“ахборот хавфсизлиги”

Шифрлаш стандартлари

Россиянинг ахборотни шифрлаш стандарти. Росссия Федерациясида
ҳисоблаш машиналари, комплекслари ва тармоқларида ахборотни крипто-график ўзгартириш алгоритмларига давлат стандарти (ГОСТ 2814-89) жорий этилган. Бу стандартда ахборотни криптографик ўзгартиришнинг қуйидаги алгоритмлари мавжуд:
- оддий алмаштириш;
- гаммалаш;
- тескари боғланишли гаммалаш;
- имитовставка.
Оддий аламштириш алгоритмининг моҳияти қуйидагича. Дастлабки кетма-кетликнинг 64 битли блоки иккита 32 хонали А ва В иккили сўзларга ажратилади. А сўзлар блокнинг кичик хоналарини В сўзлар эса катта хоналарини ташкил этади. Бу сўзларга сони i=32 бўлган циклик итерация оператори F_i қўлланилади. Блокнинг кичик битларидаги сўз (биринчи итерациядаги А сўзи) калитининг 32 хонали сўзи билан mod2³² бўйича жамланади, ҳар бири 4 битдан иборат қисмларга (4 хонали кириш йўли векторлари) ажратилади; махсус алмаштириш усуллари ёрдамида ҳар бир вектор бошқаси билан алмаштирилади, олинган векторлар 32 хонали сўзга бирлаштирилиб, чап тарафга циклик равишда силжитилади ва 64 хонали блокдаги бошқа 32 хонали сўз (биринчи итерациядаги В сўзи) билан mod 2 бўйича жамланади.

Оддий алмаштириш алгоритмида шифрлаш жараёнининг блок-схемаси.

Гаммалаш алгоритмида дастлабки битларнинг кетма-кетлиги гамма-
нинг битлари кетма-кетлиги билан mod2 бўйича жамланади. Гамма оддий
алмаштириш алгоритмига биноан ҳосил қилинади. Гаммани шаклланти-
ришда иккита махсус доимийлардан ҳамда 64-хонали иккили кетма-кетилик
синхропосилкадан фойдаланилади. Ахборотни фақат синхропосилка борли-гида расшифровка қилиш мумкин. Синхропосилка махфий бўлмайди ва очиқ ҳолда ҳисоблаш машинаси хотирасида сақланиши ёки алоқа канали орқали узатилиши мумкин.
Тескари боғланишли гаммалаш алгоритми гаммалаш алгоритмидан фақат шифрлаш жараёнининг биринчи қадамидаги ҳаракатлар билан
фарқланади.
Имитовставка нотўғри ахборотни зўрлаб киритилишидан ҳимоялашда ишлатилади.Имитовставка дастлабки ахборот ва махфий калитни ўзгартириш функцияси ҳисобланади. У k бит узунликдаги иккили кетма-кетликдан иборат бўлиб, k нинг қиймати нотўғри ахборотнинг зўрлаб киритилиши

эҳтимоллиги Р_зк билан қуйидаги муносабат билан боғланган.