Ахборот тизимлари ва технологиялари”

Амалий машғулот мақсади: Курсантлар томонидан Кибер хавфсизлигини таъминлаш соҳасидаги давлат сиёсатининг устувор йўналишлари, бу соҳадаги бошқарув субъектлари (ваколатли органлар тизими), уларнинг вазифалари, функциялари, усул (метод)лари, ваколатлари ҳамда уларни амалга оширишнинг ҳуқуқий, ташкилий-тактик ва бошқа асослари билан танишиш; маърузада берилган назарий билимларни мустаҳкамлаш ва норматив-ҳуқуқий меъёрларни шархлаш; курсантлар мустакил тайёргарлиги (конспект ва адабиётлар билан ишлаши) самарадорлигини ва саволларни ўзлаштириш даражасини аниқлаш; нутқ сўзлаш қобилиятини шакллантириш ва ривожлантириш.
Машғулотга тайёргарлик бўйича услубий тавсиялар: курсантлар Кибер хавфсизлигини таъминлаш соҳасидаги сиёсатнинг муҳим йўналишларини билишлари, бу борадаги қонунчилик нормалари, ваколатли органларга қўйилган талабларни таҳлил қилиш лозим.
Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясидаги асосий вазифалар, жамоат тартиби ва жамоат хавфсизлигини таъминлаш йўналишидаги ҳуқуқ-тартибот органлари ва давлат ташкилотларига юклатилган вазифаларни чуқур ўзлаштириш.
Касбий вазиятли масалаларни ечиш /амалий муаммоли вазиятларни таҳлил қилиш ва бошқарув қарорларини қабул қилиш
(кейс-стади) бўйича машғулот
Машғулотни ўтказишда ўқитувчи курсантлар фаолиятини олдин якка тартибда, кейин эса гуруҳларда ва сўнгра жамоавий шаклда ташкиллаштиради.
Якка тартибда ишлаш жараёнида курсантлар вазиятли мисол матни/кейсда баён этилган касбий амалий вазият материаллари билан танишишади ва якка тартибдаги ечимини тайёрлашади.
Гуруҳларда ишлаш жараёнида:
вазиятли мисол ечими мувофиқлаштирилади, касбий амалий вазият, муаммоси ва уни пайдо бўлиш сабаблари тўғрисидаги тасаввурлар мувофиқлаштирилади;
ҳамма тўғри келадиган ечиш варианти ва зарурият пайдо бўлганда бошқарув ечимини топиш;
гуруҳли иш натижаларини матн, жадвал ёки плакат кўринишида тақдимот учун тайёрлаш.
Жамоавий ишлаш жараёнида ҳар бир кичик гуруҳ ўз фаолиятининг натижаларини тақдим этади, бошқа гуруҳ иштирокчиларининг саволларига жавоб беради ва ўз таклифларини аниқлаштиради, барча тақдимотлар сўнгида эса бошқа гуруҳлар томонидан таклиф этилган ечимларга баҳо беради ёки ўз муносабатини билдиради.