Agrokonsalting

Nazorat uchun savollr

1. Shartnoma tushunchasi va uning mazmuni bo‘yicha maslahatlar.

2. Qishloq xo‘jaligida shartnomalarni tuzishning o‘ziga xosligi va shartnomalarning amal qilish muddatlari, tomonlarning xuquq va majburiyatlar
3. Kontraktatsiya shartnomalari, moddiy-texnika ta’minoti, xizmatlar ko‘rsatish, tayyorlov tashkilotlari, qayta ishlash korxonalari bilan shartnoma tuzish tartibi bo‘yicha maslahatlar.

12-M A V Z U: Xodimlarni boshqarish bo‘yicha maslahatlar



REJA
1.Mehnat resurslarini samarali boshqarish siyosati va amaliyotibo‘yicha maslahatlar
2.Mehnat resurslarini hisobga olish va rejalashtirishbo‘yicha maslahatlar.
3. Mehnat motivatsiyasi va mehnatni rag‘batlantirish bo‘yicha maslahatlar.
4. Mehnat resurslarini samarali boshqarishdagimuammolarva ularning yechimini topish bo‘yicha maslahatlar.



Tayanch iboralar: moddiy ne’matlar, mehnat,tashkiliy-farmoyish, inson resurslari, operativ, moliyaviy, moddiy resurslar



1–savol


Mehnat resurslarini samarali boshqarish siyosati va amaliyotibo‘yicha maslahatlar
Moddiy ne’matlar ishlab chiqarish va xizmatlar ko‘rsatish ikkita zarur tarkibiy qismdan: bir tomondan, moddiy resurslar va ikkinchi tomondan, inson resurslaridan, ya’ni kasb malakalari va bilimlariga ega bo‘lgan xodimlardan iborat bo‘ladi. Inson resurslari moddiy resurslar bilan bir qatorda iqtisodiy rivojlanish omili sifatida namoyon bo‘ladi.
Inson resurslari – bular odamlardir, ular faqat moddiy ne’matlar yaratib qolmay, shu bilan birga ularni iste’mol ham qiladilar. Odamlar o‘zlarining moddiy va ma’naviy ehtiyojlari jihatidan unchalik bir xil emaslar. Bunga ularning jinsi, yoshi, sog‘lig‘i, oilaviy ahvoli, ma’lumot darajasi va boshqa ijtimoiy, psixo-fiziologik sifatlari sabab bo‘ladi, shuning uchun bir kishi ikkinchisiga o‘xshamaydi.
Mehnat sohasida odamlarning muhim ehtiyojlari amalga oshadi, lekin hamma ehtiyojlari ham ro‘yobga chiqavermaydi. Mehnatdan samarali foydalanish uchun insonning shaxs sifatidagi talablarini esda tutish muximdir. Iqtisodiyotning muvaffaqiyatli rivojlanishi shuni taqozo qiladiki, murakkab xo‘jalik mexanizmining samarali faoliyat ko‘rsatishi uchun amalga oshiriladigan hamma sohada inson va iqtisodiyot manfaatlariga rioya qilinishi lozim.
Iqtisodiyotda amalga oshirilayotgan iqtisodiy islohotlar davrida hamma narsalarni inson ehtiyojlari va taqdiri bilan muvofiqlashtirish muhimdir.
Mehnat resurslari deb, o‘zining aqliy va jismoniy mehnati bilan ijtimoiy ishlab chiqarishda ishtrok etadigan mehnatga qobilyatli kishilarga aytiladi.
Mehnat resurslari o‘ziga iqtisodiyotda mehnat bilan band va mehnat bilan band bo‘lmagan mehnat qilish qobilyatiga ega bo‘lgan kishilarni qamrab oladi. Mehnat resurslari haqiqiy (real) va potensial xodimlardir.
Korxona miqyosida boshqarishning asosiy maqsadi – korxonaning ishlab chiqarish, tijorat, moliyaviy va boshqa faoliyatlarini oqilona tashkil etish hamda xodimlar salohiyatidan unumli foydalanish orqali foydani maksimallashtirishga erishishdir.
Boshqaruv vazifalari boshqaruv funksiyalari orqali amalga oshiriladi.
Boshqaruv funksiyalari – boshqaruv faoliyatining maqsadga yo‘naltirilgan tarkibiy qismlaridan biridir. Zamonaviy boshqaruv nazariyalarida uning quyidagi funksiyalari ajratib ko‘rsatiladi:

• 
  boshqaruv ob’yektiga oid axborotlarni yig‘ish, saqlash, tizimga solish va qayta ishlash;
  
• 
  yig‘ilgan axborotlarni operativ va moliyaviy hisobotlar yordamida tahlil etish;
  
• 
  joriy va istiqbolli rejalashtirish;
  
• 
  korxonaning ishlab chiqarish, tijorat, moliyaviy va investitsion faoliyatini tashkil etish va boshqarish;
  
• 
  raqobat muhitida korxonaning yashovchanligini ta’minlovchi moliyaviy va marketing faoliyatini tashkil etish;
  
• 
  mehnatni tashkil etish, majburiyatlarni taqsimlash va boshqarish;
  
• 
  nazorat va tartibga solish.
  

Ta’sir ko‘rsatish mazmuniga ko‘ra boshqaruvning tashkiliy-farmoyish, iqtisodiy va ijtimoiy-psixologikusullarimavjud.