Agrokonsalting

Chorvachilik tizimining tashkiliy-iqtisodiy elementlari tarmoqni oqilona ixtisoslashtirish va tashkiliy tuzilishini belgilash, ishlab chiqarishni rejalashtirish, tashkil etish va boshqarish, mehnatni ilmiy asosda tashkil etish va unga haq to‘lash, norma va normativlardan unumli foydalanish kabi tadbirlar majmuasini ifodalaydi. Tizimni to‘g‘ri rejalashtirish va boshqarish, ishchi-xodimlar mehnatini to‘g‘ri tashkil etish va mehnatga haq to‘lashning ilg‘or usullarini joriy etish, moddiy rag‘batlantirish tizimidan unumli foydalanish, iqtisodiy resurslardan samarali foydalanish tarmoqning iqtisodiy barqarorligini ta’minlashda va rivojlanish sur’atlarini o‘stirishda katta ahamiyat kasb etadi.
Chorvachilik tizimi moddiy-texnik, texnologik va tashkiliy-iqtisodiy elementlardan tashkil topadi.
Moddiy - texnik elementlarga: chorvani saqlash uchun bino tipi, mashinalar tizimi va tarmoqni yuritish uchun zarur bo‘lgan boshqa vositalar kiradi. Chorvachilikda mahsulot yetishtirishni jadallashtirish darajasi qancha baland bo‘lsa, bu elementlar shuncha ko‘p ahamiyatga ega bo‘ladi.
Texnologik elementlar - chorvani qayta ishlab chiqarishni tashkillashtirish, nasldorlikni kuchaytirish, zotdorlik sifatlarini yaxshilash, ozuqalantirish tiplari va chorvani boqishni takomillashtirish, chorva kasalliklariga qarshi kurash tadbirlarini qamrab oladi.
Tashkiliy - iqtisodiy elementlar- sohaga yo‘naltirilgan ishlab chiqarish kiradi. Maydon biriligi hisobiga chorva bosh soni, uning ixtisosligi, boquv usullari, mahsuldorligini oshirish.
Qoramollar har birining uzunligi 200-250 metr keladigan va o‘z tarkibiga shamol va yog‘inlarning yo‘nalishini hisobga olgan holda qurilgan yopiq va ochiq maydondan iborat molxonalarda boqiladi. Har bir molxonada 150-200 bosh qoramol boqilishi mumkin. Molxonalar kompleks tarzda ketma - ket qurilgan bo‘lib, har birida mollar ularning jinsiga, yoshiga qarab, sog‘in sigirlar alohida, tuqqan sigirlar alohida, tug‘adigan sigirlar alohida, buzoqlar alohida, yosh buzoqlar alohida boqiladi.
Qoramollarning jins va yosh guruhlarga turkumlanishi qo‘yidagicha ajratiladi:
-g‘unajinlar;
-bir yoshgacha bo‘lgan urg‘ochi buzoqchalar;
- bir yoshdan oshgan tanalar;
-shu yil tug‘ilgan buzoqchalar.
Shuningdek, qoramolchilikda hozirgi paytda ekologik toza mahsulot ishlab chiqarishga asosiy e’tibor berilmoqda. Buning uchun ularga talab darajasida asrash, saqlash va parvarishlash, ya’ni ularga “konfort” sharoitlar yaratib berish muhim ahamiyatga ega. Binolarda havo almashunuviga alohida e’tiborni qaratish zarur. Chunki, mollarda aksariyat kasallik binolarda havo almashinuvining talab darajasida bo‘lmasligidan va zaharli gazlarni ko‘payib ketishidan kelib chiqadi.
Agarda chorvachilik binolari nihoyatda past qilib qurilsa, yoz faslida havo almanishuvi yomonlashadi va bino ichida harorat ko‘tarilib, turli zaharli gazlarni to‘planib qolishiga olib keladi. Bu holat esa kunning issiq paytida mollar organizmiga salbiy ta’sir ko‘rsatadi. Me’yor bo‘yicha yuqori mahsuldor mollar saqlanadigan bino ichida soatiga 800 m3 havo almashinuvi amalga oshishi lozim. Agarda bino bu talabga javob bermasa, bu joyda saqlanayotgan mollarning mahsuldorligi keskin kamayib ketadi.
Chorva hayvonlari mahsuldorligini oshirishda quyidagilarga amal qilish maqsadga muvofiq:

• 
  chorva hayvonlarning zotdorlik belgilarini saqlash va yanada mustahkamlash;
  
• 
  qishloq xo‘jalik korxonalari, fermer, dehqon xo‘jaliklarini yuqori mahsuldor zotli chorva mollari bilan muntazam ta’minlash;
  
• 
  chorvadorlarning mehnat unumdorligi va mehnat haqini barqaror oshirish;
  
• 
  hayvonlarni saqlashning progressiv usullaridan, shu jumladan, bog‘lamasdan saqlash, maxsus qo‘ralardan foydalanish;
  
• 
  asosiy vositalardan ayniqsa, chorva binolari va inshootlari quvvatidan oqilona foydalanish;
  
• 
  zooveterinariya xizmatlaridan foydalanish.
  

Vazirlar Mahkamasining 2014 yil 24 noyabrdagi EDO-03-13-10-sonli hamda 2015 yil 9 yanvardagi EDO-03-13-1-sonli yig‘ilish bayoni bilan tasdiqlangan dasturlarga asosan 2015 yilda:

•