Қайта тайёрлаш ва уларнинг малакасини ошириш

 
Натижаларни қайта ишлаш ва изоҳлаш:
1) Барча жумлаларга қўйилган балларнинг йиғиндиси топилади (80 - энг 
юқори кўрсаткич, 10 – энг қуйи кўрсаткич); 2) ҳар бир жуфтлик бўйича барча 
иштирокчилар тўплаган ўртача баллар ҳисоблаб чиқилади (ҳар бир жуфтлик 
бўйича барча иштирокчиларнинг баллари ўзаро қўшилиб, йиғиндиси 

---

188 
иштирокчилар сонига бўлинади); 3) ўртача балларнинг бандлари ўзаро 
бирлаштирилиб чиқилади (ҳосил бўлган эгри чизиқ иштирокчилар гуруҳдаги 
психологик иқлим ҳақида қандай фикрда эканини акс эттиради) 
Эслатма:
Гуруҳнинг умумий кўрсаткичларини ҳар бир иштирокчининг 
кўрсаткичлари билан солиштириш орқали гуруҳдаги ижтимоий – психологик 
иқлимга ноадекват юқори ѐки паст баҳо берувчи синалувчиларни аниқлаб олиш 
мумкин. 
Методика манбаси: Ратанова Т.А, Шляхта Н.Ф. Психодиагностические методы 
изучения личности: Учебное пособие. – Переработанное и дополненное издание пособия 
Т.А.Ратанова, Л.И. Золотарева, Н.Ф.Шляхта «Методы изучения и психодиагностика 
личности» - М.: Мсосковский психолого – социальный институ: Флинта, 1998. 101 – 102 
бетлар
Мулоқотчиликнинг умумий даражасини аниқлаш
сўровномаси 
Мазкур сўровнома В.Ф.Ряховский томонидан ишлаб чиқилган бўлиб, 
мулоқатчанликнинг умумий даражасини аниқлаш мақсадида қўлланади. 
Синалувчига кўрсатма: «Сизнинг эътиборингизга бир қатор оддий 
саволлар хавола этилади. Сиз уларга «ҳа», «йўқ» «баъзида» деб жавоб 
қайтаришингиз мумкин. Саволларга тез, кўп ўйламай жавоб беришингиз талаб 
этилади». 
Саволлар
1. Сизни оддий ѐки иш билан боғлиқ учрашув кутиб турибди. Учрашув 
вақтини кутиш сизни асабийлаштирадими? 
2. Сизга бирор мажлис, анжуман ѐки шу каби бошқа тадбирда нутқ сўзлаш, 
маъруза ўқиш, ахборот етказиш топширилса, бунда халоватингизни йўқотиб, 
безовта бўласизми? 
3. Шифокор қабулига боришни касал зўрайиб кетгунча чўзиб юрадиган 
одатингиз борми? 
4. Сизни бошқа шаҳарга меҳнат сафарига жўнатишмоқда. Сиз авваллари ҳеч 
қачон бу шаҳарда бўлмагансиз. Сиз бор имкониятингизни ишга солиб, ушбу 
меҳнат сафаридан қутилиб қолишга уринасизми? 
5. Ўз кечинмалирингизни бировга у ким бўлишидан қатъий назар гапириб 
беришни ѐқтирасизми? 
6. Кўчада нотаниш одам сизга илтимос билан (йўлни кўрсатиб юбориш, 
вақтни айтиб юбориш ва бошқа илтимослар) мурожаат қилиши жонингизга 
тегадими? 
7. Ҳар хил авлод вакиллари, ҳақиқатдан ҳам, бир – бирини тушуниши қийин, 
деб ўйлайсизми? 
8. Танишингиз бир неча ой аввал сиздан қарз олган бўлса, унга пулни 
қайтариш илтимоси билан мурожаат қилишга уяласизми?
9. Ресторан ѐки кафеда сизга сифатсиз таом келтирилди. Сиз индамай 
ликопчани жаҳл билан бир четга суриб қўясизми? 
10. Нотаниш одам билан ѐлғиз қолганда, сиз суҳбатга киришмайсиз, ўзингиз 
гап бошламайсиз. Шундайми? 

---

189 
11. Сиз борган жойда одамлар узун навбат ҳосил қилиб туришган бўлса 
(масалан, дўконда, кутубхонада, кассада) ниятингиздан қайтмай қатор 
охирига келиб турармидингиз? 
12. Низоли вазиятларни ҳал этиш билан шуғулланувчи бирор комиссия 
ишида қатнашиш сизни чўчитадими?
13. Сиз санъат асарларига, бадиий асарларга баҳо беришда бошқаларнинг 
фикр – мулоҳазаларини эътиборга олмайсиз. Шундайми? 
14. Сиз яхши билган бирор масала бўйича биров аниқ хато гапираѐтган 
бўлса, бу одам билан бахслашмасдан индамай қўя қоласизми?
15. Иш ѐки ўқиш юзасидан биров муайян муаммони ҳал этишда ѐрдам 
беришингизни илтимос қилганда, энсангиз қотадими? 
16. Фикрингизни оғзаки айтгандан кўра ѐзма тарзда билдиришни маъқул 
кўрасизми?