Ахборот технологиялари” кафедраси ахборот хавфсизлиги

Ахборотни симметрик алгоритмлар асосида криптографик химоялаш тамойиллари

Шифрлаш криптотизимининг умумлаштирилган схемаси

Узатилувчи ахборот матни М криптографик ўзгартириш Е_к1 ёрдамида шифрланади, натижада шифрматн C олинади:

Криптотизимларнинг иккита синфи фарқланади:

1. 
   симметрик криптотизим (бир калитли);
   
2. 
   асимметрик криптотизим (иккита калитли).
   

Шифрлашнинг симметрик криптотизимида шифрлаш ва расшифровка қилиш учун битта калитнинг ўзи ишлатилади. Демак, шифрлаш калитидан фойдаланиш хуқуқига эга бўлган ҳар қандай одам ахборотни расшифровка қилиши мумкин. Шу сабабли, симметрик криптотизимлар маҳфий калитли криптотизимлар деб юритилади. Яъни шифрлаш калитидан фақат ахборот аталган одамгина фойдалана олиши мумкин.

Електрон хужжатларни узатишнинг конфидентсиаллигини симметрик криптотизим ёрдамида таъминлаш масаласи шифрлаш калити конфидентсиаллигини таъминлашга келтирилади. Одатда, шифрлаш калити маълумотлар файли ва массивидан иборат бўлади ва шахсий калит элтувчисидан масалан, дискетда ёки смарт-картада сақланади. Шахсий калит элтувчиси эгасидан бошқа одамларнинг фойдаланишига қарши чоралар кўрилиши шарт.
Симметрик шифрлаш ахборотни "ўзи учун", масалан, эгаси йўқлигида ундан рухсатсиз фойдаланишни олдини олиш мақсадида, шифрлашда жуда қулай хисобланади. Бу танланган файлларни архивли шифрлаш ва бутун бир мантиқий ёки физик дискларни шаффоф(автоматик) шифрлаш бўлиши мумкин.
Симметрик шифрлашнинг ноқулайлиги - ахборот алмашинуви бошланмасдан олдин барча адресатлар билан махфий калитлар билан айирбошлаш заруриятидир. Симметрик криптотизимда махфий калитни алоқанинг умумфойдаланувчи каналлари орқали узатиш мумкин эмас. Махфий калит жўнатувчига ва қабул қилувчига калитлар тарқатилувчи ҳимояланган каналлар орқали узатилиши керак.
Мавжуд барча криптографик усуллар қуйидаги синфларга ажратилади:

Моно- ва кўп алифболи ўрнига қўйишлар (подстановкалар).

Бир хил алифбодан фойдаланган ҳолда очиқ матнни бошқа матнга мураккаб ёки қийин қоида бўйича алмаштириш ўрнига қўйиш ҳисобланади. Юқори криптобардошлиликни таъминлаш учун катта калитлардан фойдаланишга тўғри келади.
Ўрин алмаштиришлар (перестановкалар)
Бу ҳам унча мураккаб бўлмаган криптографик акслантириш ҳисобланади, одатда бошқа усуллар билан биргаликда фойдаланилади.
Гамма қўшиш (Гаммалаш)
Бу усулда калит асосида генератсия қилинадиган псевдотасодифий сонлар кетма-кетлиги очиқ матн устига қўйилади.
Блокли шифрлар шифрланадиган матн блокига қўлланиладиган асосий акслантириш усулларини (мумкин бўлган такрорлашлар ва навбатлар билан) тасвирлайди. Блокли шифрлар юқори криптобардошлиликка эга эканлигидан амалда у ёки бу синф акслантиришидан кўпроқ учрайди. Америка ва Россиянинг шифрлаш стандартлари айнан шу синф шифрларига асосланган.