A’jiniyaz do’retiwshiliginde turaqli so’z dizbeklerinin’ qollaniliwi

Feyil mánili frazeologizmler:

Qálem qashıń, qara kóziń súzilur,

Aq siynáńá tilla háykel tizilúr,
Yuzińdi kórgende baǵrım ezilur,

Xabarıń ber, páriyzadım, yol bolsun.¹

Itibar bolmadı siz benen bizge,

Meni qoyıp kettiń dártli etip izde,

Eriksiz uzatılıp xojaǵa gúzde,

Súymesińe basıń qostıń, sáwdikim ¹

Bizge de, sizge de bolıp tur obal,

Bul sózime periyzadım qulaq sal,

Bándeniń basına túser túrli hal,

Hár istiń axırı bolsın dilbarım.²

Dúnyanı yıǵnaǵan Qarun,

Bir ózi bolıp sahıp dun,

Anı hám yer yuttı bir kún,

Zindan dúnya qoyan yoqtı.³

Ájiniyazdıń bul qosıqlarında keltirilgen turaqlı sóz dizbekleri feyil mánili frazeologizmler bolıp, olardıń mánileri tómendegishe:

baǵrım ezilur- qıynalıw

bas qosıw- turmıs qurıw
qulaq salıw-tıńlaw

basına túsiw-qıyınshılıqlı iske jolıǵıw

Jer jutıw- qaytıs bolıw, dúnyadan ótiw

Shayır shıǵarmalarında feyil mánili turaqlı sóz dizbekleri júdá káp qollanılǵan.