Ахборот тизимлари ва технологиялари”

Суд ҳокимияти органлари
Кибер ҳужум уйиштирган шахс, жамият ва давлат манфаатларига тажовуз қилувчи жиноят ва қонунбузарликларни тегишли тартибда кўриб чиқади ва Ўзбекистон Республикаси қонунлари асосида жавобгарликка тортади; Ўзбекистон Республикасида Кибер хавфсизлигини таъминлаш бўйича фуқаролар ва жамоат бирлашмаларининг ҳуқуқ ва эркинликларини ҳимоя қилади³.
Ўзбекистон Республикаси Вазирлар Маҳкамасини маҳаллий давлат ҳокимияти органларини шартли равишда Ахборот хавфсизлигини таъминлаш бўйича умумий ваколатга эга бўлган давлат органлари дейиш мумкин. Чунки, Ўзбекистон Республикаси Вазирлар Маҳкамаси Ахборот хавфсизлигини таъминлаш соҳасида ягона давлат сиёсатининг амалга оширилишини таъминлаб, Ахборот хавфсизлигини таъминлаш масалалари бўйича барча давлат органларининг жамоат бирлашмалари, халқаро ташкилотлар ва фуқаролар билан самарали ўзаро ҳамкорлигини таъминлайди.
Маҳаллий давлат ҳокимияти органлари эса, Кибер хавфсизлигини таъминлашга қаратилган ҳудудий ва соҳавий ҳудудий дастурларни тасдиқлайди ва амалга оширади.
Кибер хавфсизлигини таъминловчи бевосита органлар ва муассасалар тизимига қуйидагилар киради:
- Давлат хавфсизлик хизмати органлари;
- Ўзбекистон Республикаси Президентининг Давлат хавфсизлик хизмати;
- прокуратура органлари;
- ички ишлар органлари;
- миллий гвардия органлари.
Шунингдек, фуқароларнинг ўзини-ўзи бошқариш органлари, юридик шахслар ва фуқаролар Кибер хавфсизлигини таъминлашда қонун ҳужжатларида белгиланган тартибда иштирок этадилар.
Барча давлат (бошқарув) органлари Кибер хавфсизлигини таъминлашга қаратилган комплекс мақсадли давлат дастурларини ишлаб чиқиш ва амалга оширишда иштирок этади ҳамда Кибер хавфсизлигини таъминлашга қаратилган мақсадли идоравий дастурларини ишлаб чиқади, тасдиқлайди ва амалга оширади. Шу билан бирга, давлат орган ва муассасалари ўзларининг қонунларда белгиланган асосий вазифаларини хусусиятидан келиб чиқиб, Кибер хавфсизлигини таъминлашда муайян ваколатларга эга бўладилар.