|
Zamonaviy kuylar yoqadi, ammo foydalimi?
Xo‘sh, zamonaviy musiqalarni tinglashning nimasi yomon? Bu biz uchun oddiy holat-ku? Quloqchindagi jaranglayotgan musiqa transportda, yo‘lda biz yoqtirgan musiqa emas, balki atrofimizdagi musiqa, odamlarning g‘ala-g‘ovuri va ko‘chadagi ovozlarga qo‘shilib akustik shovqinga aylanadi. Endi ushbu shovqin tubanlashtiruvchi omilga aylanib, yurak-qon aylanishi, endokrin va asab tizimiga salbiy ta’sirini ko‘rsata boshlaydi. Shuning uchun ohang uyg‘unsizligi, ovozning yuqoriligi, musiqa birdan tezlashib-sekinlashishi yoki buni aksi organizm zo‘riqishiga olib keladi, o‘z navbatida organizm himoyaviy mexanizmini ishga soladi. Stress gormonlari - tabiiy narkotiklarning ajralishiga sabab bo‘ladi. Doimiy stress holati organizmni holdan toydiradi.
Foydali musiqa
Musiqalar turli-tuman, har bir qo‘shiq ongimizga turlicha ta’sir qiladi. Shunday ohanglar borki, tanamizni va dilimizni davolaydi. Mumtoz, meditatsiya uchun foydalaniladigan va xalq ijodidagi kuy-musiqalarning davolovchi xususiyati bor. Uyg‘unlik asosida mahorat bilan tanlangan tebrli kuy va qo‘shiqlar haqikatdan ham davolovchi va yorchamchi bo‘la olishi mumkin. O‘zimizning mumtoz kuylar, jumladan, “Cho‘li Iroq”, “Ushshoq”, “Munojot”, “Farg‘ona tong otguncha”, “Mustahzod” yoki g‘arb mumtoz kuylaridan Motsartning asarlari, ilhomlantirib, miyaga katta kuch beradi. Bax va Gendel musiqa asarlari mushkul matematik masalarni yochishda ko‘maklashadi. Sulton Alining musiqalari ilhom, quvvat baxsh etib, tetiklashtiradi, kayfiyatni ko‘taradi yoki sokinlik tusini beradi.
Mumtoz musiqaning foydali tomonlaridan biri eslab qolish xususiyatini oshirib, chet tillarini o‘rganishda yordam berishidir. G‘ijjak, nay tovushlari dilga yoqadi uni davolaydi. Insoniylik tushunchalarini, muhabbat, ko‘ngil kechinmalarini anglashga yordam beradi.
Milliarder musiqaga nega aralashgan?
Cholg‘u asboblaridan chiqadigan tovushlarni inson organizmiga bo‘lgan ta’siri qadimdan ma’lum. Tovushlardagi to‘lqin chastotasi 432 Gs. Bu chastotaning tanlanishi bejiz emas, eramizdan 1800 yil avval ham ma’lum bo‘lgan, chunki butun borliqning tebranish to‘lqiniga mos tushar ekan. Musiqiy sozlar rezonansi inson ichki a’zolari rezonansiga mos tushar ekan. Agarda ohang kasal a’zo rezonansiga mos tushib qolsa, albatta, o‘sha organ tuzalish ko‘maklashar ekan.
1917 yili Rokfeller tashabbusi bilan musiqa asboblarining sozlanmalari tabiiy a- 432 Gs dan a- 440 Gs ga o‘zgartiriladi. Musiqachi va olimlar bunga tish-tirnoqlari bilan qarshi bo‘lishlariga qaramay, milliarder Rokfeller g‘olib chiqadi. Hozirgi kunda a-440 Gs halqaro standart darajasida qabul qilingan. Mazkur yangilik tatbiq qilingandan so‘ng ohangning inson organizmiga ta’siri neytrallashib qoldi.
Xalq musiqasi immunitetni oshirib, miya ish faoliyatini yaxshilaydi. Shuning uchun, milliy musiqa va kuylarni tinglash maslahat beriladi. Ekzotik musiqalar har doim ham foyda beravermaydi. Inson tanasi 80% suvdan iborat. Ilmiy tadqiqotlar shuni ko‘rsatadiki, musiqa, duo hamda so‘z bilan suvning molekulyar tuzilishi o‘zgaradi.
Musiqa tinglaganimizda ichki dunyoimiz namoyon bo‘layotganday. Xuddi bizni tushunganday... O‘ylab ko‘rganmisiz - u bizning borlig‘imizni, kayfiyatimizni belgilaydi. Kayfiyat bizga bog‘liq bo‘lmagan hissiyot. Uni bizga tinglayotgan musiqamiz yaratadi - uning ohangi, to‘lqini, jarangi... Ovoz to‘lqinlari butun vujudimizga o‘z ta’sirini o‘tkazadi. Inson qulog‘i 20Gs dan 20000Gs gacha bo‘lgan to‘lqin oralig‘idagi ovozlarni eshitish xususiyatiga ega. Hatto biz eshita olmaydigan tovushlar ham bizga o‘z ta’sirini ko‘rsatar ekan. Gohida xursandmiz, gohida g‘amgin yoki birdan qo‘rquv hissi paydo bo‘ladi. O‘zimiz ham tushunmay qolamiz atrofimizda bo‘layotgan narsalarni. Bularni hammasidan inson ongiga ta’sir ko‘rsatuvchi qurol sifatida foydalansa bo‘ladi. Musiqa ongimizga biz bilgandan ko‘roq ta’sir qilar ekan.
Hulosa
Har birimiz sog‘lom bo‘lishni xohlaymiz, shu bizning haqiqiy boyligimiz va baxtimiz. Har doim ham musiqiy omilning sog‘lig‘imizga ko‘rsatuvchi ta’siriga e’tibor bermaymiz. Musiqa davolashi ham, qotilimizga aylanishi ham mumkin. Musiqa tanlashda o‘ta ehtiyotkor bo‘lishimiz, negativga to‘la bo‘lgan musiqalarni yoqtirsak, imkon darajada bundan voz kechishimiz kerak. Qo'shiqlar yoki ritmlarni o'rganayotganda bola turli xil ohanglar, notalar va tovushlarga e'tiborni qaratadi. Shu tarzda, shu ravishda, shunday qilib diqqatni, diqqatni va xotirani yaxshilaydi.O'shandan beri tilni yaxshilashga hissa qo'shadi bolalarni so'zlarning tovushlari va ma'nosi bilan tanishtiradi
Do'stlaringiz bilan baham: |
