Ахборот технологиялари ва статистика

Электрон рақамли имзо - электрон ҳужжатдаги мазкур электрон ҳужжат ахборотини электрон рақамли имзонинг ёпиқ калитидан фойдаланган ҳолда махсус ўзгартириш натижасида ҳосил қилинган ҳамда электрон рақамли имзонинг очиқ калити ёрдамида электрон ҳужжатдаги ахборотда хато йўқлигини аниқлаш ва электрон рақамли имзо ёпиқ калити эгасини идентификация қилиш имконини берадиган имзо.



3.2.5-расм. Электрон рақамли имзони қайд этиш марказларининг сони.
Бундан ташқари, электрон имзо учун бериладиган калитлар сони 2008 йилда 25000 тани ташкил этган бўлса, 2009 йилда берилган калитлар сони 50399 тани ташкил этди. 2008 йилга нисбатан бу кўрсаткич 201,5 фоизни ташкил этди.
Электрон рақамли имзонинг ёпиқ калити - электрон рақамли имзо воситаларидан фойдаланган ҳолда ҳосил қилинган, фақат имзо қўювчи шахснинг ўзига маълум бўлган ва электрон ҳужжатда электрон рақамли имзони яратиш учун мўлжалланган белгилар кетма-кетлиги.





3.2.6-расм. Электрон рақамли имзолар учун берилган калитлар сони.
Ўзбекистонда 2010 йилда давлат бошқарув органларининг компьютер техникаси билан жиҳозланиш даражаси ҳар 100 нафар ходимга 68 тани ташкил этди. Давлат бошқарув органларида юқори тезликда ахборот алмашиш тизимлари 81 фоизни ташкил этди. Давлат бошқарув органлари ходимларининг компьютер техникасидан фойдаланиш даражаси 73 фоизни ташкил этди. Умумий ҳужжат айланиши ҳажмида электрон ҳужжат айланишининг улуши 22 фоизни ташкил этди. Бу кўрсаткичлар ўз навбатида ахборот-коммуникация технологияларини давлат бошқарув тизимига жорий этиш жадал ривожланиб бораётганидан далолат беради.
Республикамизда интернет тармоғида давлат органлари веб-сайтларидан ўртача фойдалана олиш имконияти кенгайиб бормоқда. 2009 йилнинг биринчи чорагига нисбатан шу йилнинг тўртинчи чорагида давлат органлари веб-сайтларидан ўртача фойдалана олиш даражаси 6,5 фоизга ошди. Бу ўз навбатида ахборот-коммуникация технологияларининг давлат бошқарув органлари фаолиятида кенг жорий этилаётганини тасдиқлайди.