Ахборот қисми Парафармацевтика маҳсулотлари тушунчаси ва таснифи. Парафармацевтика маҳсулотлари

Даволаш-косметика товарлари ассортименти 
Даволаш-косметика товарлари ассортименти тананинг қайси аъзосига
қўллашга қараб таснифланади: Қуёшдан ҳимояланиш воситалари. 
Соч ва бош терисини парваришлаш воситалари. 
Даволаш-косметикаси воситалари, асосан, тананинг алоҳида аъзолари, 
хусусан
юз, қўл, оёқ, бадан, бош терисини ва сочларни парвариш қилиш учун 
мўлжалланган. 
Ўз навбатида, юз терисини парваришлаш воситалари бир неча гуруҳга 
бўлинади. 
Юз терисини парваришлаш воситалари
косметика воситалари 
ассортиментининг катта қисмини ташкил этади, чунки ташқи кўриниш 
муаммоси аксарият одамлар учун ўта муҳим. Юз териси нуқсонлари туғма 
ва ташқи ноқулай омиллар, организмдаги модда алмашинуви бузилишига 
олиб келувчи нотўғри овқатланиш таъсирида орттирилган бўлади ва 
оқибатда “муаммоли” терига сабаб бўлиши мумкин. Бу гуруҳга юз 
терисининг эластиклиги ва тонусини тикловчи, уни ташқи муҳит 
омилларининг салбий таъсиридан ҳимояловчи воситалар, тонли кремлар, 
лабни парваришлаш, юз териси депиляцияси воситалари киради. Шу 
муносабат билан юз терисини парваришлаш учун воситалар ассортименти 
бир неча гуруҳга ажратилади. Юз терисида касалликлар, нуқсон ва 
камчиликлар бўлса, ҳузнбузар тошганда қўлланиладиган, ҳузнбузар 
тошишига мойиллиги бўлган “муаммоли” терини парвариш қилиш учун 
қўлланиладиган (тозалаш, тетиклаштирадиган ва намлайдиган), доғ тушган, 
сезувчан, таъсирчан ва сувсизланган терини
парваришлаш учун мўлжалланган воситалардан фойдаланилади. 
Бугунги кунда таниқли фармацевтика фирмалари (KRKA ва бошқалар)
терининг турли муаммоларини (ёғли, нормал, қуруқ) инобатга олган ҳолда 
товарлар серияси кўринишидаги маҳсулотларни ишлаб чиқарадилар. 
Хусусан,
KRKA (Словения) юз ва баданнинг муаммоли терисини парвариш 
қилиш учун 
Витаскин анти акне 
воситалари сериясини ишлаб чиқаради: 
бактерияларга қарши таъсир кўрсатувчи гель, тозаловчи сут, антисептик 
лосьон, фаол ва намловчи кремлар, арника экстракти қўшилган, 
ампулаларда чиқариладиган эритма. Уларнинг таркибига турли 
ўсимликларнинг таъсир қилувчи моддалари (алоҳида турли шаклларда), шу 
жумладан, гамамелис, нилуфар гул экстракти, чой дарахти, цейлон 

---

коричниги, аччиқ бодом мойи, буғдой протеинлари, шунингдек витаминлар 
ва турли антисептик моддалар киради. 
Териси ҳуснбузар тошишига мойил бўлган, муаммоли бўлган ўсмирлар 
учун
Клин Энд Клэр
(Жонсон ва Жонсон) воситалари туркуми чиқарилади. Бу 
воситалар бактерияга қарши хусусиятга эга. Булар – гель, лосьон, мусс, 
кўпик, чуқур тозалаш учун пўстни шилувчи эмульсия. Воситалар таркибига 
эвкалипт, ялпиз, кокос ва касторка мойлари ва бошқа моддалар киради. 
Доғ тушган тери учун ассортиментда Плацента Лаб. фирмасида 
(Япония) ишлаб чиқарилган плацентар ниқоб ёки экстракт бор. Улар 
намлаш,
яллиғланишга қарши ва оқартирувчи таъсирга эга, терининг тетиклиги ва 
эластиклигини тиклайди. 
Қуйидаги туркумлар ёрдамида сезувчан, таъсирчан ва сувсизланган 
юз терисини парвариш қилиш мумкин.