunimiz va xufton Namozi vaqti. Aliga telefonimni

berdim va ichkariga kirgach o’sha eshikni men uchun videoga

olishini aytdim. Namoz tugadi va chiqdik. Ali xam keldi;

- Opaa! Videoga olish mumkin emas ekan. Lekin men oldim va xech

kim xech narsa demadi..”

Xursandligimni ko’rsangiz. Oldim va ko’rdim. Xuddi tushimdagi eshik.

Yoshdan sabab ko’zim ko’rmay qoldi. Bir tamondan kulib, bir

tamondan yig’layotgandim. Yashil qubba tagidaman. Bir eshikga, bir

qubbaga qarab kulayotgandim. Robbim yana xursand qilgandi meni.

Yana eng ohirgi kunga saqlab qo’ygandi bu niyatimni xam. Ortimga

qaragan xolda ketayotgandim. Xuddi qalbimni, joyidan yulib, qubba

tagida tashlab ketayotgandim. Bu eng og’ir xayrlashuv... Lekin

qandaydir bir ovoz;

“Xafa bo’lma. Yana albatta kelasan..” deyayotgandi.