Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Gabak galdyrmazlyk — 1. Üns bermezlik, jogap bermezlik, geplemezlik. Uzuk oňa jogabam bermedi, gabagynam galdyrmady (H. Derýaýew). Emma Hangeldi olara gabagyny galdyrman, piliň elden sypyp barýan ýylmanak sapyny biygtyýar sypalady (B. Kerbabaýew). 2. Hyrydarlyk bilen seretmezlik, garamazlyk, göz gyzdyrmazlyk. Annalynyň gyzyna... gabagyňy galdyryp serediji bolaýma! (N. Saryhanow). Sen meniň şu çaka çenli kişi maşgalasyna gabak galdyranymy gördüňmi? (Ö. Abdyllaýew).

Gamak ýaly— 1. Çalasyn, ýeňil (zat, adam barada). Çopan gamak ýaly ýeňil gopdy. Indi ol bäşatary üç-dört aý bäri elden düşürmän, ony gamak ýaly oýnaýardy («Sowet edebiýaty»). 2. Ärän arryk, hor. Ol baýyň-da on ýaşly bir ogly bar eken, ol ýaş oglanyň reňki saralyp, gamak ýaly bolup galan eken («Türkmen halk ertekileri»),

Ganat germek— 1. Eziz görmek, kökenek bolmak; gujak açmak. Men munuň üstüne ganat gersem, bu meniň ýüregime neşter dürtýä (B. Kerbabaýew). Kümüş reňk salkyn säherler, Gelýär bize ganat gerip (R. Seýidow). 2. Erkana ýaýnamak, gerim almak, ösmek. Göwün

ýüwürtmegi başarmaýan adam öz ganatyny oňly gerip bilmez (B. Kerbabaýew). 3. Abanmak, howp salmak. Emma ölüm gorkusy ganat gerip, öz depesinden inende ynsanlarda neneňsi gorkynyň döräp biljekdigine düşündi (H. Derýaýew).

Gara güýç — 1. Fiziki zähmet, el güýji. ...Buraw işini, esasan, maşyn alyp barsa-da, onuň şindi gara güýç talap edýän ýeri kändi (B. Kerbabaýew). Şeýle-de bolsa, bu baglaryň ugrunda gara güýjüni gaýgyrman, zähmet derini saçýardy (A. Gurbanow). 2. Tebigy howp, betbagtçylyk. Ynha, şol maksat bilen Torly dyngysyz hereket edýärdi, deňsiz gara güýjüň garşy-syna aýgytly göreş alyp barýardy (H. Derýaýew). Bilmedim ilimde barmydy öji. Garry tebigatyň bu gara güýji (A. Kekilow).

Garasy ýitmek—1. Gözýetimden saýlanmak, görünmez bolmak. Obanyň garasy ýitýänçä Durup-durup garady (A. Alamyşow). Şageldiniň garasy ýiten dessine çopan janlandy. («Sowet edebiýaty»). 2. Gelip-gidip durmazlyk, gara bermezlik.

Gaýa ýaly—1. Belent, beýik, äpet, uly. Belent raýyşlar dag gaýalary ýaly üstüňe abanyp durdy (B. Seýtäkow). Amyderýanyň boýunda edil gaýa ýaly güberip duran ullakan bir gala bar (N. Jumaýew). 2. Batyr, edermen, ýanbermez, kuwwatly. Çünki gaýa ýaly Sowet Goşuny Saklap dur bu ýurduň degre-daşyny (A. Haýydow). Duranda gaýa dek durup merdana, Alar ýerden at salyşy gerekdir («Türkmen poýeziýasynyň antologiýasy»).

Gep gözlemek—1. Gybat eder ýaly gepiň ugruna çykmak; 2. Şer aramak, yrsaramak «...Bahary azdyrýan hem şularyň biridir, indi hem gep gözläp gelendirler» diýip pikirlendi... (A. Gowşudow). Aýal baý durmuşdan täze güýç alyp, Gep gözlärdi öýden-öýe aýlanyp (B. Seýtäkow).