“ахборот хавфсизлиги”

ФОЙДАЛАНИЛГАН АДАБИЁТЛАР

1. 
   С.К. Ғаниев, М.М. Каримов, К.А. Ташев Ахборот хавфсизлиги. “ ALOQACHI” – 2008.
   
2. 
   Васильков А. В. Васильков А. А. Васильков И. А. Информационные системы и их безопасность. Москва-2011.
   
3. 
   В. П. Мельников, С. А. Клейменов, А. М. Петраков Информационная безопасность и защита информации. Москва Издательский центр “Академия” -2009
   
4. 
   Васильков А. В. Васильков И. А Безопасность и управление доступен в информационных системах. Москва-2010.
   
5. 
   В. Ф. Шаньгин Комплексная защита информации в корпоративных системах. Москва ИД “ФОРУМ” – ИНФРА-М 2010.
   

6-маъруза.
ЭЛЕКТРОН РАҚАМЛИ ИМЗО
Режа:
1. Электрон рақамли имзо
2. Криптографик калитларни бошқариш


Таянч иборалар: текшириш, махфий, абонент, шифрлаш, махфий калит, матрица, криптографик калит, кодлаш калити, глобал тармок.
Электрон рақамли имзо
Электрон ҳужжатларни тармоқ орқали алмашишда уларни ишлаш ва сақлаш харажатлари камаяди, қидириш тезлашади. Аммо, электрон ҳужжат муаллифини ва ҳужжатнинг ўзини аутентификациялаш, яъни муаллифнинг ҳақиқийлигини ва олинган электрон ҳужжатда ўзгаришларнинг йўқлигини аниқлаш муаммоси пайдо бўлади.
Электрон ҳужжатларни ауентификациялашдан мақсад уларни мумкин бўлган жинояткорона ҳаракатлардан ҳимоялашдир. Бундай ҳаракатларга қуйидагилар киради:
- фаол ушлаб қолиш - тармоққа уланган бузғунчи ҳужжатларни (файлларни) ушлаб қолади ва ўзгартиради. - маскарад – абонент С ҳужжатларни абонент В га абонент А номидан юборади;
- ренегатлик — абонент А абонент В га хабар юборган бўлсада, юбормаганман дейди;
- алмаштириш — абонент В ҳужжатни ўзгартиради, ёки янгисини шакиллантиради ва уни абонент А дан олганман дейди;
- такрорлаш - абонент А абонент В га юборган ҳужжатни абонент С такрорлайди.
Рақамли имзо ишлаши бўйича оддий қўлёзма имзога ўхшаш бўлиб, қуйидаги афзалликларга эга:
- имзо чекилган матн имзо қўйган шахсга тегишли эканлигини тасдиқлайди;
- бу шахсга имзо чекилган матнга боғлиқ мажбуриятларидан тониш имкониятини бермайди;
- имзо чекилган матн яхлитлигини кафолатлайди.
Электрон рақамли имзо тизими иккита асосий муолажани амалга оширади:
- рақамли имзони шакллантириш муолажаси;
- рақамли имзони текшириш муолажаси.