Agrobiocenoz diyqanshiliqta ju'zege keletug'in biocenoz

8. Kaliy to’ginnin’ g’awasha zu’ra’a’tine ta’siri, c/ga (Jienbekov S., Berdimuratov M, 1993)

Var №	Mineral to’gin mug’darı, kg/ga				G’awasha zu’ra’a’tligi, c/ga		Kaliy mug’darına baylanıslı qosımsha o’nim, c/ga
	N	P	K
1	to’ginsiz				13,9		-
2	200	140	60	19,4		00
3	200	140	80	21,2		1,8
4	200	140	100	22,6		3,2
5	200	140	120	23,5		4,1

 

Mikroelementler. Ha’r bir o’simliktin’ normal o’siwi ha’m rawajlanıwı ushın tiykarg’ı azıq elementleri (N,P,K) nen tısqarı mikroelementlerden bor, cink, mıs, molibden, marganec ha’m kobalt sıyaqlı elementler za’ru’r. Quramında sonday elementleri bolg’an to’ginler mikroto’ginler dep ataladı. Bul elementlerdi o’simlikler ju’da’ az mug’darda talap etedi.                Mikroelementler jetispese, o’simliklerde zat almasıwı normal bolmaydı, ma’selen, bor elementi jetispese o’simliktin’ o’siw tochkası rawajlanbay qaladı, g’awashanın’ g’umshası, gu’lleri, miywe elementleri to’giledi ha’m o’nimi kemeyedi. Bor g’awashanın’ shan’lanıwında za’ru’r bolıp ol jetispegende shigittin’ quramı ha’m sapası pa’seyedi, tamır shiriw keselligine meyil bolıp qaladı.

Topıraqta mıs jetispese, g’awasha japrag’ının’ ushı, shetleri ag’arıp qurıydı, o’nim az boladı. Marganec jetispegende g’awasha japıraqları sarg’ayadı yamasa onda aq, qızg’ısh qon’ır ha’m qon’ır jol-jol daqlar payda boladı.

Qaraqalpaqstan diyqanshılıq ilim izertlew institutında o’tkerilgen ta’jiriybede anıqlanıwınsha mikroelementler azıq elementlerinin’ o’zlestiriletug’ın tu’rge aylanıwında, onın’ o’simlikler ta’repinen o’zlestiriliwinde ha’m g’awasha zu’ra’a’tinin’ artıwına aytarlıqtay ta’sir ko’rsetedi.   

Mineral to’ginlerge 1 kg cink ha’m 1 kg mıs qosıp berilgende zu’ra’a’tlik 3,8 ha’m 3,2 centnerge arttı. (5-keste).